Qaralama:Rəşad Məmməd oğlu Nuriyev

Rəşad Məmməd oğlu Nuriyev 1941-ci il oktyabr ayının 24-də Gürcüstanın Marneuli rayonunun Qırxılı kəndində anadan olmuş, 1960-cı ildə Qırxılı orta məktəbi bitirmişdir. 1960-1963-cü illərdə Bakı Şin zavodunda fəhlə işləmiş, 1963-cü ildə Azərbaycan Dövlət Universitetinin (indiki BDU-nun) Coğrafiya-biologiya fakültəsinə qəbul olunmuş, 1968-ci ildə Universiteti fərqlənmə diplomu ilə bitirmiş, AMEA Nəbatat İnstitutuna təyinatla kiçik elmi işçi vəzifəsinə qəbul olmuş, 1974-cü ildə Nəbatat institutuna aspiranturaya daxil olmuş, 1979-cu ildə "Naxçıvan MSSR dağ bozqırlarının flora və bitkiliyi" mövzusunda dissertasiya müdafiə etmiş, biologiya elmləri namizədi elmi dərəcəsi almışdır. O, aspirant olduğu müddətdə Azərbaycan florası üçün 4 yeni növ, Naxçıvan florası üçün 27 bitki növü aşkar etmişdir.

    Rəşad Nuriyev Azərbaycanın qış və yay otlaqlarında geobotaniki tədqiqat işləri aparmış, bir sıra səmərəli təkliflər vermişdir.

   AMEA-nın Nəbatat İnstitutunda işlədiyi müddətdə Azərbaycanda nadir və məhv olmaqda olan bitki növlərini aşkar etmiş, onların mühafizəsi üçün müəyyən işlər görmüşdür.

    1984-cü ildə Azərbaycan Dövlət Kənd Təsərrüfatı İnstitutunda laboratoriya müdiri, 1986-cı ildə dosent işləmişdir.

    Azərbaycan qızı otlaqlarının, örüşlərinin ən müasir geobotanika tədqiqat və pasportlaşdırılması bilavasitə onun elmi rəhbərliyi və iştiraki ilə aparılmışdır. Bu zaman məsafə və aerokosmik materiallardan da geniş istifadə edilmişdir.

    "Bilik" cəmiyyəti xətti ilə Azərbaycanın yay və qış otlaqlarının səmərəli istifadəsi və yaxşılaşdırılması yollarıba dair bir necə elmi-kütləvi məqalələri nəşr edilmidir. 10-a qədər kitabın müəllifi olan alimin çap olunmuş əsərlərinin bir hissəsi təbii bitki örtüyünə antropogen təsirə və bir hissəsi isə müasir bitki örtüyünün tarixi inkişafı və formalaşmasına həsr olunmuşdur.

    R. M. Nuriyev elmi-tədqiqatları içərisində faydalı bitkilərin ehtiyatlarınınn öyrənilməsi ilə bərabər nadir və nəsli kəsilmək üzrə bitki növlərinin öyrənilməsi və müəyyənləşdirilməsi də mühüm yer tutur. Məhz bunun nəticəsidir ki, 1989-cu ildə işıq üzü görmüş "Azərbaycannın qırmızı kitabı"nda onun da əməyi az deyildir.

1990-cı ildən Universitetin Coğrafiya kafedrasının dosenti, Universitetimizin fəxri professoru Rəşad Nuriyevin əsərləri nəinki respublikamızda və keçmiş İttifaqda, həmçinin bir sıra xarici ölkələrdə də nəşr edilmişdir. O, Bakı və digər şəhərlərdə keçirilən bitki örtüyünün öyrənilməsinə həsr edilmiş müşavirələrdə və konfranslarda fəal iştirak etmişdir.

    Rəşad Nuriyev özünün bilik və təcrübəsinin gənc coğrafiyaçılara həvəslə öyrədəb pedaqoqdur.

R. Nuriyev dərin elmi intuisiyaya, analitik düşüncəyə, fenomenal yaddaşa, heyrətləndirici təşkilatçılıq və əmək bacarığına malik, dərin məlumatlı, yüksək mədəniyyətli, həssas, qayğıkeç bir insandır. Əməksevərliyi, özünə və başqalarına qarşı tələbkarlığı, ətrafındakılara xoş niyyətli münasibəti, düzgünlüyü ona məhəbbət və hörmət qazandırçışdır. Alim özünün ildönümünü coğrafiya elminin tərəqqisi naminə fəaliyytlərinin davam etdiyi, yaradıcılıq qüvvələrinin çiçəkləndiiyi bir şəraitdə qaşılayır.

Vaqif Novruzov, GDU-nun Botanika kafedrasının müdiri, professor, AMEA-nın müxbir üzvü