Rüstəm Zülalov

Rüstəm Qəmbər oğlu Zülalov (3 yanvar 1946, Bakı – 15 fevral 2011, Bakı) — Azərbaycan operatoru, Azərbaycan Respublikasının əməkdar mədəniyyət işçisi.

Rüstəm Zülalov
Doğum tarixi	3 yanvar 1946
Doğum yeri	Bakı, Azərbaycan SSR, SSRİ
Vəfat tarixi	15 fevral 2011 (65 yaşında)
Vəfat yeri	Bakı, Azərbaycan
Atası	Qəmbər Zülalov
Fəaliyyəti	operator
Mükafatları	Əməkdar Mədəniyyət İşçisi

Həyatı

Rüstəm Zülalov 1946-cı ilin yanvarın 3-də Azərbaycanın Bakı şəhərində doğulmuşdur. Görkəmli musiqiçi, Azərbaycan respublikasının əməkdar artisti Qəmbər Zülalovun oğludur. Anası Mariya Zülalova. 1963-cü ildə orta məktəbi bitirmiş, Azərbaycan Dövlət Televiziya və Radio verilişləri komitəsinin işıq sexində əmək fəaliyyətinə başlamışdır. Əvvəlcə işıqçı, sonra kinooperator assistenti vəzifələrində çalışmışdır. 1976-cı ildən isə ali dərəcəli kinooperator vəzifəsində işləyib. Bu dövr ərzində bir sıra məsul dövlət və hökumət çəkilişlərində və televiziya filmlərində aparıcı operator kimi iştirak etmişdir. Müxtəlif janrda bir sıra filmlər çəkmişdir. "Lider" və "Mir" televiziya şirkətində çalışmışdır. Azərbaycan Respublikası Prezidentinin 4 noyabr 2006-cı il tarixli Sərəncamı ilə Azərbaycan televiziyası və radiosunun inkişafındakı xidmətlərinə görə, Rüstəm Zülalov "Əməkdar Mədəniyyət işçisi" fəxri adına layiq görülmüşdür.

Nəsil şəcərəsi

Kərbəlayı Əli Zülalov

Gülüş xanım

Əbdül Zülalov

Əbdülbaqi Zülalov

Nisə xanım

Əli Zülalov

Qəmbər Zülalov

Məhəmmədəli Zülalov

Əzizə Məmmədova

Salman

Solmaz Zülalova

Zemfira Zülalova

Elmira Zülalova

Rüstəm Zülalov

Sona Hacıyeva

Filmoqrafiya

1. Aktrisanın təbəssümü (film, 1974)
2. Qanadlara yiyələnərək… (film, 1974)
3. Torpağın rəngi (film, 1974)
4. Qızılağacda (film, 1988)
5. Canavar balası
6. Yaşar Nuri olduğu kimi… (film, 2001)