Qreqori Mertens

Qreqori Mertens (fr. Gregory Mertens; d. 21 fevral 1991, Anderlext - ö. 30 aprel 2015, Genk) — keçmiş belçikalı peşəkar futbolçu. Mərkəz müdafiəçisi idi. Son klubu "Lokeren" olmuşdur.

Qreqori Mertens
Serkl Brügge forması ilə.
Ümumi məlumatlar
Doğum tarixi	21 fevral 1991
Doğum yeri	Anderlext, Belçika
Vəfat tarixi	30 aprel 2015 (24 yaşında)
Vəfat yeri	Genk, Belçika
Vətəndaşlığı	Belçika
Boyu	190 sm
Çəkisi	78 kq
Mövqeyi	müdafiəçi
Karyerası
Gənclik karyerası 2004–2005 Anderlext 2005–2006 Dilbek Sport 2006–2010 Gent 2010–2011 Serkl Brügge Klub karyerası 2011–2014 Serkl Brügge 73 (5) 2014–2015 Lokeren 28 (0) 2011–2015 Cəmi 101 (5) Milli yığma 2006 Belçika (16 yaşlılar) 1 (0) 2009–2010 Belçika (19 yaşlılar) 5 (1) 2011 Belçika (21 yaşlılar) 7 (1)

Karyerası

Qreqori Mertens peşəkar karyerasına 2011-ci ildə "Serkl Brügge"də başlamışdır. O, bu kluba 2010-2011 qış transfer dövründə əvvəllər oynadığı "Gent" klubunun keçmiş baş məşqçisi Bob Pitersin istəyi ilə transfer olunmuşdur.

2011-ci ilin 12 fevralında Qreqori Mertens "Serkl Brügge"-"Anderlext" oyununun 89-cu dəqiqəsində Hans Kornelisi əvəz edərək ilk peşəkar oyununa çıxmışdır. Serkl Brügge oyunu 0:1 məğlub başa çatdırmışdır.

23 may 2013-cü ildə "Voluve" klubuna qarşı oyunda ilk dəfə het-rik etmişdir.

Ölümü

Mertens 2015-ci ilin 27 aprelində "Lokeren" forması ilə "Genk"ə qarşı oyunda qəfildən ürək tutması baş vermişdir. Təcili yardım maşını ilə xəstəxanaya aparılmış, komaya girmişdir. Lakin 30 aprel saat 16:30-da vəfat etmişdir. "Lokeren" klubu bu hadisədən sonra UEFA-ya Mertensin bütün lazım olan fitnes testlərindən keçdiyini bildirmişdir.

Ölümündən 1 gün sonra "Lokeren" komandasının oyunçuları "Vesterlo"ya qarşı pley-of oyununda üzərində Mertensin adı və nömrəsi 4 olan köynəklərlə çıxmışdırlar.

Xarici keçidlər

• Soccerway-da profili
• Serkl Brüggenin rəsmi saytında Arxivləşdirilib 2015-09-23 at the Wayback Machine
• Serk Brügge muzeyi
• Belçika millisində çıxışı