Vikipediya

Re: Cutie Honey

Re: Cutie Honey (Re:キューティーハニー, Ri Kyuti Hani?) — 2004-cü ildə çəkilmiş tokusatsu filmi "Kyuti Hani", eləcə də Qo Naqay tərəfindən 1970-ci illərdə hazırlanmış "Cutie Honey" manqası əsasından çəkilmiş 3 seriyadan ibarət anime OVA. Anime serialı Gainax və Toei Animation-un birgə əməkdaşlığı ilə çəkilmiş, rejissoru Hideaki Anno olmuş və 2004-cü ildə Animax peyk televiziyası vasitəsilə yayımlanmışdır. Animenin ilk seriyası filmin göstərilməsindən 2 ay sonra ekranlara buraxılmışdır.[1] Hər seriya üçün DVD adaptasiya hazırlanıb buraxılmışdır (ilki 21 sentyabr 2004-cü ildə).[2] Anime serialı manqa ilə eyni hekayəni bölüşür, amma manqadan fərqli olaraq çılpaqlığa və əlavə personajlara yer verilmişdir.[3]

Re: Cutie Honey
Re: Cutie Honey DVD-sinin üzlüyü.
キューティーハニー
(Ri Kyuti Hani)
Janr Döyüş, macəra, maho-şoco, yuri
Anime
RejissorHideaki Anno
Tadaşi Hiramatsu
Hiroyuki İmaişi
Masayuki
Naoyuki İto
SsenaristKoyçi Taki
Kazumi Nakaşima
Takeo Kasay
BəstəkarSusuma Ueda
StudiyaGainax, Toei Animation
KanalYaponiya Animax
Buraxılış tarixi24 iyul (DVD: 21 sentyabr) 2004 – 25 sentyabr (DVD: 21 dekabr) 2004
Vaxt45 dəq.
Seriyalar3
  Anime və manqa portalı

Məzmun redaktə

Panter pəncəsi (ing. Panther Claw) kimi tanınan sirli təşkilat Tokionun mərkəzində bir neçə terror aktları həyata keçirir. Polislər terror aktlarını dayandırmaq istəsələr də, bunu bacara bilmirlər. Lakin hər dəfə kospley kimi geyinmiş sirli bir qız peyda olur və polislərə kömək edərək terrorçuların planlarına əngəl olur. Bu qız professor Kisaraqinin məhsulu olan Hani Kisaraqidir. Maskalanma ustası olan Hani geyimini tez dəyişdirə bilir. Boğazındakı ürək formalı düyməyə basmaqla Hani yarıçılpaq, sevgi və ədalətin döyüşçüsü Kyuti Haniyə çevrilir.

Personajlar redaktə

Müsbət personajlar redaktə

Hani Kisaraqi / Kyuti Hani (如月 ハニー, Kisaragi Hani?)
Səsləndirən: Yui Horie
Kisaraqi Hani Tokioda bir ofisdə işləyir. O, bir androiddir, atasını öldürən Panter pəncəsindən intiqam almaq istəyir. Əsas silahları bumeranq, rapira, nizə və sevgi gücüdür.
Seyci Hayami (早見 青児, Hayami Seiji?)
Səsləndirən: Hideo İşikava
Hayami Seyci özünü bir qəzetdə işləyən jurnalist kimi təqdim edir, amma əslində texnologiya və Kyuti haqqında çox şey bilir. Daim Kyutini izləyir, Kyutinin təhlükəli olacağı halda onu öldürməyə hazırdır.
Natsuko Aki / "Nat-çan" (秋 夏子, Aki Natsuko?)
Səsləndirən: Cunko Noda
İnspektor Natsuko Aki Panter pəncəsini cəzalandırmaq istəyir. O, odlu silahlarla əla davranır, qorxmazdır, hətta güllə yağışından da qorxmur.
Kyoko İzumiya (泉谷 京子, Izumiya Kyōko?)
Səsləndirən: Kazuko Suqiyama
"Nənə" kimi tanınır. Haninin işlədiyi ofisdə süpürgəçidir, həmişə Haniyə oniqiri hazırlayıb gətirir. Nənənin yeməyi ən yaxşıdır, çünki sevgi ilə hazırlanır.

