Rəcəb Musayev
Bu məqalədə heç bir məlumatın mənbəsi göstərilməmişdir. |
Rəcəb Musayev — azərbaycanlı müğənni, aparıcı
| Musayev Rəcəb Zakir oğlu | |
|---|---|
 | |
| Ümumi məlumatlar | |
| Doğum tarixi | |
| Doğum yeri | Yardımlı rayonu, Azərbaycan |
| Vəfat tarixi | (35 yaşında) |
| Vəfat səbəbi | avtomobil qəzası |
| Musiqiçi məlumatları | |
| Fəaliyyəti | Müğənni, gitarist, aktyor, aparıcı |
Həyatı redaktə
1975-ci il 25 may tarixində anadan olmuşdur. Əslən Yardımlı rayonundan olan sənətçi orta təhsilini Bakı şəhərində yerləşən 88 saylı məktəbdə başa vurmuşdur. İlk ali təhsilini Türkiyənin Anadolu Universitetində almışdır. İkinci təhsilində isə Azərbaycan Dövlət İqtisad Universitetinin tələbəsi olmuşdur. 2004 və 2005-ci illərdə SOY şirkətinin rəhbərliyi ilə ATV kanalında yayımlanan "Yeni Ulduz-2" musiqi müsabiqəsinin qalibi olmuşdur. Daha sonra AzTv kanalında yayımlanan əsgərlər üçün hazırlanan "Əsgər anı" adlı yumoristik verilişin həm aparıcılarından həm də aktyorlarından biri olmuşdur. 2011-cu il yanvarın 8-də axşam saatlarında Sabunçu rayonu ərazisində yol qəzası törətmişdir. Qəzadan sonra onu 3 saylı Sabunçu rayon xəstəxanasına çatdırsalar da, yolda dünyasını dəyişib.
Sözləri və musiqisi Gövhər Həsənzadəyə aid olan "Tanrım" mahnısının ifaçısıdır.İlk və son klipini də məhz bu mahnı üçün çəkdirmişdir.
Filmoqrafiya redaktə
- "Yeni ulduz-2" mahnı müsabiqəsi (ATV, 2004-2005 mövsümü qalibi)
- "Əsgər anı" hərbi yumoristik verilişi (AzTV,2010 aparıcı və əsgər rolunda)
