Rahib Hüseynov
Rahib Hüseynov (tam adı: Rahib Məmməd oğlu Hüseynov; 1939, Quba, Quba rayonu, Azərbaycan SSR, SSRİ – 12 fevral 1990, Bakı, Azərbaycan SSR, SSRİ) — Qanlı Yanvar şəhidi.[1]
| Rahib Hüseynov | |
|---|---|
| Rahib Məmməd oğlu Hüseynov | |
 | |
| Doğum tarixi | |
| Doğum yeri | Quba, Quba rayonu, Azərbaycan SSR, SSRİ |
| Vəfat tarixi | (50 yaşında) |
| Vəfat yeri | Bakı, Azərbaycan SSR, SSRİ |
| Vəfat səbəbi | "20 Yanvar Şəhidi" |
| Dəfn yeri | Quba şəhər qəbiristanlığı |
| Vətəndaşlığı |
 SSRİ |
| Atası | Məmməd |
| Milliyyəti | azərbaycanlı |
| Fəaliyyəti | Ticarət işçisi |
Həyatı redaktə
1939-cu il 29 noyabr tarixində Quba rayonunda anadan olmuşdur. Ticarətdə işləmişdir. 1985-ci ildə Rahibə qurama «Dövlət əmlakının mənimsənilməsi» ittihamı ilə səkkiz il iş kəsilmiş, 1988-ci ilin aprel ayında Rahib azadlığa buraxılmışdır.[2]
Ailəli olmiş, dörd qızı və dörd oğlu yadigar qalmışdır. Böyük qızı Xəyalə 1965-ci ildə, kiçik qızı Mariyə isə 1981-ci ildə anadan olmuşdur.
Qanlı Yanvar faciəsi redaktə
Hadisə fevral ayının 12-də təxminən saat 16.30 dəqiqədə Salyan kazarması istiqamətində, «Xəzər» kinoteatrının yaxınlığında olmuşdur. Həmin dövrdə Rahib Bakıya öz pasportunun dalınca gəlmişdir.
Hadisə baş verən vaxt mərhumla bir maşında olmuş Rəcəb Əliyevin dedikləri:[3]
|
— Dostum Hüseynov Tofiqlə hərbi məktəbin 30-40 metrliyində bir qara rəngli taksi saxladıb, Naxçıvan mehmanxanasına tərəf getmək istədiyimizi bildirdik. Maşının qabaq oturacağında bir kişi də oturmuşdu. Maşın yerindən tərpənəndə mühərrikdən səs çıxdı. Hərbi məktəbin qapısında iki əsgər dayanmışdı. Bu vaxt onlardan biri maşını atəşə tutdu. Sürücü əlini pəncərədən bayıra çıxarıb qışqırdı ki, səs mühərrikdən çıxır. Ona fikir verən kim idi? Qabaqda oturan sərnişin bir bunu deyə bildi: — Bala, mən öldüm ki, sür... Biz aşağı əyildik. Sürücü maşını «Xəzər» kinoteatrının yanına qədər çatdıra bildi və saxladı. Biz maşın çağırıb yaralını təcili yardım xəstəxanasına göndərdik. Sonra əsgərlərin yanına getdik. Bir bunu soruşduq ki, bizim günahımız nə idi. Onların yanında olan zabitlərdən biri dedi ki, çox düzgün ediblər, kimə istəsəniz, şikayət edə bilərsiniz. |
|
Quba şəhər qəbiristanlığında[4] dəfn edilmişdir.
Ünvan redaktə
Quba rayonu, C. Cabbarlı küçəsi 11
Həmçinin bax redaktə
İstinadlar redaktə
- ↑ ""20 Yanvar Şəhidi" fəxri adının verilməsi haqqında Azərbaycan Respublikasının Prezidentinin 17 yanvar 2000-ci il tarixli 259 saylı Fərmanı". 2022-08-18 tarixində arxivləşdirilib. İstifadə tarixi: 2015-07-17.
- ↑ "Şəhidlər" (PDF). 2022-10-05 tarixində arxivləşdirilib (PDF). İstifadə tarixi: 2022-10-05.
- ↑ "Qara Yanvar şəhidləri" (PDF). 2015-07-17 tarixində arxivləşdirilib (PDF). İstifadə tarixi: 2015-07-17.
- ↑ "Yasin Hüseynov: Həkimlər gülləni bədənimdən çıxarmaq üçün 5 saat əməliyyat ediblər". 2020-06-17 tarixində arxivləşdirilib. İstifadə tarixi: 2019-01-19.