Hoqvarts
| Hoqvarts Sehrbazlıq və Cadugərlik Məktəbi | ||
| Tipi | Sehrbazlıq məktəbi | |
| Əsası qoyulub | 9-cu/10-cu əsrlər | |
| Başçısı | Albus Dambldor Minerva Makqonaqall Dolores Ambriç Severus Sneyp | |
| Məqsəd | Sehrbazlıq qabiliyyətli uşaqlar üçün təlim | |
| Şüar | lat. Draco dormiens nunquam titillandus (Heç vaxt yatmış əjdahanı qıdıqlama) | |
"Hoqvarts" Sehrbazlıq və Ovsun Məktəbi və ya qısaca olaraq Hoqvarts (ing. Hogwarts, Hogwarts School of Witchcraft and Wizardry) — on bir və on səkkiz yaşlı şagirdlər üçün xəyali Britaniya sehrbazlıq məktəbidir. Hoqvarts həm də Coan Roulinqin Harri Potter romanlar seriyasında ilk altı kitabı üçün ilk yerlərdən biridir.[1][2]
Cefri Uilliamsın 1954-cü ildəki kitabında Hoqvarts və Hoqqvart adlarının çəkilməsinə baxmayaraq, Roulinq deyib ki, bu adı o, romanlar seriyasını yazmağa başlamazdan bir az əvvəl[3][4] Kyu Bağında gördüyü Xoqvort(Croton capitatus) adından təsadüfən götürüb.[3]
Xoqvart məktəbi 2008-ci ildə onlayn retinqdə Edinburq Loretto məktəbini qabaqlayaraq, 36-cı ən yaxşı Şotland təhsil ocağı kimi tanınır. Müstəqil Məktəblər Şəbəkəsi Reytinqinin direktorunun sözlərinə görə, bu məktəb "əyləncə" üçün məktəblərin siyahısına əlavə edilib.[5]
Ev sistemləri
redaktəHoqvarts dörd ev sisteminə bölünür və hər biri öz banisinin soyadını daşıyır: Qodrik Qriffindor, Salazar Slizerin, Rovena Reyvnklou, Helqa Haflpaff. Bu ev sistemləri tədris ili boyu mübarizə aparır və Ev kuboku üçün müxtəlif yarışlarda xal qazanmaq uğrunda mübarizə aparırlar (sinifdə sualları düzgün cavablandırmaq, məsələn, düzgün cavaba görə beş və ya on xal qazanmaq olar, dərsə gecikmək on xalın itirilməsi ilə nəticələnə bilər). Hər ev sistemi həmçinin Kviddiç kuboku yarışlarında öz Qviddiç komandası ilə mübarizə aparır. Bu iki yarış ev sistemləri arasında rəqabət yaradır. Hoqvartsdakı ev sistemlərində tələbələr birlikdə yaşayır və öyrənirlər. Hər bir ev sistemi Hoqvarts əməkdaşlarından birinin rəhbərliyi altındadır. Onlar ev sisteminin başçısı kimi adlandırılır, digər məsələlərlə yanaşı tələbələrə vacib məlumatları verir və nəzarət edir, ciddi cəza məsələləri ilə məşğul olurlar. Hər il hər bir ayrı ev sistemlərinin səviyyə qrupları eyni yataqxana və sinifləri bölüşürlər. Ev sistemlərinin ümumi otaq və yataqxanaları var və bəzi istisnalar olmaqla, digər ev sistemlərinə məxsus olan tələbələr üçün bura daxil olmaq mümkün deyil.
Qriffindor
redaktə
Qriffindor cəsarəti, igidliyi, təmkinliliyi və cəngavərliyi təcəssüm etdirir. Onun talismanı şir, rəngləri isə tünd qırmızı və qızılıdır. Bu ev sisteminin başçısı Hoqvarts (sima dəyişmə müəllimi) müəllimi, müəllim rəis müavini Minerva Makqonaqoldır. Ev kabusu isə Başsız Nik kimi daha çox tanınan Nikolas de Mimsi-Porpingtondur. Roulinqə görə Qriffindor təxminən alov ünsürünə uyğundur. Ev sisteminin təsisçisi Qodrik Qriffindordur.
