Qaralama:İvan Malkoviç

İvan Malkoviç (ukr. Іван Антонович Малкович, {{DVTY}} şablonu boşdur) — Ukraynalı şair, uşaq yazıçısı, naşir, 2017-ci ildə Ukraynanın Taras Şevçenko adına Milli Mükafatı laureatı^[1].

Bioqrafik məlumat redaktə

Anton Malkoviç və Arseniçdən olan Yuliyanın ailəsində anadan olmuş, Sas gerbinə mənsub olan Qalisiya və Lodomeriya Krallığının, Bukovina Hersoqluğunun Şlyuxta zadəganlarının nəslindəndir^[2]^[3].

İvano-Frankivsk Musiqi Məktəbininin skripka sinfini (1980) və Taras Şevçenko adına Kiyev Universitetinin filologiya fakültəsi (1985) bitirmişdir. O, 19 yaşlı gənc olaraq, gənc müəlliflər üçün ümumukrayna seminarında iştirak edir. Burada ən yaxşı şair seçilir. Onun ilk kitabının nəşri ukraynalı şairə Lina Kostenko tərəfindən dəstəklənib.

"Ağ daş" (ukr. Білий Камінь, 1984), "Açar" (ukr. Ключ, 1988), "Şeirlər" (ukr. Вірші, 1992), "Çiyində mələklə" (ukr. Із янголом на плечі, 1997) şeir toplularının müəllifidir. Bu əsərlərin hər biri Ukraynada ədəbi prosesdə bir hadisəyə çevrilir. Uşaqlar üçün 30-dan çox kitabın, xüsusən də "Ukrayna əlifbası", "Sevimli şeirlər"in müəllif-tərtibçisidir.

Kiyevdə yaşayır və işləyir. 1992-ci ildən "A-ba-ba-qa-la-ma-qa" özəl uşaq nəşriyyatının sahibi və direktorudur. Ukrayna Milli Yazıçılar Birliyinin üzvüdür (1986-cı ildən o vaxta qədər SSRİ Yazıçılar Birliyinin ən gənc üzvü idi).

İlk nəşr olunan kitabı "Əlifba" (ukr. Абетка) olmuşdur. “Əlifba”nın özəlliyi ondan ibarətdir ki, ilk səhifə "Mələk" təsviri ilə başlayır.

"Y" jurnalı tərəfindən "Yaxşı işə görə" nişanı ilə təltif edilmişdir (2004).

O, 2017-ci ilin mart ayında "Podorojnik yeni şeirləri ilə" (ukr. Подорожник з новими віршами) şeirlər toplusuna görə Taras Şevçenko adına Ukrayna Milli Mükafatına layiq görülüb.

İctimai mövqe redaktə

İvan Malkoviç 2018-ci ilin iyununda Rusiyada həbsdə olan ukraynalı rejissor Oleq Sentsovu dəstəkləyən videomüraciət yayımlayır^[4].

2019-cu ilin fevral ayında Maksim Strıxa ilə birlikdə yeni rəhbərliyin "bütün ukraynalıları və Ukraynanın müdafiəçilərini daim ələ salan bir təhsil tərəfdarı tələbəni" dəstəkləyən birtərəfli bəyanatına etiraz əlaməti olaraq Ukrayna PEN Mərkəzini tərk edir^[5]^[6].

O, Poroşenkonu "bütün prezidentlərimiz arasında yeganə real siyasətçi" hesab edir, 2019-cu ilin martında keçirilən seçkilərdə onu dəstəkləmişdir.