Rauf İsmayılzadə
Rauf İsmayılzadə Yusif oğlu (7 yanvar 1936-cı il, Gəncə - 2015-ci il, Gəncə) ― Prezident mükafatçısı (2008), sənətşünaslıq üzrə fəlsəfə doktoru(1972). [1][2]
| Rauf İsmayılzadə | |
|---|---|
| Rauf Yusif oğlu İsmayılzadə | |
| Doğum tarixi | |
| Doğum yeri | Gəncə şəhəri |
| Vəfat tarixi | |
| Vəfat yeri | Gəncə şəhəri |
| Dəfn yeri | Gəncə şəhəri |
| Vətəndaşlığı | Azərbaycan SSR |
| Milliyyəti | azərbaycanlı |
| Atası | Yusif İsmayılzadə |
| Elmi dərəcəsi | sənətşünaslıq üzrə fəlsəfə doktoru (1972) |
| Tanınır | alim |
| Üzvlüyü |
|
| Mükafatları | Prezident mükafatçısı (2008) |
Həyatı redaktə
Rauf İsmayılzadə 7 yanvar 1936-cı ildə Gəncə şəhərində anadan olmuşdur. 1956-cı ildə Gəncə Musiqi Texnikumunu bitirən İsmayılzadə daha sonra Göygöl rayonunda tar müəllimi kimi çalışmağa başlamışdır. Rauf İsmayılzadə 1958-1963-cü illərdə Azərbaycan Dövlət Konservatoriyasının Xalq musiqi nəzəriyyəsi şöbəsində təhsil davam etdirmişdir. Konservatoriyada təhsilini başa vurduqdan sonra 1963-cü ildə Gəncə Musiqi Texnikumunda musiqi nəzəriyyəsi üzrə müəllim kimi fəaliyyət göstərmişdir. Pedaqoji fəaliyyətlə yanaşı, yaradıcılıqla da məşğul olan Rauf İsmayılzadə 500-dən artıq elmi və publisistik məqalənin, 20-ə yaxın kitabın müəllifidir.[1][2]
1981-ci ildə Gəncədə Azərbaycan Bəstəkarlar İttifaqının Gəncə şöbəsi yaradılımış və Rauf İsmayılzadə də həmin şöbədə məsul katib vəzifəsini icra etmişdir. Alim həm də ictimai xadim kimi fəaliyyət göstərmişdir. Belə ki 1981-1985-ci illər ərzində Gəncə şəhəri, Kəpəz rayon Sovetinin deputatı seçilmişdir. [2]
Rauf İsmayılzadə 1 iyun 1994-cü ildən Azərbaycan Bəstəkarlar İttifaqının Gəncə şəhər şöbəsinin sədri seçilmişdir. O, 1965-ci ildə AMEA-nın Mədəniyyət və İncəsənət İnstitutunun dissertantı olmuş və 1972-ci ildə sənətşünaslıq elmləri namizədi elmi adını qazanmışdır. [2]
- SSRİ Bəstəkarlar İttifaqının üzvü (1976)
- Əmək veteranı (1988)
- Yeni Azərbaycan Partiyasının üzvü (1996)[2]
Kitabları redaktə
- "Nizaminin musiqi dünyası" (2001)
- "Gəncədə ilk musiqi məktəbi" (2004)
- "Muğam rəngləri" (2005)
- "Fikrət Əmirov haqqında xatirələr" (2006)
- "Ulu Öndər Heydər Əliyevin kəlamları" (2007)
- "Gəncənin musiqi mədəniyyəti" (2008)[2]
Vəfatı redaktə
Rauf İsmayılzadə 2015-ci ildə Gəncə şəhərində vəfat etmişdir.[1][2]
Mükafatları redaktə
Rauf İsmayılzadə 2008-ci ildə Azərbaycan Respublikasının Prezidenti İlham Əliyev tərəfindən Prezident mükafatına layiq görülmüşdür.[2]
İstinadlar redaktə
- ↑ 1 2 3 "Gəncənin ilk elmi dərəcəli sənətşünas alimi Rauf İsmayılzadə vəfat edib" (Azərbaycan). trend.az. 9-6-2015 tarixində arxivləşdirilib.
- ↑ 1 2 3 4 5 6 7 8 "Rauf İsmayılzadə" (PDF) (Azərbaycan). anl.az/down. 2021-05-25 tarixində arxivləşdirilib (PDF).
Ədəbiyyat redaktə
Rauf İsmayılzadə "Azərbaycan musiqi rəngləri" - Bakı: İşıq, 1985.- 41, [3] s.