Qasim Məmmədhəsənov
Məmmədhəsənov Qasim Bilal oğlu (18 dekabr 2001, Moskva – 21 sentyabr 2023, Xocalı) — Azərbaycan Silahlı Qüvvələri Quru Qoşunlarının əsgəri, lokal xarakterli antiterror əməliyyatı şəhidi.
| Qasim Məmmədhəsənov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Moskva, Rusiya Federasiyası |
| Vəfat tarixi | (21 yaşında) |
| Vəfat yeri | Xocalı, Azərbaycan |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Quru Qoşunları |
| Rütbəsi | Əsgər |
| Təltifləri |
  |
Həyatı redaktə
Məmmədhəsənov Qasim Bilal oğlu 18 dekabr 2001-ci ildə Rusiya Federasiyası Moskva şəhərində anadan olmuşdur. 2002-ci ildə Moskva şəhərinin yubileyinə həsr olunmuş döş nişanı ilə Moskva meri Lujkov tərəfindən təltif edilmişdir. 2003-cü ildə doğma Sabirabad rayonunun Qaraqaşlı kəndinə ailəsi ilə qayıtmışdır. 2007-ci ildə həmin kəndin orta məktəbin 1-ci sinfinə qədəm qoymuşdur. 2018-ci ildə həmin məktəbi əla qiymətlərlə bitirmişdir. 2018-ci ildə 467 bal toplayaraq Azərbaycan Dövlət İqtisad Universitetinin Maliyyə və mühasibat fakültəsi fakültəsinə daxil olmuşdur. 2022-ci ildə həmin universiteti bitirmişdir.[1]
Döyüş yolu redaktə
2022-ci ilin iyulun 6-sı həqiqi hərbi xidmətə yollanmışdır. İlk hərbi xidmətini Gəncə şəhəri N saylı hərbi hissədə, daha sonra Şuşa şəhərində N saylı hərbi hissədə davam etdirmişdir. Xidmət müddətində bir neçə dəfə Laçın istiqamətində lokal döyüş əməliyyatlarında iştirak etmişdir. Xidmət etdiyi müddət ərzində döyüş və ictimai-siyasi hazırlıqda əldə etdiyi nailiyyətlərə görə hərbi hissə komandiri tərəfindən fəxri fərmanla təltif olunmuşdur (30 iyun 2023). 2023-cü il 19–20 sentyabr baş vermiş antiterror əməliyyatlarında Xocalının Muxtarkənd, Daşkənd azad edib, Xankəndi şəhərinin "Xaç Postu" deyilən yüksəklik uğrunda gedən döyüşlərdə Şəhid olmuşdur.[2]
Məmmədhəsənov Qasim Bilal oğlu 21 sentyabr 2023-cü ildə yaşadığı Qaraqaşlı kəndində dəfn edilmişdir. Şəhidin xatirəsinin əbədiləşdirilməsi məqsədilə doğma kəndində abidə kompleksi inşa edilmişdir.[3]
Təltifləri redaktə
(7 noyabr 2023) — 3-cü dərəcəli "Vətənə xidmətə görə" ordeni[4]
(7 noyabr 2023) — "Vətən uğrunda" medalı[4]
İstinadlar redaktə
- ↑ "Uşaq yaşlarından şəhid olacağını deyirdi..." qafqazinfo.az. 29 sentyabr 2023. 2024-01-20 tarixində arxivləşdirilib. İstifadə tarixi: 2024-01-20.
- ↑ "Şəhid Qasim Məmmədhəsənovun abidə kompleksinin açılışı olub". news.unec.edu.az. 25 dekabr 2023. 2024-01-20 tarixində arxivləşdirilib. İstifadə tarixi: 2024-01-20.
- ↑ "UNEC tələbəsi Qarabağda aparılan antiterror əməliyyatı zamanı şəhid olub". unec.edu.az. 25 sentyabr 2023. 2024-01-20 tarixində arxivləşdirilib. İstifadə tarixi: 2024-01-20.
- ↑ 1 2 "Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Azərbaycan Respublikası Prezidentinin Sərəncamı". president.az. 7 noyabr 2023. 2023-11-07 tarixində arxivləşdirilib. İstifadə tarixi: 2024-01-20.