Qriffindorun otağı qəsrin ən yüksək qüllələrdən birindədir. Onun girişi qalanın şərq qanadında yeddinci mərtəbədədir. Qala çəhrayı don geyinmiş Kök Qadın (ing. The Fat Lady) tərəfindən qorunur. O yalnız düzgün parolu dedikdən sonra girişə icazə verir. Sirius Blek qülləyə güclə daxil olmağa cəhd edəndə, yalnız Kök Xanım tərəfindən giriş məhdudlaşdırıldı, beləki o düzgün parol verə bilmədi. Birinci kitabda, Nevill Lonqbatom parolu unudur və bundan sonra o digər Qriffindorlar yolu açmağa gələnə kimi gözləməli olur.[6]
Haflpaff
redaktə
Haflpaff çətin işi, səbri, ədaləti və sədaqəti təcəssüm etdirir. Bu ev sisteminin talismanı porsuq, rəngləri açıq sarı və qaradır. Ev sisteminin başçısı Herbalogiya müəllimi Pomona Sparaut, ev kabusu isə Kök Rahibdir (ing. The Fat Friar). Roulinqə görə , Haflpaff təxminən torpaq ünsürünə uyğundur. Evsisteminin təsisçisi Helqa Haflpaffdır.
Haflpaffın otağına ümumi giriş mətbəx dəhlizinin sağ guşəsində, böyük çəlləklərin yığıldığı yerdə gizlədilir. Daxil olmaq üçün Haflpaffın ölçüsünə uyğun olaraq, ikinci cərgənin ortasında aşağıdan iki çəllək ayrılmalıdır. Digər evlərdən fərqli olaraq, Haflpaffın ümumi otağına daxil olarkən səhv dəstək və ya səhv ölçü ayrılarsa, bu zaman qanunsuz daxil olan şəxsi sirkəyə batıran qurğu var.[7] Haflpaffınn otağı sarı pərdələr və böyük kreslolarla doludur. Burda yataqxanalara aparan kiçik yeraltı tunellər var. Bütün bunlardan əlavə yuxarısında çəlləyə oxşayan mükəmməl dairəvi qapılar var (daha çox porsuq yuvasına oxşayır).[8]
Reyvnklou
redaktə
Reyvnklou zəka, yaradıcılıq, təlim və hazırcavablığı təcəssüm etdirir. Talismanı qartal , rəngləri isə göy və bozdur. Bu ev sisteminin başçısı Tilsim professoru Filius Flitvikdir. Ev kabusu Boz Xanımdır (ing. The Grey Lady). Roulinqə görə , Haflpaff təxminən hava ünsürünə uyğundur. Ev sisteminin təsisçisi Rovena Ravenkloudur.
Yataqxanalar Hoqvartsın qərbində - Ravenklou qülləsindədir. Ümumi otağın ətrafı göy pərdələr və kreslolarla doludur. Otaqda tavanının gümbəzi ulduzlarla bəzənib və diadem taxmış Rovenanın tam oxşarının heykəli var. Harri həmçinin qeyd edir ki, Ravenkloular ətraf dağların gözəl mənzərəsinə malikdir. Daxil olmaq üçün məntiqi tapmaca həll olunmalıdır, halbuki Qriffindor və Slizerində otaqlara daxil olmaq üçün yalnız parol tələb olunur. Bu onu göstərir ki, digərlərindən bu otağa daxil olmaq yüksək zəka dərəcəsinə sahip olan başqa ev sisteminin tələbələri üçün daha asan ola bilər. Qriffindor ev sisteminin başçısı olan Professor Makqonaqall tapmacanı asanlıqla həll edir.
