Qurban Namazəliyev — Azərbaycan Respublikası Meliorasiya və Su Təsərrüfatı Nazirinin birinci müavini (1991), şəhid.

Qurban Namazəliyev
Doğum tarixi 17 noyabr 1947(1947-11-17)
Doğum yeri Horadiz, Füzuli rayonu
Vəfat tarixi 20 noyabr 1991 (44 yaşında)
Vəfat yeri Xocavənd rayonu
Vəfat səbəbi Qarakənd faciəsi

HəyatıRedaktə

Qurban Hüseyn oğlu 17 noyabr 1947-ci ildə Füzuli rayonunun Horadiz kəndində anadan olmuşdur[1]. 1954-1965-ci illərdə orta məktəbdə təhsil almış, Azərbaycan Politexnik İnstitutunu 1971-ci ildə bitirdikdən sonra Bakı şəhəri 4 №-li tikinti trestində mühəndis, usta, sahə rəisi, baş mühəndis vəzifəsində çalışmışdı. Nazirlər Sovetində tikinti şöbəsində işləmişdi. 5 il Naftalan şəhər sovetinin sədri vəzifəsini icra etmişdi. 1991-ci il avqust ayından Azərbaycan Respublikası Meliorasiya və Su Təsərrüfatı Nazirinin birinci müavini təyin edilmişdi.

1991-ci il 20 noyabrda Qarakəndə uçan Mİ-8 vertolyotu vurulmuş və respublikanın bir sıra məsul şəxsləri: Tofiq İsmayılov – dövlət katibi, Məhəmməd Əsədov – Daxili İşlər Naziri, İsmət Qayıbov – Azərbaycan Respublikasının Baş Prokuroru və digər şəxslərlə bərabər Qurban Namazalıyev də şəhid olmuşdur. Bakıda Fəxri Xiyabanda dəfn edilib.

AiləsiRedaktə

Qurban Namazalıyev Xurşud xanımla ailə qurmuşdu. Ruslan adlı oğlu, Leyla və Nigar adlı qızları vardır.

İstinadlarRedaktə

  1. Azərbaycan Respublikası Xatirə Kitabı, XI cild, M, N (Mu...-N.). Bakı: Respublika Xatirə Kitabı redaksiyası. 2011. səh. səh.334. ISBN A-49.