Rəhman Əsədullahi
Rəhman Süleyman oğlu Əsədullahi (20 mart 1951, Tehran) — Azərbaycan əsilli İranlı musiqiçi, bəstəkar, qarmon ifaçısı.
| Rəhman Əsədullahi | |
|---|---|
| Ümumi məlumatlar | |
| Doğum tarixi | 20 mart 1951 (73 yaş) |
| Doğum yeri | |
| Vətəndaşlığı | |
| Atası | Süleyman Əsədullahi |
| Anası | Məsturə Əsədullahi |
| Musiqiçi məlumatları | |
| Fəaliyyəti | musiqiçi |
| Musiqi aləti | qarmon |
 Vikianbarda əlaqəli mediafayllar | |
Babası Əbdürrəhim bəy qarmon ifaçısı olub. Qarmonda ilk çalmağı anasından öyrənib. İlk musiqi təhsilini isə Tehran şəhərində tanınmış qarmon ifaçısı, əslən azərbaycanlı olan Əli Əkbər[a] əfəndidən alıb.
İran İslam İnqilabına qədər İranda çoxsaylı konsertlər verib. 1986-cı ildə İranı tərk etməyə məcbur qalıb və Almaniyaya mühacirət edib.
1995-ci ildə İsveçrədə keçirilən akkordeon və qarmon ifaçılarının müsabiqəsində birincilik qazanıb.
Bioqrafiyası redaktə
Erkən illəri və gəncliyi redaktə
1946-cı ilin noyabr ayında Seyid Cəfər Pişəvərinin qurduğu Azərbaycan Demokrat Firqəsi süqut etdikdən sonra Məhəmməd Rza Pəhləvi tərəfindən azadlıq mübarizələrində iştirak edənlərə qarşı divan tutulur və bu səbəbdən Təbriz şəhərindən Tehran şəhərinə böyük köçlər başlayır. Köçənlər arasında Rəhmanın atası Süleymanla anası Məsturə xanım da olur. 20 mart 1951-ci ilin Novruz bayramında Tehranda, Rəhman dünyaya gəlir. Qarmon çalmağı bacaran anasından ilk qarmon ifasını öyrənməyə başlayır. Balaca Rəhmanın musiqiyə olan meylini hiss edən valideynləri onu Tehranda yaşayan azərbaycanlı Əli Əkbər əfəndinin yanına şagird qoyurlar. Qısa müddətdən sonra Rəhman məşhur gənc qarmonçalana çevrilir.
1970–1979-cu illərdə, Şah Məhəmməd Rza Pəhləvinin devrilməsi ilə nəticələn inqilaba qədər İranda çoxsaylı konsertlər verməyə başlayır. İnqilab nəticəsində islam respublikası yaradılır, şiəlik dövlət səviyyəsinə qaldırılır və müstəqil ifaçılar, musiqiçilər rejimin hədəfinə çevirilir. Bu səbəbdən Rəhman Əsədullahi 1986-cı ildə İranı tərk etməyə məcbur qalır və Almaniyaya mühacirət edir.
Mühacirət illəri redaktə
1986-cı ildə İranı tərk etdikdən sonra Almaniyayanın Hamburq şəhərində yaşamağa başlayır. Daha sonra İngiltərədə, Fransada, Danimarkada, İsveçdə, Avstraliyada konsertlər verir. 1995-ci ildə İsveçrədə keçirilən akkordeon və qarmon ifaçılarının müsabiqəsində birincilik qazanır.
Hamburqda yaşadığı evini ermənilər yandırır.[1]
1999-indiyədək redaktə
İfa etdiyi Azərbaycan musiqilərinə görə ermənilər tərəfindən evi yandırılan Rəhman Əsədullahi çarəsiz şəkildə 1999-cu ildə Kanadaya köçür. Kanadaya köçdükdən qısa bir müddət sonra, boğazından ağır xərçəng xəstəliyinə tutulur. Əməliyyat nəticəsində çənəsinin bir hissəsi götürülür. Əməliyyat üz quruluşunun deformasiyasına səbəb olsa da xərçəng xəstəliyinə qalib gələ bilir.
İstinadlar redaktə
- ↑ "Qarmonuyla savaşan Rəhman Əsədullahi". 2021-10-19 tarixində arxivləşdirilib. İstifadə tarixi: 2020-05-12.
Qeydlər redaktə
- ↑ Bəzi mənbələrdə adı Əli Əkər əfəndi kimi qeyd olunur.