Qobu hamamı
Qobu hamamı və ya Hacı Abdulla hamamı — 1882-ci ildə Qobu kəndində Hacı Abdulla Kazım oğlu tərəfindən tikilmiş hamam.[1] Təmirə ehtiyacı olan hamam tarixi abidə kimi qorunur.[2]
| Qobu hamamı | |
|---|---|
 Hamamın ümumi görünüşü | |
| Ölkə |
 Azərbaycan |
| Şəhər |
Abşeron rayonu Qobu kəndi |
| Tikilmə tarixi | 1882-ci il |
| Vəziyyəti | təmirə ehtiyacı var. |
| Tipi | Mədəni |
| Dövlət | Azərbaycan |
| Kateqoriya | Hamam |
| Əhəmiyyəti | Ölkə əhəmiyyətli |
Haqqında redaktə
Tarixi redaktə
Qobu hamamı kəndin ən zəngin imkanlı şəxslərindən biri olan Hacı Abdulla Hacı Kazım oğlunun tapşırığı ilə 1882-ci ildə inşa edilib. Hacı Abdulla qeyri-adi bir hamam tikdirmək istədiyinə görə hər yerə sorğu göndərib, yaxşı usta axtarıb. Ona Usta Abbasəlini məsləhət görüblər. Usta Abbasəli isə Hacıdan hər daş üçün qızıl onluq istəyib.[3] Hamamdan həftənin cüt günləri kişilər, tək günləri isə qadınlar istifadə edirmişlər. Müstəqillikdən sonra hamam öz fəaliyyətini dayandırıb. Hazırda baxımsız vəziyyətdədir və əsaslı təmirə ehtiyacı var.
Memarlığı redaktə
Qobu hamamı digər Abşeron hamamlarından fərqli oalraq kəndin kənarında bir yüksəklikdə tikilmişdir. Giriş portalı ərazinin relyefli olması səbəbindən dirək tərəfindən qoyulmuşdur və texnoloki sistemin inkişafına təkan verir, ziyarətçini öz məqsədinə doğru aparır. Hamam özü dar ön otaq soyunma və yuyunma bölmələrinin eyni ölçülü dördbucaqlı zallarından onların aralarında isə aralıq kamerasından ibarətdir. yuyunma bölməsinin araxasında qaynar və soyuq suyu olan geniş xəznə yerləşir, onun arxasında isə odluq üçün yer "külxana" var.[1]
Hamamın zalları inkişaf etmiş üslubda arxitektur-planlaşma və konstruktiv sistem təşkil edirlər. Divarlara bir az yaxın olan və az aralıqlı dörd dirək sütunu olan dördbucaqlı otaqlar oxvari tağların güclü daş formalarına malik həcmli-məkan strukturu yaradırlar. Gövdəsinin rəsminə görə ciddi, proporsiyalarına görə isə nəcib kapitellərlə vurğulanmış bütöv daş bloklarla işlənən sütunlar zalların örtüklərinin bütün konstruktiv sistemini öz üzrərinə götürmüşlər. Aşırma qüvvəsini tənzimləyən kiçik tin tağları ilə ahəng yaradan iri tağlar interyerin dəyişilməsində əsas elementlərin əhəmiyyətini artırır.[1]
Bina fasadlarının yonulmamış daşdan kobud hörgüsü profillənmiş elementlərə və öz hesabına 1992-ci ildə hamamı tikdirən yerli sakin Hacı Abdulla haqqında kiçik epiqrafik yazıya malik təmiz yonulmuş daş bloklardan ibarət portal üçün fon rolunu oynayırdı.[1]
Həmçinin bax redaktə
İstinadlar redaktə
- ↑ 1,0 1,1 1,2 1,3 Şamil Fətullayev. Abşeron Memarlığı. Bakı: Şərq-Qərb nəşriyyatı. 2013. səh. 297-300. ISBN 9789952320206.
- ↑ "Qobu". belediyye.com. 31 may 2011 tarixində arxivləşdirilib. İstifadə tarixi: 16 sentyabr 2020.
- ↑ İradə Cəlilova. "Hər daşına qızıl onluq verilən tarixi abidə - Tikdim ki, izim qala". sputnik.az. 21 mart 2020. 2020-09-16 tarixində arxivləşdirilib. İstifadə tarixi: 16 sentyabr 2020.