Slizerin
redaktə
Slizerin ev sistemi şöhrətpərəstlik, hiyləgərlik , liderlik və hazırcavablığı təcəssüm etdirir. Harri Potter və Fəlsəfə daşında Sehrli Şlyapa deyir ki, Slizerinlər öz yolunu əldə etmək üçün əllərindən gələni edəcəklər. Slizerin ev sisteminin talismanı ilan, rəngləri yaşıl və gümüşüdür. Bu ev sisteminin əsasını Salazar Slizerin qoyub. Ev sisteminin başçısı altıncı kitabın sonunlarına qədər Severus Sneyp olur. Sonra ev sisteminin təqaüdə çıxmış əvvəlki başçısı Horas Slaqxorn peyda olur. Slizerin ev sisteminin kabusu Qanlı Barondur (ing. The Bloody Baron).[9] Roulinqə görə , Slizerin təxminən su ünsürünə uyğundur. Slizerin yataqxanalarına və ümumi otağa zirzəmidə açıq daş divarlardan keçməklə çatmaq olar. Slizerin ümumi otağı Hoqvarts gölünün altında yerləşən uzun, zirzəmi üslubunda otaqdır. Otaqdakı mebellər yaşıl lampalar və naxışlı kreslolardır. Otaq ikinci kitabda yaşılımtıl işığa malik olan otaq kimi təsvir olunur.
Sehrli Şlyapa bəyan edir ki, qan təmizliyi Slizerinlərin seçilməsinin amilidir. Bu amil beşinci kitaba qədər qeyd edilməyib. İnanmaq üçün heç bir səbəb yoxdur, lakin Maq-doğumlu tələbələr bu ev sisteminə seçilmirlər. Bu ev sistemi üçün sadəcə olaraq, təmizqanlı tələbələr arzuolunandır, hərçənd bu ev sistemində yarımcinsli bir neçə nəfər də var (Sneyp və Voldemort kimi)
İstinadlar
redaktə- ↑ Cleave, Maureen (3 July 1999). "Wizard with Words, Telegraph Magazine, 3 July 1999" (ingilis). Accio-quote.com. 6 July 2008 tarixində arxivləşdirilib. İstifadə tarixi: 14 avqust, 2014.
- ↑ Steve Wohlberg. "Hour of the Witch: Harry Potter, Wicca Witchcraft, and the Bible" (ingilis).
- ↑ 1 2 Abel, Katy. "Harry Potter Author Works Her Magic" (ingilis). 2013-09-08 tarixində arxivləşdirilib. İstifadə tarixi: 14 avqust, 2014.
- ↑ Renton, Jennie (28 October 2001). "The story behind the Potter legend:JK Rowling talks about how she created the Harry Potter books and the magic of Harry Potter's world" (ingilis). 4 October 2013 tarixində arxivləşdirilib. İstifadə tarixi: 14 avqust, 2014.
- ↑ "Harry Potter School Outranks Loretto" (ingilis). news.scotsman.com. 31 mart, 2008. 2013-01-11 tarixində orijinalından arxivləşdirilib. İstifadə tarixi: 14 avqust, 2014.
- ↑ Rowling, J.K. Harry Potter and the Sorcerer's Stone, Ch. 9, p. 156. Scholastic: 1997.
- ↑ "Pottermore". 27 June 2011 tarixində arxivləşdirilib. İstifadə tarixi: 22 April 2012.
- ↑ by: Melissa. "J.K. Rowling Web Chat Transcript". The Leaky Cauldron. 24 August 2007 tarixində arxivləşdirilib. İstifadə tarixi: 16 July 2011.
- ↑ The Leaky Cauldron and Mugglenet interview Joanne Kathleen Rowling: Part Three Arxivləşdirilib 2011-11-10 at the Wayback Machine MuggleNet Retrieved on 2 September 2013
Xarici keçidlər
redaktə
