Rüfət Axundzadə
Rüfət Yusif oğlu Axundzadə (1981, Bakı) — Müdafiə Nazirliyinin Hərbi Orkestr xidmətinin rəisi, əməkdar incəsənət xadimi, polkovnik.
| Rüfət Axundzadə | |
|---|---|
| Şəxsi məlumatlar | |
| Doğum tarixi | 1981 |
| Doğum yeri | |
| Vətəndaşlığı |
 Azərbaycan |
| Təhsili | |
| Atası | Yusif Axundzadə |
| Rütbəsi | polkovnik |
| Elmi fəaliyyəti | |
| Elmi adı | |
|
|
|
| Təltifləri |
 |
Həyatı
redaktəRüfət Axundzadə 1981-ci ildə Bakı şəhərində anadan olub. 1998-ci ildə İncəsənət Gimnaziyasının truba sinfini bitirdikdən sonra Üzeyir Hacıbəyli adına Bakı Musiqi Akademiyasına daxil olub. Professor Ağarəsul Rəsulovun sinfində təhsil alaraq 2002-ci ildə məzun olub. Həmin ildə magistratura pilləsinə daxil olmuş, 2004-cü ildə fərqlənmə diplomu ilə bitirib.[1]
2014-cü il iyunun 24-də Azərbaycan Respublikasının Prezidenti İlham Əliyevin sərəncamı ilə Rüfət Axundzadəyə "Əməkdar incəsənət xadimi" fəxri adı verilmişdir.[2]
2015-ci ildə dosent elmi adına layiq görülüb.
Xalq artisti general-mayor Yusif Axundzadənin oğludur.
Fəaliyyəti
redaktəRüfət Axundzadə 2008-ci ildən Bakı Musiqi Akademiyasının "Nəfəs və zərb alətləri" kafedrasında müəllim kimi fəaliyyətə başlayıb. 2011-ci ildə müsabiqə yolu ilə həmin kafedranın baş müəllimi olub. 2015-ci ildən həmin kafedranın dosenti vəzifəsində çalışır.[1]
2024-cü il yanvarın 15-də Müdafiə Nazirliyinin Hərbi Orkestr Xidmətinin rəisi vəzifəsinə Yusif Axundzadənin yerinə təyinat alıb. O, bu təyinatadək Müdafiə Nazirliyinin Əlahiddə Nümunəvi Orkestrinin rəisi idi.[3]
Yaradıcılığı
redaktəRüfət Axundzadə "Qələbə Marşı"nın müəllifidir. Marş 2020-ci ilin dekabrın 10-da Bakıda Azərbaycan və Türkiyə Prezidentlərinin iştirakı ilə keçirilən Hərbi Paradda səsləndirilib.[4] Marş Qələbə Paradında səsləndirildikdən sonra müxtəlif tədbirlərdə də səsləndirilərək məşhurlaşıb.
İstinadlar
redaktə- ↑ 1 2 "Bakı Musiqi Akademiyası – Axundzadə Rüfət Yusif oğlu". www.musicacademy.edu.az (az.). İstifadə tarixi: 2024-01-15.
- ↑ "Azərbaycan Respublikası Silahlı Qüvvələrinin hərbi qulluqçularına və mülki işçilərinə fəxri adların verilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-01-15 tarixində arxivləşdirilib. İstifadə tarixi: 2024-01-15.
- ↑ "Generalın yerinə polkovnik oğlu təyin edildi". Qafqazinfo (az.). 2024-01-15. 2024-01-15 tarixində arxivləşdirilib. İstifadə tarixi: 2024-01-15.
- ↑ "Zəfər paradındakı marş belə yazılıb — Video". Qafqazinfo (az.). 2021-12-10. İstifadə tarixi: 2024-01-16.