Vikipediya

Qaralama:Olqa Alyoşina

Olqa Alyoşina
ukr. Ольга Павловна Алёшина

Olqa Alyoşina (ukr. Ольга Павловна Алёшина; {{DVTY}} şablonu boşdur) — Sovet memarı, memar Pavel Fedotoviç Alyoşinin qızı.

Bioqrafiya redaktə

19 mart 1911-ci ildə Kiyevdə Pavel Fedotoviç və Olqa Fedorovna Alyoşinin ailəsində anadan olub. Lakin sovet dövründən qalan rəsmi sənədlərə görə, Olqa Alyoşina 1914-cü il martın 19-da Sankt-Peterburqda anadan olmuşdur. O, 1929-1934-cü illərdə Kiyev İnşaat Mühəndisləri İnstitutunda təhsil alıb.

1935-1937-ci illərdə memarlıq layihələndirmə emalatxanasında memar, 1937-1941 və 1946-1952-ci illərdə Gəmiqayırma Sənayesi Nazirliyində memar, baş memar, qrup rəhbəri kimi fəaliyyət göstərib.

Böyük Vətən müharibəsi iştirakçısı olmuş "İgidliyə görə", "Hərbi xidmətlərə görə", "Almaniya üzərində Qələbəyə görə" və s. medallarla təltif edilmişdir.

1944-1945-ci illərdə Memarlıq Akademiyasının və Xüsusi Bölmələrin kadrlar şöbəsinin müdiri, 1946-1952-ci illərdə Gəmiqayırma Sənayesi Nazirliyinin qrupuna rəhbərlik etmiş, 1952-1953-cü illərdə layihə təşkilatlarının idarə edilməsi şöbəsinin müdiri vəzifələrində çalışmışdır. Ukrayna Kommunist Partiyası şəhər komitəsinin, 1953-1964-cü illərdə "Ukrniiproekt" institut layihəsinin baş memarı, 1964-1965-ci illərdə "Ukrhidroneft" institutunun inşaat mühəndisliyi şöbəsinin müdiri, 1965-1974-cü illərdə memarlıq-planlaşdırma emalatxanasının baş memarı və 1983-1984-cü illərdə Ukrayna Memarlar İttifaqının inspektoru vəzifəsində çalışmışdır.

Olqa Alyoşina 1984-cü il fevralın 11-də vəfat etmi.dir. O, Kiyevdə Lukyanovski qəbiristanlığında atasının yanında dəfn olunub (15-ci sahə, 3-cü sıra, 54-cü yer).

Memarlıq fəaliyyəti redaktə

1936-cı ildə Kiyevdəki Fizika İnstitutunun binasının tikintisi və yenidən qurulmasında iştirak etmiş, həmçinin Franko küçəsində Xalq Kənd Təsərrüfatı Komissarlığı üçün yaşayış binasının layihəsini hazırlamışdır. 1946-cı ildə memar Hekkerlə birlikdə Uritski meydanıındakı 70 mənzilli yaşayış binası, 300 nömrəli zavod üçün layihələndirir. Sonrakı üç ildə o, həmçinin 300 saylı zavodun (sonuncu layihə həyata keçirilməmiş) peşə məktəbi, klub-yeməkxana, yataqxana və inzibati binasının layihələndirilməsini həyata keçirmişdir. 1960-1962-ci illərdə memar K. Ejova ilə birlikdə Oktyabrski rayonunda yaşayış sahəsi olan Akademqorodok kompleksinin layihəsini işləyib hazırlamışdır.

Kiyevdə işlərindən başqa Donetskdə Komsomolskaya Meydanı, Qorlivkada Mədəniyyət və İstirahət Parkı (1954-cü il layihəndirilmiş və 1955-1957-ci illərdə salınmışdır.), Aleksandriyada ictimai mərkəzin (1960) və Moskvada Neft və Qaz Sənayesi Nazirliyinin inzibati binanın layihələrində iştirak etmişdir (layihə 1971-ci ildə işlənmiş və 1973-cü ildə tikilmişdir).

Mənbə redaktə

Mənbə — "https://az.wikipedia.org/w/index.php?title=Qaralama:Olqa_Alyoşina&oldid=7569150"