Rövşanə Ağasəfqızı

Rövşanə Ağasəfqızı
Rövşanə Ağasəfqızı
Doğum tarixi	6 may 1979 (45 yaş)
Təhsili	Bakı Dövlət Universiteti;
Fəaliyyəti	televiziya aparıcısı

Haqqında

Rövşanə Ağasəfqızı - 6 may 1979-cu ildə anadan olmuşdur. Azərbaycan telejurnalisti, filologiya elmləri namizədidir. Bakı Dövlət Universitetinin jurnalistika fakültəsini bitirmişdir. 2009-cu ildən ANS TV-də fəaliyyətə başlayıb. O, qadın problemlərinə yönəlik "İncə maraqlar" verilişini aparmışdır. 2009-cu il sentyabrın 19-da Rövşanə Ağasəf qızı bu layihə ilə ilk dəfə ANS-in efirində çıxış edib. O, 2013-cü ildə Təkamül və İnteqrasiya İctimai Birliyinin "Mətbuatın dostu" mükafatına layiq görülmüşdür. ANS TV-də Kamran Həsənli ilə birlikdə "Bazar Səhəri" verilişinin aparmışdır. Hazırda isə "Yoldaş Rövşanə" verlişinin aparıcısıdır. Azərbaycan Beynəlxalq Universiteti bağlanana qədər jurnalistika fakültəsində dərs deyirdi.

Mükafatları

2013-cü ildə Rövşanə Ağasəfqızı Təkamül və İnteqrasiya İctimai Birliyinin "Mətbuatın dostu" mükafatına layiq görülüb.^[1]
22 iyul 2015-ci ildə aparıcı "Həsən bəy Zərdabi"mükafatına layiq görülüb,təltif edilir.^[2]

Ailəsi

Atası Ağasəf Səlimov uzun illər Daxili İşlər Nazirliyində müxtəlif vəzifələrdə çalışıb və təqaüdçü polkovnik olub. 13 dekabr 2013-cü ildə kəskin ürək çatışmazlığından vəfat edib.^[3]