Əsas menyunu aç

Raqif Hüseynov — Macarıstan Respublikası, Szent Istvan Univeristetinin doktorantı, tədqiqatçı alim [1]

Raqif Hüseynov
Raqif Tofiq oğlu Hüseynov
Raqif Hüseynov - (gənc alim).jpg
Doğum tarixi 1 sentyabr 1984 (1984-09-01) (35 yaş)
Doğum yeri Gəncə, Azərbaycan SSR
Vətəndaşlığı Azərbaycan RespublikasıAzərbaycan Azərbaycan
Milliyyəti azərbaycanlı
İş yeri Macarıstan Respublikası, Szent Istvan Univeristetinin doktorantı, tədqiqatçı alim
Təhsili Azərbaycan Kənd Təsərrüfatı Akademiyası,
Azərbaycan Dövlət Aqrar Universiteti,
Macarıstanın Szent Istvan Universiteti

HəyatıRedaktə

Hüseynov Raqif Tofiq oğlu 1 sentyabr 1984-cü ildə Gəncə şəhərində anadan olmuşdur.

1991-2001-ci ildə Gəncə şəhəri M.Ş.Vazeh adına 16 saylı orta məktəbində oxumuş, 2002-ci ildə Azərbaycan Kənd Təsərrüfatı Akademiyasının Aqrar İqdisadiyyat fakültəsinə qəbul olmuş və 2006-cı ildə həmin fakültəni bitirmişdir. 2004-cü ildən Yeni Azərbaycan Partiyasının üzvüdür. 2003-cü ilin dekabr ayının 25-də Azərbaycan Kənd Təsərrüfatı Akademiyasının Yeni Azərbycan Partiyası Gənclər Birliyinin sədri seçilmiş və 2006-cı ilin iyul ayının 10-dək bu vəzifədə çalışmışdır. Bu illər ərzində YAP-nın 3-cü Qurultayının, YAP Gənclər Birliyinin 2-ci Konfransının, Gənclərin 4-cü Forumunun iştirakçısı olmuşdur. YAP Gənclər Birliyinin 2-ci Konfransında şura üzvü seçilmişdir.

2006-2007-ci ildə hərbi xidmətdə olmuşdur. 2007-2008-ci ildə Azərbaycan Kənd Təsərrüfatı Akademiyasının nəzdində fəaliyyət göstərən Almaniya Texniki Əməkdaşlıq Cəmiyyətinin təşkil etdiyi “Menecment” ixtisasartırma kursunda təhsil almışdır. 2008-2010-cu illərdə Gəncə şəhər Statistika İdarəsində aparıcı-iqdisadçı vəzifəsində çalışmışdır. 2011-ci ildə Azərbaycan Dövlət Aqrar Univerisitetinin Aqrar İqtisadiyyat fakültəsinin “İnzibati idarəetmə və gömrük ekspertizası” ixtisası üzrə qiyabi əsaslarla magistratura pilləsinə qəbul olmuş və 2014-cü ildə həmin fakültəni uğurla başa vurmuşdur.

2010-2015-ci illər ərzində Gəncə şəhər Xəzər Təhsil Mərkəzində direktor vəzifəsində, 2014-2015-ci illər ərzində Azərbaycan Dövlət Aqrar Universitetinin “Aqrar siyasət və dünya iqtisadiyyatı” kafedrasının müəllimi vəzifəsində çalışmışdır. 2014-cü ildən Azərbaycan Dövlət Aqrar Universitetinin “Aqrar siyasət və dünya iqtisadiyyatı” kafedrasının dissertantıdır.

2015-2016-cı illər ərzində Erasmus Mundus proqramı çərçivəsində Polşanın paytaxtı Varşava şəhərində fəaliyyət göstərən Varşava Təbiət Elmləri Universitetinin İqtisadiyyat fakültəsində dissertasiya mövzusu üzrə elmi tədqiqat işləri aparmışdır. Azərbaycn, Amerika, Polşa, Macarıstan, Gürcüstan, İspaniya kimi ölkələrin yüksək reytinqli elmi jurnallarında çap edilmiş 25 elmi məqalənin və 1 dərslik kitabın müəllifidir. Eyni zamanda Polşanın paytaxtı Varşavada 17.12.2015-ci il tarixində Azərbaycan-Polşa Gənc Alimlərinin 1-ci Beynəlxalq Elmi Praktik Konfransını, 02.12.2016-cı ildə Varşavada Gənc Alimlərinin 2-ci Beynəlxalq Elmi Praktik Konfransını, 26.04.2018-ci il tarixində Azərbaycan Xalq Cumhuriyyətinin 100 illiyi münasibətilə Macarıstanın Szent Istvan Universitetində Gənc Alimlərinin 3-cü Beynəlxalq Elmi Konfransını təşkil təşkil etmişdir. 31 Mart 2016-cı il tarixində Varşavada erməni silahlı dəstələrinin Azərbaycanlılara qarşı törətdikləri Soyqrımı ilə bağlı tədbir təşkil etmişdir.

Hazırda Azərbaycan Respublikası Təhsil Nazirliyi və Tempus proqramı əməkdaşlığı çərçivəsində Macarıstan Respublikasının Szent Istvan Univeristetinin doktorantıdır.

İstinadlarRedaktə