Rauf Kazımovski

Rauf Mirmahmud oğlu Kazımovski (31 dekabr 1928 – 2 mart 1976) — Azərbaycan kinorejissoru.

Rauf Kazımovski
Kazımovski Rauf Mirmahmud oğlu
Doğum tarixi	31 dekabr 1928
Doğum yeri	Bakı, Bakı qəzası, Azərbaycan SSR, ZSFSR, SSRİ
Vəfat tarixi	2 mart 1976 (47 yaşında)
Uşağı	Ələkbər Kazımovski
Atası	Mirmahmud Kazımovski
Fəaliyyəti	rejissor
Mükafatları

Həyatı

Rauf Kazımovski 1952-ci ildə Azərbaycan Mədəniyyət və İncəsənət Universitetini bitirmişdir. Azərbaycanda ilk radio və televiziya rejissoru olan Rauf Kazımovski 1952-ci ildən Azərbaycan radiosunda redaktor-rejissor, 1956-cı ildən ömrünün sonunadək televiziyada quruluşçu rejissor işləmişdir. Onun һazırladığı "O olmasın, bu olsun" tamaşası radionun qızıl fonduna daxildir. Televiziya üçün 1958-ci ildə "Leyli və Məcnun" tamaşasını һazırlamışdır. R.Kazımovski Cəlil Məmmədquluzadənin ""Ölülər" tragikomediyasının radio-tamaşasının və "Poçt qutusu" hekayəsi əsasında çəkilmiş televiziya filminin rejissoru olmuşdur.

Mükafatları

• "Əməkdə fərqlənməyə görə" medalı — 9 iyun 1959

Filmoqrafiya

• Şamdan bəy (film, 1956)
• Korun mahnısı (film, 1961)
• Körpə (film, 1962)
• Yun şal (film, 1965)
• Poçt qutusu (film, 1967)
• Bəşir Səfəroğlu (film, 1969)
• General (film, 1970)
• Aktrisanın təbəssümü (film, 1974)
• Aldanmış kəvakib (film, 1974)

Mənbə

• Cəlil Məmmədquluzadə Ensiklopediyası. Bakı, 2008. səh. 41.
• "Humay"ın laureatları. [Onların arasında mərhum televiziya rejissoru Rauf Kazımovskinin də adı vardır] //Xalq.- 2002.- 3 dekabr.
• Kazımovski Rauf Mirmahmud oğlu — Üzeyir Hacıbəyov Elektron Ensiklopediyası.