Qriqori Potanin

Qrigori Nikolayeviç Potanin (4 oktyabr 1835, Yamışlev qalası, Om vilayəti, Rusiya imperiyası — 30 iyun 1920, Tomsk, RF) — Rusiya coğrafiyası mütəxəssisi, etnoqraf, folklorist, botanist, publisist, ictimai xadim və Sibir bölgəsinin sosial-siyasi meylinin ideoloqlarından və təsisçilərindən biri. Potanin mərkəzi Asiyanı səyahət edən bir Viktoriya dövrü araşdırmaçı idi. Potanin bölgənin yerli bitkilərini siyahıya alan ilk insan idi. Potanin araşdırmaçılıqdan başqa, Sibir separatçı hərəkatı ilə həmfikir olan bir müəllif və siyasi aktivist idi.

Qriqori Potanin
rus. Григорий Николаевич Потанин
Doğum tarixi	4 oktyabr 1835
Doğum yeri	Yamışlev qalası, Om vilayəti (hazırda Pavlodar vilayəti, Qazaxıstan)
Vəfat tarixi	30 iyun 1920 (84 yaşında)
Vəfat yeri	Tomsk, Rusiya
Dəfn yeri	Tomsk
Vətəndaşlığı	Rusiya imperiyası
Elm sahələri	coğrafiya, folklor, botanika
Təhsili	Sankt-Peterburq Dövlət Universiteti, Sankt-Peterburq İmperator Universiteti[d]
Tanınmış yetirməsi	Aleksandr Adrianov
Vikianbarda əlaqəli mediafayllar

Doğum tarixi

Qriqori Potaninin doğum tarixi mübahisəli məsələdir. Bütün inqilab-əvvəli mənbələr, coğrafiyaşünasın 2 fevral 1835 tarixini, yeni mənbələrsə 4 oktyabr 1835 və 3 oktyabr 1835 tarixlərini Potaninin doğum tarixi olaraq göstərir.

Həyatı

İlk illəri

Qriqori Nikolayeviç Potanin Yamışevski qalasında, bir kazak zabitinin ailəsində anadan olmuşdur. 1836-cı ildə Potaninin atasının rütbəsi alınmış və həbs olmuşdur. Qriqori 5 yaşında ikən dayısının evində yaşamağa getmişdir. Dayısının gözlənilməz ölümündən sonra o, 1842-ci ildə anasının yaşadığı kəndə geri qayıtmışdır. Qriqori kənddə ev təhsili almışdır. O burada, riyaziyyat, coğrafiya və rus dili öyrənmişdir.