Qulu Kəngərli

Qulu Kəngərli (5 yanvar 1957, Sallı, Mikoyan rayonu) — Azərbaycan jurnalisti.

Qulu Kəngərli
Doğum tarixi	5 yanvar 1957(1957-01-05) (67 yaş)
Doğum yeri	Sallı, Mikoyan rayonu, Ermənistan SSR, SSRİ
Milliyyəti	azərbaycanlı
Təhsili	Bakı Dövlət Universiteti (1979-1983)
Fəaliyyəti	jurnalist
Mükafatları	"Altın Qalam", "Tərəqqi"
Vikianbarda əlaqəli mediafayllar

Həyatı

Qulu Kəngərli 1957-ci il yanvar ayının 5-də Dərələyəzin Sallı kəndində anadan olmuşdur. 1979–83-cü illərdə Bakı Dövlət Universitetinin Jurnalistika fakültəsini bitirmişdir.

Fəaliyyəti

• AZƏRTAC-ın Orta Asiya və Pakistan üzrə müxbiri Qulu Kəngərlinin Daşkənddə Azərbaycan şair və yazıçılarının özbək diliinə tərcümə və çap etdirdiyi kitabların təqdimatı
• Qulu Kəngərli 1990-cı il 20 yanvar faciəsindən sonra "Şəhidlər","Şəhidlər-2" bukletlərini hazırlayıb və çap etdirib. 1991-ci ildə Azərbaycan və rus dillərində "Qara yanvar şəhidləri" kitabı çap edilib və böyük populyarlıq qazanıb.
• Bundan sonra "Erməni lobbisi:Azərbaycan faciəsi", "Qanlı şənbəyə gedən yol" kitabları çap olunub. 1991-ci ildə onun ssenarisi əsasında 20 yanvar faciəsindən bəhs edən "Bakıda insan ovu" sənədli filmi çəkilib.
• Özbəkistanda yaşadığı ilk günlərdən azərbaycanlıların Orta Asiya və Qazaxıstana sürgün edilməsi ilə əlaqədar materiallar yazıb və Daşkənddə onun ssenarisi ilə "Sürgün" sənədli filmi çəkilib. Orta Asiyada yaşayan tanınmış azərbaycanlıların həyatı və fəaliyyəti ilə bağlı kitab isə hazırdır və çapını gözləyir.
• Hazırda "Sürgün" kitabı üzərində işləyir.
• Son 10 ildə Azərbaycan yazıçı və şairlərinin, alimlərin kitablarını özbək dilinə tərcümə etdirib və çap olunub.
• Çap edilən kitablar:
• Professor Əli Həsənovun "Geosiyasət" kitabı-(2016) -Azərbaycanın Özbəkistandakı səfirliyi nəzdindəki Heydər Əliyev adına Azərbaycan Mədəniyyət Mərkəzi (AMM) və AZƏRTAC-ın biirgə layihəsi
• Professor Əli Həsənovun "Azərbaaycanlılara qarşı etnik təmizləmə və milli qırğın siyasəti, Xocalı faciəsi"-(2017) AMM ilə AZƏRTAC-ın birgə layihəsi
• Sabir Rüstəmxanlının "Göy tanrı" romanı-(2010)
• Anarın "Mən, sən, o və telefon"-(2016)
• "Qırmızı limuzin" –kitabları (2012)
• Yunus Oğuzun "Əmir Teymur"-(2013)
• "Şah arvadı və cadugər"-(2015)
• "Sultan Alpa Arslan"-(2016)
• "Atabəy Eldəniz"-(2018) romanları
• "20-ci əsr Azərbaycan poeziyası antologiyası" kitabı, Babaxan Şəriflə birgə -(2013)
• "Müasir Azərbaycan poeziyası antologiyası" –(2016) -AMM ilə birgə
• "Ömürdən uzun gecə"-(2014) Azərbaycan yazıçılarının hekayələr toplusu — AMM ilə birgə
• Hidayət Orucovun "Dağların mahnısı" şerlər kitabı-(2011)
• Hüseyn Kürdoğlunun şerlər kitabı (2014)
• İlqar Fəhminin "Aktrisa" romanı (2010)
• Pərvinin "Qar yağacaq" hekayələr kitabı)2015)
• Elçinin "Seçilmiş əsərləri" iki cilddə (2017)
• Vaqif Sultanlının povest və hekayələr kitabı –(2017)
• Sona Vəliyeva "Dünya gözlərimdə çəhrayı rəngdə" şerlər toplusu (2018), AMM ilə birgə.
• Daşkəndəki "Jahon adabiyyati" jurnalında və digər ədəbi topluu və qəzetlərdə müntəzəm olaraq Azərbaycanın şair və yazıçılarının əsərlərini çap etdirib.
• Qulu Kəngərli Azərbaycanın siyasi, iqtisadi və mədəni həyatı haqqında Orta Asiya ölkələrinin mətbuatında müntəzəm olaraq çıxış edir.
• Qulu Kəngərli əmək fəaliyyətinə Azərbaycan Dövlət Radiosunda başlamış, 15 il ərzində burada kiçik redaktor, redaktor, şöbə müdiri, baş redaktorun müavini vəzifələrində çalışmışdır.
• AZƏRTAC-ın Orta Asiya və pakistan üzrə müxbiridir

Mükafatları

2010-cu ildə Azərbaycan Respublikası Prezidentinin Sərəncamı ilə "Tərəqqi" medalı ilə təltif edilib.

Özbəkistanın jurnalistika sahəsində "Qızıl qələm" mükafatı laureatıdır.

Kitabları

• "Erməni lobbisi: Azərbaycan faciəsi"
• "Qanlı şənbəyə gedən yol"
• Qulu Kəngərli. 20 Yanvar şəhidləri (PDF). Bakı: Gənclik. 1992. 312 səh. ISBN 4702060204. 2015-07-17 tarixində orijinalından (PDF) arxivləşdirilib.

Filmoqrafiyası

• Bakıda insan ovu (film, 1991)