Qaralama:Dr. Cahangir Əliyev
| Cahangir Əliyev | |
|---|---|
 | |
| Doğum yeri | Astara şəhəri, Azərbaycan |
| Həyat yoldaşı | Sevil Məmmədqulu qızı Əliyeva |
| Uşaqları | 3 (Aynurə, Hacı Çingiz, Hacı Elnur) |
| Atası | Məhəmməd Teymur oğlu |
| Anası | Xanımbacı Hüseyn qızı |
| Milliyyəti | Azərbaycan |
| Dini | İslam |
| İxtisası | Həkim-ortoped, travmatoloq |
| Təhsili | N.Nərimanov adına Azərbaycan Dövlət Tibb İnstitutu |
| Tanınır | Tibb sahəsindəki töhfələri, Azərbaycan tarixini və ailə şəcərəsini əhatə edən kitablar |
| Mükafatları |
Tərəqqi medalı (2018) Azərbaycan Xalq Cümhuriyyətinin 100 illiyi (1918-2018) yubiley medalı (2019) Heydər Əliyevin 100 illiyi (1923–2023) yubiley medalı (2023) "Vətən Naminə" medalı (2023) |
Əliyev Cahangir Məhəmməd oğlu
Doğum tarixi və yeri: 18 sentyabr 1945-ci il, Astara şəhəri, Azərbaycan.
Vətəndaşlıq: Azərbaycan.
Ailə Məlumatı
Atası Əliyev Məhəmməd Teymur oğlu (1906–1968) mühasib, anası Əliyeva Xanımbacı Hüseyn qızı (1907–1983) evdar qadın idi. Cahangir Əliyev ailənin ən kiçik, 5-ci övladıdır. Onun bacı və qardaşları aşağıdakılardır:
Əliyev Nəsrulla (1929–2003) — İqtisadçı.
Əliyeva Arifə (1933–2014) — Evdar qadın.
Əliyeva Vaiiyyə (1935–2019) — Evdar qadın.
Əliyev Həbib (1937–2000) — Dövlət qulluqçusu.
Təhsil
1958-ci il — Suparibağ kənd yeddi illik məktəbi (Tərifnamə ilə bitirib).
1961-ci il — M. Ə. Sabir adına orta məktəb.
1968-ci il — N. Nərimanov adına Azərbaycan Dövlət Tibb İnstitutunun Müalicə-profilaktika fakültəsi.
Peşəkar Fəaliyyət
1968–1969 — Oğuz (Vartaşen) Rayon Mərkəzi Xəstəxanası, Həkim.
1969–1971 — SSRİ Müdafiə Nazirinin əmri ilə ehtiyatda olan zabit kimi hərbi xidmət: Qazaxıstan SSR Semipalatinsk Vilayətində yerləşən Nüvə Silahlarının Sınaq Poliqonunda 52605 saylı hərbi hissədə Tibb Xidməti Leytenantı rütbəsində xidmət etmişdir.
1971 — Hərbi xidməti bitirərək Astara Mərkəzi Rayon Xəstəxanasına qayıtmışdır.
1973 — Astara Mərkəzi Rayon Xəstəxanasında Baş Həkimin müalicə işləri üzrə müavini təyin olunmuşdur.
1977 — Həkim-ortoped travmatoloq ixtisasına yiyələnmişdir.
1979–1993 — Astara Mərkəzi Rayon Xəstəxanasının Baş Həkimi vəzifəsində çalışmışdır.
1993–2024 — Ali dərəcəli həkim-ortoped travmatoloq.
Cahangir Əliyev baş həkim vəzifəsində çalışdığı müddətdə rayonun səhiyyə sisteminin inkişafına böyük töhfələr vermişdir. Onun rəhbərliyi ilə rayon xəstəxanasının çarpayı sayı artırılmış, yeni şöbələr və xidmətlər yaradılmışdır.
Təkmilləşmə və Kurslar
1979–1980 — Azərbaycan Dövlət Həkimləri Təkmilləşdirmə İnstitutunda kurs.
1981 — Kiyev Həkimləri Təkmilləşdirmə İnstitutunda kurs.
1983 — Zaporojye Həkimləri Təkmilləşdirmə İnstitutunda səhiyyə təşkilatçılığı üzrə təkmilləşmə kursu ("Baş həkimlər" mövzusu üzrə).
Nəşrlər
Cahangir Əliyev həmçinin Azərbaycan tarixini və ailə şəcərəsini əhatə edən dəyərli kitabların müəllifidir:
2021-ci il — Əcdadımın Sorağında[1] — Bu kitab ailə şəcərəsi və soy-kök araşdırmalarına həsr olunub.
2023-cü il — Tarixi Astara Mahalının Kameral Təsviri[2] — Astara mahalının tarixi, sosial və mədəni inkişafı haqqında geniş məlumatları əhatə edən əsər.[2]
Mükafatlar və Təltiflər
2018-ci il — Azərbaycan Respublikasının Prezidenti İlham Əliyev tərəfindən verilmiş "Tərəqqi" medalı.
2019-cu il — Azərbaycan Respublikası Prezidentinin sərəncamı ilə "Azərbaycan Xalq Cümhuriyyətinin 100 illiyi (1918–2018)" yubiley medalı.
2023-cü il — Ulu Öndər Heydər Əliyevin 100 illiyi ilə bağlı yubiley medalı.
2023-cü il - "Vətən Naminə" medalı.
Şəxsi Həyat
Həyat yoldaşı Sevil xanım Məmmədqulu qızı həkim-mama-ginekoloqdur və Astara Mərkəzi Rayon Xəstəxanasının Mama-Ginekoloji Şöbəsinin müdiridir. Cütlüyün üç övladı və doqquz nəvəsi var.
Qızı Aynurə xanım — Həkim-uzman anestezioloq-reanimatoloq, Bakı şəhərində çalışır.
Oğlu Hacı Çingiz — Hüquqşünas və iqtisadçı, Bakı şəhərində özəl sektorda çalışır.
Oğlu Hacı Elnur — Azərbaycan Dövlət Neft Akademiyasını bitirib və Bakı şəhərində özəl sektorda çalışır.
Dini Səyahət
2019-cu ildə Ramazan ayında həyat yoldaşı və övladları ilə Məkkə və Mədinəyə ziyarətə getmiş, müqəddəs Kəbəni təvaf etmiş və Mədinədə Peyğəmbərin məzarını ziyarət etmişdir.
İstinadlar
Zeynalova, Məsudə; Qəhrəmanova, Rəna. Münəvvər insan. Bakı: Nərgiz Nəşriyyatı. 2005. 252–257.
"Azərbaycan Respublikası Prezidentinin Tərəqqi medalı ilə təltif olunma haqqında sərəncam". Azərbaycan Respublikası Prezidentinin rəsmi internet saytı. president.az. 23 iyun 2018. İstifadə tarixi: 10 noyabr 2024.[3]
- ↑ Əliyev, Cahangir. Əcdadımın Sorağında (az.) (1-ci nəşr). Bakı: Səda. 2021. 4–6. ISBN 5-86874-270-9.
- ↑ Əliyev, Cahangir. Tarixi Astara Mahalının Kameral Təsviri 1849-1886-cı illər (az.) (1-ci nəşr). Bakı: Səda. 2023. 4–5. ISBN 5-86874-279-7.
- ↑ "Azərbaycan Respublikasının səhiyyə işçilərinin "Tərəqqi" medalı ilə təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). İstifadə tarixi: 2024-11-10.