Rayli Foksun qətli
Rayli Foks (ing. Riley Fox; d. 31 mart 2001-ci il, Uilminqton, İllinoys — 6 iyun 2004-cü il, Uilminqton, İllinoys) — 6 iyun 2004-cü ildə qətlə yetirilən Uilminqton, İllinoys şəhərindən olan 3 yaşlı qız.[1] Raylinin atası ilk olaraq ittiham edildikdən və DNT faktları ilə günahsız olduğu müəyyənləşdikdən sonra şərti olaraq azad edilmiş, məhkum Skot Ebi cinayəti etiraf etdi və məhkum edildi.
| Rayli Foks | |
|---|---|
| ing. Riley Fox | |
 | |
| Doğum tarixi | |
| Doğum yeri | ABŞ, Uilminqton, İllinoys |
| Vəfat tarixi | (3 yaşında) |
| Vəfat yeri | ABŞ, Uilminqton, İllinoys |
| Atası | Kevin Foks |
Rayli Foksun itməsi
redaktə6 iyun 2004-cü il — Raylinin itdiyi gecə atası Kevin Foks gecə saat 1 radələrində nənələrinin evindən uşaqları götürdü. O, uşaqları yataqlarına aparmaq üçün çox yorğun idi, Raylini divanda, böyük qardaşı Tayloru isə qonaq otağındakı kresloda yatırtdı. Sonra otağına getdi, televizora baxdı və təxminən 2:30-da yatdı. Ertəsi səhər Taylor onu oyatdı və Raylinin getdiyini ona bildirdi. Qonşuları axtarıb yoxladıqdan sonra o, polis çağırdı.[2]
Rayli Foksun cəsədinin tapılması
redaktəHəmin gün Raylin Uilminqton şəhərindən bir neçə mil məsafədə yerləşən ictimai parkda ölü tapıldı. Rayli suda boğulmadan əvvəl cinsi təcavüzə məruz qalmış vəziyyətdə üzüqoylu kiçik bir çayda tapıldı.
İstintaq
redaktəRayli Foksun atası Kevin Foks əvvəlcə məcburi etiraf əsasında ittiham edildi. O, başqasının cinayəti işlədiyini göstərən DNT dəlilləri ilə günahsız olduğu müəyyənləşməmişdən əvvəl 8 ay həbsxanada yatdı.[3]
Foksun vəkili Ketlin Zellner DNT dəlillərinin mövcud olduğunu aşkar etmək və sınaqdan keçirmək üçün məsuliyyət daşıyırdı.[4] Polis hadisə yerində içərisində Ebi adı yazılmış bir cüt palçıqlı ayaqqabı tapdı, lakin bu dəlillə heç nə edilmədi. Eyni zamanda onlar digər vacib ipuçlarına da fikir vermədilər, məsələn, Rayli yoxa çıxan gecə qonşuluqdakı bir ev qarət edildi. Daha sonra Foks ailəsi Uill qraflığı şeirif ofisinə və Kevin Foksu etiraf etməyə məcbur edən dedektivlərə qarşı qaldırdığı federal mülki hüquq iddiasında hakim heyətinin çıxardığı qərara əsasən 15.5 milyon dollarlıq (daha sonra 8.5 milyona endirildi) bir məhkəmə prosesini qazandı.[5][6]
Skott Ebi DNT dəlillərindən sonra qəsdən adam öldürməyə və cinsi təcavüzə görə ittiham edildi. Təqsirləndirilən vaxt Ebi ardıcıl iki dəfə yeddi il cəza çəkirdi.[1][3] Ebi qonşuluqdakı bir evi qarət etdiyini və Raylının evinin qapısını kəsdiyini etiraf etdi. O, divanda Raylini tapdı, onu maşına mindirdi və tualetdə təcavüz etdiyi parka apardı.[7] Sonra onu yaxınlıqdakı kiçik bir çayda boğdu.[1] O, şərti olaraq azad edilmə imkanı olmadan ömürlük həbs cəzası aldı. Ebi şərti olaraq azad edilmişdi və cinayət zamanı Foks ailəsindən bir mil məsafədə yaşayırdı.[5]
Həmçinin bax
redaktəİstinadlar
redaktə- ↑ 1 2 3 "Riley Fox Murder: Killer Left Signed Shoe At The Scene, Police Missed It For Six Years" (ingilis). huffpost.com. 24 sentyabr 2019 tarixində arxivləşdirilib.
- ↑ Smith, Bryan. "The Nightmare: A Look at the Riley Fox Case"
- ↑ 1 2 "Riley Fox Murder: Killer Left Signed Shoe At The Scene, Police Missed It For Six Years" (ingilis). nbcchicago.com. 13 sentyabr 2012 tarixində arxivləşdirilib.
- ↑ "CASE OVERVIEW" (ingilis). kathleentzellner.com. 3 mart 2016 tarixində arxivləşdirilib.
- ↑ 1 2 "Exclusive: Riley Fox's Parents Speak Out After Alleged Killer Found" (ingilis). abcnews.go.com. 12 iyun 2010 tarixində arxivləşdirilib.
- ↑ "Exclusive: Riley Fox's Parents Speak Out After Alleged Killer Found" (ingilis). chicagotribune.com. 26 oktyabr 2016 tarixində arxivləşdirilib.
- ↑ "Justice at last for father accused of killing his daughter, 3, after sex offender admits to murder" (ingilis). dailymail.co.uk. 14 noyabr 2010 tarixində arxivləşdirilib.