Qaralama:Struve körpüsü
| Struve körpüsü | |
|---|---|
| ukr. Залізничний міст Струве | |
.jpg) | |
| Keçid | dəmioryolu üçün |
| Üslubu | Aşırımlı körpü |
| Uzunluğu | 1067 metr |
| Açılışı | 13 (25) fevral 1870 |
Struve körpüsü — Kiyevdə Dnepr üzərində qorunub saxlanılmamış dəmir yolu körpüsü. Açılışı zamanı körpü Avropanın ən uzun körpüsü olmuşdur[1]. Kiyevdə Dnepr üzərindən keçən ilk daimi tam metal dəmir yolu körpüsü idi. Körpü 1943-cü ildə dağıdılıb. O Kiyevi Rusiya imperiyasının şimal-şərq vilayətləri, Moskva və Sankt-Peterburqla birləşdirirdi[2].
Tarix redaktə
Layihəyə uyğun olaraq hərbi mühəndis-kapitan Amanda Struvenin rəhbərliyi altında tikilib. Körpünün tikintisinə 1868-ci ilin martında başlanılıb. Körpünün 11 dayağı və hər biri 89 m olan 12 aşırımdan ibarət idi. Körpünün ümumi uzunluğu 1067,6 m idi. Körpüdə bir itiqamətli dəmir yolu olmuşdur. Körpünün dayaqları kesson texnologiyası ilə tikilmişdir. 12 (24) fevral 1870-ci ildə sınaq zamanı altı lokomotivdən ibarət xüsusi sınaq qatarı körpünün üzərindən keçir. 13 (25) fevral 1870-ci ildə təqdis olunur və açılışı edilir. İlk adı Kiyev-Kursk (Kursk-Kiyev) dəmir yolu üzərindəki Dnepr körpüsü olmuşdur. Körpünün tikintisinə görə 26 fevral (10 mart) 1870-ci ildə İmperator II Aleksandrın əmri ilə Amand Struve iki hərbi rütbəyə - podpolkovnik və polkovnik rütbəsinə layiq görülmüşdür.
1920-ci ilin iyununda geri çəkilən Polşa qoşunları tərəfindən körpü partladılır və artıq 1920-ci ilin sentyabrında bərpa edilir. 19 sentyabr 1941-ci ildə sovet qoşunları geri çəkilərkən də körpü dağıdılır. Alman işğalı zamanı körpü bərpa edilir, ən son 1943-cü il oktyabrın sonu - noyabrın əvvəllərində alman hərbçilər tərəfindən körpünü yenidən məhv edirilir. Kiyevin azad edilməsindən sonra 13 gün ərzində, 1943-cü il noyabrın 7-dən 20-dək dəmiryol qoşunları yaxınlıqda müvəqqəti alçaq dəmir yolu körpüsü tikirlər[3], bu körpü 20 fevral 1944-cü ildə müvəqqəti yüksək körpü ilə əvəz olunur[4]. 1949-cu ildə keçmiş Struve körpüsünün yanında qoşa yollu, çox aşırımlı tağlı Darnitski dəmir yolu körpüsü tikilir.
Struve körpüsünün bir neçə dayağı qorunub saxlanılıb və onları Darnitski dəmir yolu körpüsündən bir qədər şimalda görmək mümkündür.
Mənbə redaktə
İstinadlar redaktə
- ↑ Высочайший приказ по военному ведомству // «Киевлянин» . — 1870. — 5 марта.
- ↑ Die Deutschen in der Geschichte von Kiew – Amand Struwe Arxivləşdirilib 2024-03-04 at the Wayback Machine auf der Webseite des Zentrum für deutsche Kultur "Wiederstrahl"; abgerufen am 28. Avqust 2018
- ↑ Старостенков Н. В. . Стэха. səh. 139. ISBN 5–348–00011–2.
Железнодорожные войска России. Кн. 3. На фронтах Великой Отечественной войны: 1941–1945
- ↑ Кабанов П. А. . Воениздат. 1973. səh. 218, 219, 243, 244 [militera.lib.ru/memo/russian/kabanov_pa/08.html militera.lib.ru/memo/russian/kabanov_pa/08.html] (#bad_url) (#bare_url_missing_title).
Стальные перегоны