Qarqarçay

Qarqarçay - Kürün sağ qoludur. Şuşa, Xankəndi, Xocalı, Ağdam və Ağcabədi rayonları ərazizsindən axır.

Qarqarçay
Ölkə	Azərbaycan
Rayonlar	Şuşa rayonu Xocalı rayonu Ağdam rayonu Ağcabədi rayonu
Şəhər	Xankəndi
Mənsəbi	Kür
Uzunluğu	115 km
Su sistemi	Kür/Xəzər dənizi
Su hövzəsi	Xəzər dənizi
Hövzəsinin sahəsi	1490 km²
mənbəyi mənsəbi Qarqarçay Azərbaycanın fiziki xəritəsində: 39°48′ şm. e. 46°45′ ş. u. 40°09′ şm. e. 47°32′ ş. u.
Vikianbarda əlaqəli mediafayllar

Ümumi məlumat

Qarqarçay

Uzunluğu 115 km, hövzəsinin sahəsi 1490 km²-dir. Qarabağ silsiləsinin şərq hissəsindən axan Kərkicahan, Xəlfəli və Zarıslı çaylarının birləşməsindən əmələ gəlir. Çayın mənsəbi Kür çayının sağ sahilində olan Ağgöl bataqlıqlarındadır. Sağdan Badara (uzunluğu 32 km) və Quşçular (uzunluğu 12 km), soldan isə Ballıca (uzunluğu 24 km) çaylarını qəbul edir. Xankəndi (uzunluğu 33 km) və Kərkicahanı (uzunluğu 28 km) iki yerə ayırır.

Çayın illik axımının 45%-i yağış, 27%-i qar, 38%-i isə yeraltı sulardan əmələ gəlir.

Axıncaçayın orta illik su sərfi 3,15 kub m/san-dir. Axımın 50%-i yazda, 25%-i yayda, 15%-i payızda, 10%-i isə qışda keçir. Orta illik asılı gətirmələr sərfi 0,29kq/san, lillənməsi isə 92 q/kub m-dir. Suyu hidrokabonatlı-kalsiumlu olmaqla 300-500 mq/l minerallaşmaya malikdir.

Qarqarçaydan geniş istifadə olunduğu üçün yay aylarında suyu mənsəbə gəlib çatmır. Xələfliçayın töküldüyü yerdə HES tikilib, su anbarı yaradılmışdır. HES Kərkicahan ərazisində yerləşir.

Ağdamın Novruzlu, Saybalı, Yusifcanlı, və.s kəndləri Qarqar çayının qırağında yerləşir.

Həmçinin bax

• Azərbaycan çayları

Mənbə

• Qarqarçay Arxivləşdirilib 2007-07-17 at the Wayback Machine