Rauf Muxtar oğlu Avşarov (Avşar) (17 aprel 1952, Kirovabad, Gəncə vilayəti) — "Rauf Avşar" Kukla Teatrının rəhbəri, Azərbaycan Respublikasının Əməkdar Artisti (2006)

Rauf Avşar
Rauf Muxtar oğlu Avşarov
Doğum tarixi 17 aprel 1952(1952-04-17) (71 yaş)
Doğum yeri
Milliyyəti azərbaycanlı
Vətəndaşlığı
Atası Muxtar Avşarov
Fəaliyyəti aktyor, rejissor
Mükafatları "Azərbaycan Respublikasının əməkdar artisti" fəxri adı — 2006
"Tərəqqi" medalı — 2022 "Diaspor fəaliyyətində xidmətə görə" medalı — 2020

Həyatı redaktə

Rauf Avşarov 17 aprel 1952-ci ildə Gəncə şəhərində Azərbaycanın xalq artisti, teatr və kino aktyoru Muxtar Avşarovun ailəsində dünyaya gəlib. Orta təhsilini öncə Gəncə şəhərində, sonra isə Bakı şəhərində alıb. 1978-ci ildə Azərbaycan Pedaqoji İnstitunu müəllim ixtisası üzrə bitirib. Bir müddət Sumqayıt şəhərindəki orta məktəblərin birində rəsmxət müəllimi kimi fəaliyyət göstərib. 1981-ci ildə Estoniyaya köçərək orada öz müəllimlik fəaliyyətini davam etdirib. 1992-ci ildə Estoniyanın Tallinn şəhərində kukla teatrı rejissorluğu üzrə kursu bitirib. 1996-cı ildə "Rauf Avşar" Kukla Teatrını yaradıb.

Teatrın repertuarında daha çox italyan, bolqar, rus və Azərbaycan xalq nağılları əsasında səhnələşdirilmiş əsərlər yer tutur. Teatr təsis olunduğu tarixdən bu günə qədər 25 əsəri səhnələşdirib. Səhnələşilən əsərlərdə daha çox Azərbaycan adət-ənənələri təbliğ edilir. Hər il Novruz bayramı ərəfəsində Novruz elementlərini özündə əks etdirən əsərlərin səhnələşdirilməsi eston uşaqları tərəfindən maraqla qarşılanır. Teatr kollektivinin səhnələşdirdiyi uşaq tamaşaları bir neçə dəfə Skandinaviya və Baltikyanı ölkələrdə — Latviya, Norveçİsveçdə oynanılıb. Azərbaycan Respublikası Mədəniyyət Nazirliyinin dəvəti ilə teatr heyəti Salyan, Şəki, Zaqatala, Qax rayonlarında, GəncəSumqayıt şəhərindəki dövlət teatrlarında bir sıra tamaşaları səhnələşdirib.

Rəhbəri olduğu teatr Estoniyada hər il təşkil edilən kukla teatrları festivalında da davamlı olaraq iştirak edir.

Ailəlidir.

Ailəsi redaktə

  • Azərbaycanın teatr və kino aktyoru, Azərbaycan Respublikasının xalq artisti Muxtar Avşarovun oğludu
  • Müasir Azərbaycan rəssamlıq məktəbinin tanınmış nümayəndəsi, Azərbaycan Respublikasının əməkdar rəssamı Rza Avşarın qardaşıdı

Mükafatları redaktə

Rauf Avşarovun fəaliyyəti Azərbaycan dövləti tərəfindən daim yüksək qiymətləndirilib.

  • 13 oktyabr 2006-cı il Azərbaycan Respublikasının əməkdar artisti fəxri adına layiq görülüb.[1]
  • 21 aprel 2022-ci il "Tərəqqi" medalı ilə təltif olunub.[2]
  • 2020-ci ildə Azərbaycan dilinin və mədəniyyətinin xarici ölkələrdə təbliğinə verilən töhfələrə və Azərbaycan Respublikasının beynəlxalq aləmdə ikitərəfli və çoxtərəfli əlaqələrinin inkişafında səmərəli fəaliyyətlərinə görə "Diaspor fəaliyyətində xidmətə görə" medalı təltif edilib.

İstinadlar redaktə

  1. "R. M. Avşarova "Azərbaycan Respublikasının əməkdar artisti " fəxri adının verilməsi haqqında Azərbaycan Respublikası Prezidentinin Sərəncamı". 2017-11-09 tarixində arxivləşdirilib. İstifadə tarixi: 2022-08-19.
  2. Azərbaycan diasporunun inkişafında xidmətlərinə görə bir qrup şəxsin təltif edilməsi haqqında Azərbaycan Respublikası Prezidentinin Sərəncamı