Rəhman Əşrəfov
Rəhman Əşrəfov (azərb. Əşrəfov Rəhman İsmixan oğlu) - 20 yanvar şəhidi. Azərbaycan Respublikasının Prezidentinin 31 mart 1998-ci il tarixdə fərmanı ilə ölümündən sonra 20 Yanvar Şəhidi fəxri adı verilmişdir.
| Rəhman Əşrəfov | |
|---|---|
| Əşrəfov Rəhman İsmixan oğlu | |
 | |
| Doğum tarixi | 22 may 1955 |
| Doğum yeri | Binə, Azərbaycan SSR |
| Vəfat tarixi | 20 yanvar 1990 (34 yaşında) |
| Vəfat yeri | Bakı, Azərbaycan SSR |
| Milliyyəti | Azərbaycanlı |
| Fəaliyyəti | Qara Yanvar şəhidi. |
Rəhman Əşrəfov 1955-ci ilin 22 may tarixində Bakının Binə qəsəbəsində anadan olub. Binədəki 29 nömrəli xəstəxanada sürücü işləyib. 6 ay əvvəl Gülsümxanım adlı bir qızla ailə həyatı qurmuşdu. İşlətdiyi Moskviç maşınında təxminən saat 23.00 radələrində yaralı apararkən özü də yaralanmışdır.
Xəstəxanaya aparılarkən yolda maşın yenidən atəşə tutulmuş, maşın sıradan çıxdığından yaralılar xeyli yerdə qalmalı olmuşdur. Sonra xəstələr Mərdəkan xəstəxanasına gətirilmişlər. Rəhmanın vəziyyəti ağır olduğu üçün yanvarın 22-də neyrocərrahiyyə xəstəxanasına dəyişdirilmişdir. Yanvarın 24-də həmin xəstəxanada vəfat etmişdir. Nardaran qəbiristanlığında dəfn edilib.
ÜnvanRedaktə
Bu ünvanda yaşamışdır: Binə qəsəbəsi, Bünyadzadə küçəsi, döngə 3, ev 10.
Həmçinin baxRedaktə
İstinadlarRedaktə
- Qulu Kəngərli (1992). 20 Yanvar şəhidləri. Bakı: Gənclik, 312 səh. ISBN 4702060204. 2015-07-17 tarixində arxivləşdirilib. 2017-01-18 tarixində istifadə olunub.