Qulamhüseyn Sultanlı
Qulamhüseyn İsgəndər oğlu Sultanlı - Görkəmli Azərbaycan elm xadimi, Azərbaycanda arıçılıqla bağlı bir çox elmi kitab və məqalələlərin müəllifidir. Qulamhüseyn Sultanlı 1 iyul 1934-ci ildə Saatli rayonunun Xanlarkənd kəndində anadan olmuşdur. O, 1954-ci ildə Şamaxı Zoobaytarlıq Texnikumun baytarlıq şöbəsini Fərqlənmə diplomu ilə bitirmişdir. 1959-cı ildə isə akademik K. Q. Skryabin adına Moskva Baytarlıq Akademiyasının baytarlıq fakultəsini bitirərək baytar həkim ixtisasına yiyələnmişdir.
| Qulamhüseyn Sultanlı | |
|---|---|
| Qulamhüseyn İsgəndər oğlu Sultanlı | |
| Doğum tarixi | |
| Doğum yeri | Saatlı |
| Milliyyəti | Azərbaycanlı |
| Elm sahəsi | Arıçılıq |
| Elmi dərəcəsi | Biologiya üzrə fəlsəfə doktoru |
| Elmi adı | Baş elmi işçi |
| İş yeri | Azərbaycan Elmi-Tətqiqat Baytarlıq İnstitutu |
| Təhsili | Ali |
| Elmi rəhbəri | Professor Nazarov S.S. |
| Mükafatları | Əmək Veterani, Tərəqqi |
Elmi fəaliyyəti redaktə
Qulamhüseyn Sultanlı 1972-ci ildə Azərbaycan Milli Elmlər Akademiyasının Zoologiya İnstitutunun Elmi Şurasında dissertasiya müdafiə edərək biologiya elmləri namizədi alimlik dərəcəsi almışdır. O, 1963 ildən 1993-cü ilə qədər Azərbaycan Elmi-Tətqiqat Baytarlıq İnstitutunda arı xəstəliklərini öyrənən şöbədə məsul vəzifələrdə çalışmışdır. Arıçılıqla bağlı bir çox kitabları dərc olunmuşdur. 2011-ci ildə Tərəqqi medalı ilə təltif edilmişdir[1]
Seçilmiş əsərləri redaktə
- Arıçılıq haqqında söhbətlər , 1980 il., 120 səh.
- Arıçının məlumat kitabı , Azərnəşr; 1990 il., 136 səh.
- Arı xəstəlikləri və onlarla mübarizə , 1999 il., 168 səh.
- Arıçılıq , 2001 il., 332 səh.
- Arıçılıq.. 2003 il., 350 səh.
- Bal arıları aləmində , 2007 il., 360 səh.
- Arı xəstəlikləri və Ziyanvericiləri. 2008 il, 184 səh.
- Rusca - Azərbaycanca arıçılıq terminləri lüğəti. 2010 il., 132 səh.
- Bal arıları aləmində (təkmilləşdirilmiş nəşr) . 2011 il., 420 səh.
- Arıçılarla masa arxasında. 2011 il., 116 səh.
- Başlıca arı xəstəliklərinin diaqnostikasına dair metodik vəsait. 2011 il, 70 səh.
- Azərbaycanda bal arılarının varroatozuna qarşı mübarizə tədbirləri. 2013 il.
- Arı xəstəlikləri və onlarla mübarizəyə dair tövsiyələr kitabçası, 1980 il.
- Azərbaycan Arıçılıq Ensiklopediyası, 2017 il, 465 səh.