Rövşən Əliyev (milli qəhrəman)

Rövşən ƏliyevAzərbaycanın Milli Qəhrəmanı; Qarabağ müharibəsi şəhidi.

Rövşən Əliyev
Rövşən Əliyev (milli qəhrəman).jpg
Doğum tarixi 30 avqust 1972(1972-08-30)
Doğum yeri Bakı şəhəri, Azərbaycan Respublikası
Vəfat tarixi 14 iyun 1992 (19 yaşında)
Vəfat yeri Dəhrəz, Xocalı rayonu, Azərbaycan Respublikası
Vəfat səbəbi Şəhid olmuşdur
Dəfn yeri Bakı şəhəri Şəhidlər xiyabanı
Atası Nəriman Əliyev
Fəaliyyəti hərbi qulluqçu
Mükafatları Azərbaycanın Milli Qəhrəmanı

HəyatıRedaktə

30 avqust 1972-ci ildə Bakı şəhərində doğulmuşdur. Əslən Göyçə mahalının Basarkeçər rayonunun Yarpızlı kəndindəndir. 1989-cu ildə Xətai rayonundakı 254 saylı orta məktəbi bitirdikdən sonra Azərbaycan Dövlət Politexnik İnstitutunun maşınqayırma fakültəsinə daxil olmuşdur. 1991-ci ilin mayında könüllü olaraq orduya yazıldı.

Döyüşlərdə iştirakıRedaktə

Rövşən Əliyev Ağdamda yaradılmış milli müdafiə taboruda döyüş meydanına atıldı. O, döyüşlərdə Sırxavənd, Qazançı kəndlərinin düşməndən azad edilməsində yaxından iştirak etdi. Cəsur döyüşçü 1992-ci ilin martında yeni tapşırıq aldı: "Əsgərlərimiz Muğanlı, Şıxbabalı yüksəkliklərində mövqe tutmalıdır". Verilən bütün əmr və tapşırıqları layiqincə yerinə yetirən Əliyev Rövşən 1992-ci il 14 iyunda Xocalı rayonunun Dəhrəz kəndində gedən döyüşlərdə iştirak edərkən düşmən gülləsi onun arzularla dolu qəlbini susdurmuşdur.

AiləsiRedaktə

Subay idi.

Milli QəhrəmanRedaktə

Azərbaycan Respublikası prezidentinin 7 dekabr 1992-ci il tarixli 350 saylı fərmanı ilə Əliyev Rövşən Nəriman oğluna ölümündən sonra "Azərbaycanın Milli Qəhrəmanı" adına layiq görülmüşdür.

Bakı şəhərinin Şəhidlər xiyabanında dəfn edilmişdir.

Vaxtilə təhsil aldığı 254 saylı orta məktəbə və Bakı şəhərindəki küçələrdən birinə qəhrəmanın adı verilmişdir.

Həmçinin baxRedaktə

MənbəRedaktə