Qebcaliya

Qebcaliya (gürc. გებჟალია) — Gürcüstan mətbəxinə aid yemək. Əsasən Meqreliya bölgəsinə xas olan və qaynadılmış pendir, qatıq, nanə və acı bibər ilə hazırlanan yeməkdir. Yemək nanə əlavə edilmiş pendir rulonlarından ibarətdir.

Qebcaliya
Aid olduğu milli mətbəxlər
Gürcüstan

Tərkibi

Qebcaliya təzə duzsuz İmereti pendirindən və ya təzə suluquni və nanədən hazırlanır. Yemək süfrəyə naduqa kəsmik pendirindən (rikottaya bənzər) və süd və ya matsonidən (gürcü qatığı) hazırlanmış nanəli sous ilə verilir.

Bəzi reseptlərdə xaço kəsmiyi və çinti pendiri də istifadə olunur. Tərxun, keşniş, sarımsaq, yaşıl bibər və hətta çili bibəri də əlavə etmək olar.

Zövqə görə duz əlavə edilir.

Hazırlanması

Qebcaliyanın bişirilməsi zamanı iki üstün cəhəti var. Birincisi, yeməyin tərkibində az sayda məhsulların olması, ikincisi isə qısa müddətdə, 15 dəqiqəyə, hazır olmasıdır.

Nanə soyuq suda yuyulur, yarpaqları və ya gövdəsinin yuxarı, zərif hissəsi bıçaqla çox incə doğranır (və ya blenderdə qarışdırılır). Nanənin 3/4 hissəsi xörəyə, qalanı sousa gedir.

Süd bir qazanda və ya adi qabda maksimum 55–60 dərəcə qızdırılır, sonra dilimlənmiş pendir əlavə edilir.

İstiliyi artıraraq, pendirin əridiyini və böyük bir top formasında yığılmasına qədər gözləyin. Sonra bu top formasında yığılmış pendir bir qaşıqla bir sini üzərinə qoyulur və nazik bir təbəqə yaranana qədər yuvarlanır (eyni zamanda isti süd əlavə olunur). Sonra sini üzərində artıq qalan süd kənara tökülür. Beləcə blinçikı bənzəyən xörək əmələ gəlir. Ardınca xörəyə nanə əlavə edilir. Xörək rulon halına salınır və 4–5 sm-lik parçalara kəsilir.

Alternativ resept var ki, burada iki rulon müxtəlif içliklərlə hazırlanır (məsələn, nanə ilə xaço və nanə ilə çinti).