Qreta Saloume Stefansdottir (isl. Greta Salóme Stefánsdóttir; d. 11 noyabr 1986, Mosfedlsbayr, İslandiya) — İslandiya müğənnisi, bəstəkarı və İslandiya simfonik orkestrının skripkaçısı. O, Younsi ilə duet şəklində ifa etdiyi "Never Forget" mahnısı ilə Azərbaycanın paytaxtı Bakıda keçirilən 2012 Avroviziya Mahnı Müsabiqəsində İslandiyanı təmsil etmiş və final mərhələsində İslandiyaya 20-ci yeri qazandırmışdır.[1] Saloume növbəti dəfə solo ifaçı olaraq İsveçin paytaxtı Stokholmda keçirilən 2016 Avroviziya Mahnı Müsabiqəsində ölkəsini "Hear Them Calling" mahnısı ilə təmsil etmiş, lakin yarımfinal mərhələsində məğlub olmuşdur.

Qreta Saloume
isl. Greta Salóme
ESC2016 - Iceland Meet & Greet 03.jpg
Qreta Saloume 2016-cı ildə
Sənətçi məlumatları
Doğum tarixi (34 yaş)
Doğum yeri Mosfedlsbayr, İslandiya
Vətəndaşlığı İslandiya İslandiya
Peşələri müğənni, bəstəkar, skripkaçı

Üslub pop, soul, folk
Musiqi aləti skripka
Fəaliyyət illəri 2011-ci ildən
Albom şirkəti Hands Up Music
Əlaqəsi Younsi
gretasalome.com
Commons-logo.svg Vikianbarda əlaqəli mediafayllar

Musiqi karyerasıRedaktə

2012-ci ilin noyabr ayında Qreta Saloumenin In the Silence adlı debüt albomu işıq üzü görmüşdür. Albomda onun Avroviziya 2012 mahnısının ingilis və island dilində ("Mundu Eftir Mér") olan versiyaları da yer almışdır.

2016-cı ildə ifaçının "Raddirnar" mahnısı İslandiyanın Avroviziya 2016 üçün keçirdiyi milli seçim turunda iştirak edəcəyi təsdiqlənmişdir. Həmin mahnı ilə seçim turunun finalına vəsiqə qazanan Saloume finalda mahnının ingilis dilində olan versiyasını ("Hear Them Calling") ifa etmişdir. Nəticədə isə qalib gələrək, ikinci dəfə ölkəsini Avroviziyada təmsil etmək fürsətini qazanmışdır.[2] Avroviziyada Saloume 10 may tarixində baş tutan yarımfinal mərhələsində 16-cı nömrə altında çıxış etmişdir. Nəticədə 51 xalla 14-cü yerdə qərarlaşaraq, final mərhələsinə adlaya bilməmişdir. Hal-hazırda o, ikinci studiya albomunun üzərində işləyir.

DiskoqrafiyaRedaktə

AlbomlarRedaktə

Albom adı İl
In the Silence 2012

SinqllarRedaktə

Mahnı adı İl
"Never Forget"
(Younsi ilə duet)
2012
"Fleyið" 2015
"Raddirnar" 2016
"Hear Them Calling"
"Row"
"Running Out of Time"
"My Blues" 2017

İstinadlarRedaktə

  1. "Victory for Gréta Salóme & Jónsi in Iceland". eurovision.tv. Avropa Yayım İttifaqı. 11 fevral 2012.
  2. "Greta Salome to represent Iceland again!". eurovision.tv. AYİ. 20 fevral 2016.
Əvvəlki:
Mariya Olafs
"Unbroken"
İslandiya Avroviziya Mahnı Müsabiqəsində
 

2016
Sonrakı:
Svala
"Paper"

Xarici keçidlərRedaktə