Qaralama:Vüsal Abdullazadə

Vüsal Abdullazadə
Vüsal Abdullazadə
Şəxsi məlumatlar
Doğum adı	Vüsal Sədyar oğlu Abdullazadə
Vətəndaşlığı	Azərbaycan
Doğum tarixi	12 sentyabr 1992 (32 yaş)
Doğum yeri	İsmayıllı, Azərbaycan
Təhsili	Azərbaycan Dövlət Bədən Tərbiyəsi və İdman Akademiyası, Azərbaycan Respublikasının Prezidenti yanında Dövlət İdarəçilik Akademiyası
Boyu	182 sm.
Çəkisi	75 kq.
İdman növü	Karate-do
	Rəsmi saytı
Medallar
Dünya Çempionatı
Avropa Çempionatı

Vüsal Abdullazadə (12 sentyabr 1992) — İsmayıllı rayonu) — Azərbaycan karateçisi, üç qat dünya çempionu, Avropa çempionatının gümüş mükafatçısı, yeddi qat Azərbaycan çempionu, Azərbaycan Karate Federasiyası prezidentinin köməkçisi , Dünya Fudokan Federasiyasının Azərbaycanda rəsmi və səlahiyyətli nümayəndəsi, 5-ci dan beynəlxalq qara kəmər sahibi, gənc ictimai xadim.

Həyatı və kariyerası

Azərbaycanlı karateçi, dünya və Avropa çempionatlarının, yüksək səviyyəli beynəlxalq yarışların qalibi və mükafatçısı Vüsal Abdullazadə 12 sentyabr 1992-ci ildə İsmayıllı rayonunun Tircan kəndində anadan olub. 2011-ci ildə "Azərbaycan Respublikasının İdman Ustası" adına layiq görülüb.

2011-ci ildə yüksək idman dərəcələrinə görə müsabiqədənkənar Azərbaycan Dövlət Bədən Tərbiyəsi və İdman Akademiyasına daxil olub və 2015-ci ilin iyun ayında Akademiyanı əla qiymətlərlə bitirib.

2015–2016 illərdə Azərbaycan Respublikası Silahlı Qüvvələrinin ordu sıralarının cəbhə xəttində yerləşən N saylı hərbi hissəsində müddətli həqiqi hərbi xidmət keçib.

2016-cı ilin Aprel döyüşlərində iştirak etmişdir. 25 avqust 2016 tarixindən Bakı Karate-do Akademiyasının baş məşqçisi və prezidentidir.

2020-ci il 9 fevral tarixində Azərbaycan Respublikasının Milli Məclisinə Növbədən kənar Parlament seçkilərində Deputatlığa namizəd olub.

1 yanvar 2021-ci il tarixində Dünya Fudokan Federasiyasının Azərbaycanda rəsmi nümayəndəsi seçilib. 27 avqust 2021-ci il tarixində Dünya Fudokan Federasiyasının qurucusu, dünya şöhrətli karate-do ustası sensei İliya Yorqa tərəfindən Beynəlxalq dərəcəli V DAN Qara kəmərə layiq görülüb.

2024-cü il may ayının 2-də Azərbaycan Karate Federasiyasının prezidenti Ülvi Zahid oğlu Quliyevin köməkçisi təyin edilib.

2024-cü il iyun ayının 3-də Azərbaycan Karate Federasiyasının “Texniki təminat xidməti”nin rəhbəri təyin edilib.

Hal-hazırda Azərbaycan Respublikasının Prezidenti yanında Dövlət İdarəçilik Akademiyasında təhsil alır.