Rəşad Kəsəmənli
Bu məqalədə bəzi məlumatlarının mənbəsi göstərilməmişdir. |
Rəşad Nüsrət oğlu Kəsəmənli (20 iyul 1975, Bakı) — Azərbaycanlı aktyor.
| Rəşad Kəsəmənli | |
|---|---|
| Kəsəmənli Rəşad Nüsrət oğlu | |
 | |
| Doğum tarixi | |
| Doğum yeri | Bakı, Azərbaycan |
| Vətəndaşlığı | azərbaycanlı |
| Uşaqları | Zəhra Kəsəmənli, Əsma Kəsəmənli və Əli Kəsəmənli |
| Atası | Nüsrət Kəsəmənli |
| Fəaliyyəti | aktyor |
| Təhsili | Azərbaycan Dövlət Mədəniyyət və İncəsənət Universiteti |
Həyatı redaktə
Kəsəmənli Rəşad (Reşat) Nüsrət oğlu 1975-ci il iyulun 20-i Bakı şəhərində anadan olub.
Əslən Qazaxın (Ağstafanın) Qıraq Kəsəmən kəndindəndir. 1982-ci ildə 95 saylı orta məktəbə daxil olub və 2 il sonra 173 saylı orta məktəbdə təhsilini davam etdirib. 10 yaşından 14 yaşına kimi aktyorluq dərnəyinə gedib.
1992-ci ildə orta təhsilini bitirib, Təfəkkür Universitetinin Beynəlxalq hüquq fakültəsinə daxil olub. Bir il təhsil aldıqdan sonra könüllü olaraq ordu sıralarına yazılıb. 1995-ci ildə hərbi xidmətdən qayıtdıqdan sonra isə yarım qalan hüquq təhsilini davam etdirməyib.
Sənədlərini uşaqlıqdan həvəsində olduğu ADMİU aktyorluq fakültəsinə verib və yüksək balla qabiliyyət imtahanından keçib.
Aktyor sənəti müəllimi Azərpaşa Nemətov olub. 1999-cu ildə ali təhsilini bitirib. Daha çox 1999-cu ildə Nazpəri Dostəliyevanın "Mənim göz yaşımı görməyəcəksən" adlı mahnısına çəkilən kliplə tanınmağa başlayıb.
Bu zamana (1999–2020) kimi 15 klipdə, 12 serialda ("Küləklər şəhəri", "Həkimlər", "Bir ailəm var", "Günəşim ol", "Son ümid", "Uçurum", "O gecə", "Zərbə", "Bir qadın", "Sayrışan İşıqlar", "Gecə yarısı", "Son nəfəs") və 3 bədii filmdə ('Yaşamaq istəmirəm", "Mən klounam", "Nisan") rol alıb. 2017–2018'ci ildə tamaşaçı rəylərinə əsasən "İlin ən yaxşı aktyoru" adına layiq görülüb. 2018-ci ildə Türkiyədə "Türkiye-Azerbaycan kardeşlik ödülleri" mükafatlandırma mərasimində "ilin ən yaxşı serial aktyoru" mükafatına layiq görülüb. 2022-ci ildən Bakı Bələdiyyə Teatrında çalışır. Tamaşalar: "Şuşada ürəyim qaldı" (Hüseynqulu xan) "Həzi Aslanov" (Səməd Vurğun) "Ana tarla" (Suvankul), "Şekspir" (Stalin) "Unutqanlıq böyük bəladır"
Özəl kurslarda aktyor sənəti dərsləri deyir, və 29 ildir peşəkar olaraq ağır atletika məşğul olub. 2-ci dərəcəli idman ustasıdır. Bir çox yarışların mükafatçısıdır.