Qaqnepena zirinci
Qaqnepena zirinci (lat. Berberis gagnepainii) — bitkilər aləminin qaymaqçiçəklilər dəstəsinin zirinckimilər fəsiləsinin zirinc cinsinə aid bitki növü.
| Qaqnepena zirinci | ||||||
|---|---|---|---|---|---|---|
 | ||||||
| Elmi təsnifat | ||||||
|
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Dəstə: Fəsilə: Cins: Növ: Qaqnepena zirinci |
||||||
| Beynəlxalq elmi adı | ||||||
|
||||||
| ||||||
Təbii yayılması
redaktəÇində və Qərbi Xibeydə yayılmışdır.
Botaniki təsviri
redaktəHündürlüyü 2 m olan həmişəyaşıl, düz böyüyən və ya sallaq koldur. Gövdəsi slindrik, sarımtıl, bir az ziyillidir, zoğlarının uzunluğu 2 sm-dir, iynələri üçhissəlidir. Sadə, iri, parlaq yarpaqları dalğalı, tutqun-yaşıl, ensiz-lansetvari, tərs yumurtavari formalı, kənarları xırda dişlidir, uzunluğu 10 sm-ə çatır. Çiçəklərin diametri 1 sm-dək olub, açıq-sarı, xoş qoxulu, salxımşəkilli, çiçək qruplarında dəstələrdə 3-7 ədəd yığılmışdır. Maydan iyunadək qızılı-sarı rəng alır. Meyvələri yumurtavari formalı, göy-qara, göyümtül çalarlı olub, uzunluğu 1 sm-ə qədərdir, payızın əvvəllərində yetişir.
Ekologiyası
redaktəGünəşə, kölgəyə və atmosferin sənaye çirklənməsinə davamlı olan növdür. Torpağa tələbkar deyil, ancaq təzə, drenajlı torpaqlara üstünlük verir. Quraqlığa, şəhər şəraitinə davamlıdır.
Azərbaycanda yayılması
redaktəAbşeronda bəzi həyətyanı sahələrdə, parklarda mədəni şəraitdə becərilir.
İstifadəsi
redaktəYaxşı budanır, müxtəlif formalar vermək olur. Alpinari və keçilməz canlı çəpərlərin salınmasında istifadəsi məqsədyönlüdür.