Qazaxıstan–Monqolustan münasibətləri
Qazaxıstan–Monqolustan münasibətləri — Qazaxıstan və Monqolustan arasındakı ikitərəfli münasibətlər.
| Qazaxıstan–Monqolustan münasibətləri | |||||
|---|---|---|---|---|---|
 | |||||
|
|||||
Tarix
redaktəDövlətlər arasında diplomatik münasibətlər 22 yanvar 1992-ci ildə qurulmuşdur. 1992-ci ildə Monqolustan Qazaxıstanın Almatı şəhərində səfirliyini açır. 1997-ci ilin may ayında Ulan-Batorda Qazaxıstanın diplomatik nümayəndəliyi açılır. 1993-cü ilin oktyabrında Qazaxıstan Prezidenti Nursultan Nazarbayevin Monqolustana ilk dövlət səfəri baş tutur. 1998-ci ildə Monqolustan Prezidenti Natsaqiyn Baqabandi ilk dövlət səfərini Qazaxıstana edir. 2 dekabr 2006-cı ildə, Nursultan Nazarbayev Monqolustandakı diplomatik nümayəndəlik statusunun 2007-ci il yanvarın 1-də səfirlik səviyyəsinə qaldırılması barədə əmr verir. Diplomatik münasibətlərin qurulmasından bəri ölkələr 40-dan çox ikitərəfli müqavilə imzalamışdır[1][2].
2016-cı ilin iyul ayında Baş nazir Kərim Məsimovun başçılığı ilə Qazaxıstandan gələn hökumət nümayəndə heyəti Avro-Asiya Forumunun sammitində iştirak etmək üçün Monqolustana səfər edir. 14 iyul 2016-cı il tarixində Kərim Məsimov əhalisinin əksəriyyətinin etnik qazaxlardan ibarət olan (90 mindən çox insan) Bayan-Ölqiy vilayətini ziyarət edir. Qazaxıstan Respublikası hökuməti 10 iyul 2016-cı il tarixində baş verən daşqından zərər çəkmiş Bayan-Ölqiy sakinlərinə 200.000 ABŞ dolları məbləğində humanitar yardım edir. Səfər zamanı Baş nazir Kərim Məsimov Monqolustan Prezidenti Tsaxia Elbeqdorj və Baş nazir Carqaltulqın Erdenebat ilə də görüşür[1].
Ticarət
redaktə2017-ci ildə ölkələr arasında ticarət 68,2 milyon ABŞ dolları təşkil edib ki, bu da 2016-cı illə müqayisədə 5,5% azdır (72,1 milyon ABŞ dolları). Bu məbləğin Qazaxıstanın Monqolustana ixracatı 66.4 milyon ABŞ dolları, Monqolustan Qazaxıstana ixracatı isə 1.8 milyon ABŞ dolları təşkil etmişdir. Qazaxıstanın Monqolustana ixracatı: siqaretlər, sanitariya və gigiyenik məhsullar, yuyucu və təmizləyici məhsullar, buğda və ya buğda, çovdar unu, digər qida məhsulları və neft məhsulları. Monqolustanın Qazaxıstana ixracatı: heyvan və bitki mənşəli məhsullar, tekstil, ağac, sellüloz və kağız məhsulları[1][3].
Qazaxıstanın Monqolustandakı səfirləri
redaktə- Valixan Konurbayev (1997-99)
- Kayrat İsaqaliyev (1999-2002)
- Sovetkali Kartbaev (2002-05)
- Asxat Sızdıkov (2005-07)
- Orman Nurbayev (2007-12)
- Kalıbek Koblandin (2013-14 avust 2019)
- Jalqas Adilbayev (14 avqust 2019-h.h.)[4]
Monqolustanın Qazaxıstandakı səfirləri
redaktəŞaravin Qunqaadorj
Luvsan Battulqa
İstinadlar
redaktə- ↑ 1 2 3 "Kazakhstan — Mongolia". 2020-03-01 tarixində orijinalından arxivləşdirilib. İstifadə tarixi: 2021-07-09.
- ↑ "Kazakhstan — ГАДААД ХАРИЛЦААНЫ ЯАМ". 2019-03-28 tarixində orijinalından arxivləşdirilib. İstifadə tarixi: 2021-07-09.
- ↑ "Kazakhstan — Mongolia: trade relations became stronger. | The main task of the National Chamber of Entrepreneurs «Atameken»". 2018-07-07 tarixində arxivləşdirilib. İstifadə tarixi: 2021-07-09.
- ↑ "Назначен новый Посол Казахстана в Монголии - Новости Mail.ru". 2020-06-04 tarixində arxivləşdirilib. İstifadə tarixi: 2021-07-09.