Rəhilə Bəndəliyeva
Rəhilə Möhbalı qızı Bəndəliyeva (4 may 1958, Kurud, Qafan rayonu) — Azərbaycan müğənnisi, Azərbaycan Respublikasının əməkdar artisti (2007).
| Rəhilə Bəndəliyeva | |
|---|---|
 | |
| Ümumi məlumatlar | |
| Doğum tarixi | 4 may 1958 (66 yaş) |
| Doğum yeri | |
| Musiqiçi məlumatları | |
| Fəaliyyəti | müğənni |
| Fəaliyyət illəri | 1977-ci ildən |
| Mükafatları |
 |
Həyat və yaradıcılığı
redaktəRəhilə Möhbalı qızı Bəndəliyeva 1958-ci il may ayının 4-də Zəngəzur mahalının Qafan rayonun Kurud kəndində anadan olmuşdur.[1] Bakı şəhərindəki 196 nömrəli orta məktəbi bitirdikdən sonra Asəf Zeynallı adına Bakı Musiqi Texnikumuna daxil olmuş və oranı 1981-ci ildə bitirmişdir.[2]
1977-ci ildə Azərbaycan Dövlət Filarmoniyasının nəzdindəki "Lalə" qızlar ansamblında ifaçılıq sənətinə başlamış, ansamblın aparıcı müğənnilərindən biri olmuşdur. Azərbaycan Dövlət Konsert Birliyində, Azərbaycan Muğam Teatrında çalışmışdır. 2014–2016-cı illərdə Müdafiə Nazirliyinin Mahnı və Rəqs Ansamblının solisti olmuşdur.
Əməkdar artistin ifasında muğamlar, Azərbaycan xalq mahnıları, bəstəkar mahnıları, şərq xalqlarının mahnıları geniş yer tutur. "Lalə" qızlar ansamblı haqqında çəkilmiş filmdə yer almışdır. Segah muğamının tanınmış ifaçılarından biridir. Azərbaycanın bütün şəhər və rayonlarında konsert proqramları ilə çıxış etmişdir. Rusiya Federasiyası, Türkiyə, Gürcüstan, Orta Asiya və Qazaxıstanın şəhərlərində bir çox qastrol səfərlərində olmuşdur.
Əməkdar artist Rəhilə Bəndəliyevanın 65 illik yubileyi ilə əlaqədar onun yaradıcılığına həsr olunmuş "Nəğməkar qız" kitabı nəşr olunmuşdur (müəllif Nəsibə İsrafilqızı, ön sözün müəllifi Xalq şairi Vahid Əziz, məsləhətçi Xalq şairi Nəriman Həsənzadə, rəyçi akademik Nizami Cəfərov. Bakı, 2024. – 232 səh.).
Mükafatları
redaktə- Naxçıvan MSSR Ali Soveti Rəyasət Heyətinin fəxri fərmanı – 1979
- "Azərbaycan Respublikasının əməkdar artisti" fəxri adı – 17 sentyabr 2007[3]
- "Demokratik Azərbaycanlılar" İctimai Mərkəzinin "Qızıl Buta" müstəqil milli mükafatı – 2007
- "Zəngəzurun səsi" qəzetinin "Zəngəzurun səsi" fəxri diplomu – 2012
- H. Aslanov adına Mərkəzi Zabitlər Evinin 26 iyun – Silahlı Qüvvələr Günü münasibətilə fəxri fərmanı – 2015
- "Azərbaycan Vətən müharibəsi Veteranları" İctimai Birliyinin "Milli Ordu – 100" medalı – 2021
- "Dədə Ələsgər Ocağı" İctimai Birliyinin "Aşıq Ələsgər – 200" yubiley medalı – 2021
- "Azərbaycan Vətən müharibəsi Veteranları" İctimai Birliyinin fəxri fərmanı – 2022
- Heydər Əliyevin 100 illik yubileyi ilə bağlı 408 nömrəli hərbi hissənin fəxri fərmanı – 2023
- CİPDH-FD-nın 1-ci dərəcəli "Üzeyir Hacıbəyov" fəxri medalı – 2023
- "Dədə Ələsgər Ocağı" İctimai Birliyinin fəxri diplomu – 2023
- "Məhsəti" Şairlər Məclisi İctimai Birliyinin "Heydər Zirvəsi" diplomu – 2023
- "Xocalı Soyqırımını Tanıtma" İctimai Birliyinin 8 Noyabr – Zəfər Günü münasibətilə fəxri fərmanı
İstinadlar
redaktə- ↑ "Bu gün Əməkdar artist Rəhilə Bəndəliyevanın doğum günüdür". Bakı Şəhər Mədəniyyət Baş İdarəsi (az.). İstifadə tarixi: 2024-12-05.
- ↑ Namiq Məmmədli. "Rəhilə Bəndəliyeva ilə müsahibə" (az.). Ekspress. 5 avqust 2015. səh. 9. 2021-12-06 tarixində arxivləşdirilib. İstifadə tarixi: 2024-12-05.
- ↑ "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". e-qanun.az (az.). 2024-04-09 tarixində arxivləşdirilib. İstifadə tarixi: 2024-12-05.