Qumyataq gölü

Qumyataq gölü — Abşeron yarımadasında, Abşeron rayonu inzibati ərazi vahidliyində yerləşən göl. Göl Sumqayıt şəhər inzibati sərhədinə yaxın ərazidə qərarlaşır. Bakı Sumqayıt avtomagistralının bir necə kilometrliyində yerləşir. Sumqayıt şəhəri ilə arasında məsafə 7 km-dir.

Qumyataq gölü
Ümumi məlumatlar
Mütləq hündürlüyü	1 m
Tökülən çay	yoxdur
Minerallaşma tipi	Şirinsulu
Yerləşməsi
40°31′54″ şm. e. 49°38′48″ ş. u.
Ölkə	Azərbaycan
Yerləşməsi	Abşeron rayonu (Azərbaycan)
Qumyataq gölü
Qumyataq gölü

Xüsusiyyətləri

Qumyataq gölü Abşeron yarımadasında olan digər göllərdən fərli cəhəti ondan ibarətdir ki, bura Ceyranbatan su anbarından kanal axır. Su səbəbdən böyük ehtimalla suyu şirindir. Göldən nasoslarla su Sumqayıtda yerləşən zavodların təminatında istifadə edilən anbarlara vurulur. Kanal, yeraltı və yağış suları ilə qidalanır. Qidalanmasında qar suları oladuqca az iştirak edir. Dərinliyi 1-3 metr arasında dəyişir. Göllə Sumqayıtçayı arasında bir necə km məsafə vardır. Ehtimal ki, gölün əmələ gəlməsi Sumqayıtçayda nadir hallarda müşahidə edilən daşqının nəticəsindir. Digər ehtimal isə gölün laqun məhşəlli olmasıdır. Göldə balıqçılığı inkişaf etdirmək mümkündür. Göl ətrafının abadlaşdırılması sayəsində şəhər əhalisinin istirahətini təmin etmək və turist cəlb etmək olar. Göldə su quşlarına rast gəlmək olur (vağlar, çüllütlər və ördəklər).