Qaralama:Ramilə Dadaşova

Ramilə Bəhlul qızı Dadaşova

Doğum tarixi: 27 yanvar 1972

Doğum yeri: Azərbaycan Respublikası, Beyləqan şəhəri

Vətəndaşlıq: Azərbaycan

Elm sahəsi: Politologiya. Beynəlxalq münasibətlər

Elmi dərəcəsi: Siyasi elmlər doktoru

Elmi adı: dosent

Təhsili: Azərbaycan Respublikası Prezidenti yanında Dövlət İdarəçilik Akademiyası, Bakı Dövlət Universiteti.

1972-ci ildə Beyləqan rayonunda anadan olmuşdur. 1996-cı ildə Azərbaycan Respublikası Prezidenti yanında Dövlət İdarəçilik Akademiyasını fərqlənmə diplomu (ixtisas: politoloq, ali və orta təhsil müəssisələrində sosial-siyasi fənlər müəllimi) ilə bitirmişdir. 2003-cü il 29 dekabr tarixində Bakı Dövlət Universitetinin nəzdində yaradılmış Birdəfəlik Müdafiə Şurasında “Azərbaycanın Avropa dövlətləri ilə münasibətləri (1920-1922-ci illər)” adlı dissertasiya işini müdafiə edərək 07.00.13- Beynəlxalq münasibətlər tarixi ixtisası ilə tarix üzrə fəlsəfə doktoru elmi dərəcəsi almışdır. Azərbaycan Respublikasının Prezidenti yanında Ali Attestasiya Komissiyasının 2014-cü il 27 may tarixli qərarı ilə Beynəlxalq münasibətlər ixtisası üzrə dosent elmi adına layiq görülmüşdür. 2018-ci il 28 fevral tarixində Azərbaycan Respublikasının Prezidenti yanında Dövlət İdarəçilik Akademiyasının nəzdindəki BD 02.101 Dissertasiya Şurasında “Regional münaqişələrin həlli kontekstində BMT-də islahatların zəruriliyi (Cənubi Qafqaz timsalında)” adlı dissertasiya işini müdafiə edərək 5901.01 - Beynəlxalq münasibətlər ixtisası ilə siyasi elmlər doktoru elmi dərəcəsi almışdır. 8 monoqrafiya (1 monoqrafiya xaricdə nəşr edilmişdir), 1 kollektiv əsər (xaricdə nəşr edilmişdir), 147 elmi məqalə müəllifidir. Elmi məqalələri Azərbaycanla yanaşı, bir çox xarici ölkələrdə, o cümlədən ABŞ, Rusiya, Türkiyə, İtaliya, Macarıstan, Ukrayna və Hindistanda nəşr edilmişdir. Azərbaycanda, eyni zamanda xaricdə, Rusiyada, Türkiyədə, Ukraynada olan beynəlxalq elmi konfranslarda məruzələr etmişdir. İnternet saytlarında və qəzetlərdə aktual mövzularda yazıları dərc edilmişdir.