Panter pəncəsi redaktə

Qızıl pəncə (ゴールド・クロー, Gōrudo Kurō?)
Səsləndirən: Noriko Uemura
Qızıl pəncə Haninin üzləşdiyi ilk güclü düşməndir. Silahlı və zirehli olduğundan Hani ona qalib gəlmək üçün zirek olmalı idi. Qızıl pəncənin əlaltıları Dağıdıcı panter, Həkim panter və Çərçivə panterdir. Birinci seriyada Kyuti Hani tərəfindən öldürülmüşdür.
Kobalt pəncə (コバルト・クロー, Kobaruto Kurō?)
Səsləndirən: Mami Kinqetsu
Kobalt pəncənin bir cüt çıxıntısı var və bu çıxıntıları uzadaraq düşməni çevrələyə bilər. Kobalt Siter Cillə gücünü göstərməkdən və Kyuti Hani ilə döyüşməkdən ləzzət alır. O, Qırmızı pəncə tərəfindən öldürülmüşdür.
Qırmızı pəncə (スカーレット・クロー, Sukāretto Kurō?)
Səsləndirən: Hiromi Konno
Qırmızı pəncə kiçik boyludur, əlindəki çətiri ilə düşmənlərə hücum edib onlara xəsarət verir. Qırmızı pəncə xalqı Kyuti Haniyə qarşı çevirə bilmişdi. Qırmızının əlaltıları Tank panter, Bazuka panter və Səma panterdir. İkinci seriyada Kyuti Hani tərəfindən nizə ilə öldürülmüşdür.
Qara pəncə (ブラック・クロー, Burakku Kurō?)
Səsləndirən: Yumi Touma
Qara pəncə hücumlarında mikrofonla güclü səs dalğalarından istifadə edir. Nə qədər çalışsa da, Qara pəncə Sister Cillin istəklərini başa düşmür. Üçüncü seriyada Kyuti Hani tərəfindən ortadan ikiyə bölünərək öldürülmüşdür.
Sister Cill (シスター・ジル, Shisutā Jiru?)
Səsləndirən: Kazue İkura
Sister Cill Panter pəncəsinin lideridir. Dörd tanrı onun üçün fəaliyyət göstərir. Əsas silahı kölgə əlləri çağıra bilən qamçısıdır. Üçüncü seriyada ölmüşdür.

İstehsal redaktə

Anime serialının içərisində "Seylor Mun", "Lupin III" animelərinə, eləcə də "Bili öldür" filminə bir çox istinad vardır.[4] Animedə Qo Naqayın digər işlərindən kameolar görmək olar: "Devilman"dan Akira Fudo, "Mazinger Z"dən Kouci Kabuto və Boss, "Grendizer"dən Duk Flid və Danbey.[5]

Hər bir seriya müxtəlif rejissorlar tərəfindən çəkilmişdir. Gainax-ın fan-saytlarından biri olan "Gainax Pages" saytında bir tənqidçi bildirmişdi ki, hər seriya özünəməxsus stili ilə fərqlənir.[4]

"Re: Cutie Honey" animesində Kyuti Hani "New Cutie Honey"[6] və "Cutie Honey Flash"[7] animelərindən fərqli olaraq (bu animelərdə yaşıl gözlü idi) 1970-ci illərin manqasında olduğu kimi tünd qırmızı gözlərə malik idi.[8][9] Həmçinin əvvəlki versiyalardan fərqli olaraq bu animedəki geyimi döşlərini daha çox, göbəyini isə daha az örtür.[9]

Açılış mahnısı kimi (həm də filmdə) Koda Kumi tərəfindən ifa olunan "Cutie Honey" mahnısından istifadə olunmuşdur. Koda Kumi tərəfindən ifa olunan "Into your Heart" mahnısı isə bağlanış mahnısı olmuşdur.

Media redaktə

Seriya redaktə

Anime serialının 3 seriyasından ibarət DVD 21 sentyabr 2005-ci ildə yayımlanmışdır. Bu komplektə Kyuti Hanini əvvəlki seriallarda səsləndirmiş aktrisaların iştirakı hazırlanmış CD Drama da daxil idi: Eyko Masuyama (yetmişinci illərin serialı), Miçiko Neya ("New Cutie Honey"), Ay Naqano ("Cutie Honey Flash") və Yui Horie ("Re: Cutie Honey").

Seriyalar redaktə

  1. Səma cildi
  2. Yer cildi
  3. İnsan cildi
  4. Harmoniya cildi (CD drama)

Qəbul redaktə

Animenin vizual görünüşü müxtəlif rəylər almışdır: Anime on DVD əvvəlki versiyalarla müqayisədə yeni qrafikaların "Kyuti Hanini həyata qaytardığını" açıqlamışdır.[10] Lakin "Japan Hero" saytındakı bir rəydə anime "təhrif olunmuş", "zövqsüz" adlandırılmışdı.[11] Buna baxmayaraq, anime serialı hələ də hekayəsinə və musiqisinə görə "yaradıcı, əyləncəli, darıxdırmayan" hesab edilir.[11]

İstinadlar redaktə

  1. ↑ "アニメ・特撮 | SKY PerfecTV!". SKY Perfect Communications Inc. 2004-08-13 tarixində arxivləşdirilib. İstifadə tarixi: 14 fevral 2016. Animax Presents "Re: Cutie Honey," the first story, "Heaven's volume", the second story, "Earth's volume" Ch.183 Perfect Choice; the first story 7 / 24 (Saturday) - 8 / 27 (Friday), the second story 8 / 28 (Saturday) - 9 / 24 (Friday). Neon Genesis Evangelion's Hideaki Anno directs the latest Cutie Honey! After Eriko Sato starred in the live action movie published in May, the animated work Re: Cutie Honey was born and will start broadcasting! ...(C) LATERNA, Toei Video, TOWANI, Gainax; original: (C) Go Nagai / Dynamic Planning (アニマックスPresents 「Re：キューティーハニー」 第1話「天の巻｣ 第2話「地の巻」 Ch.183 パーフェクト チョイス 第1話 7/24(土)～8/27(金) 第2話 8/28(土)～9/24(金) 「新世紀エヴァンゲリオン」の庵野秀明監督による最新型キューティーハニーが登場!5月に公開された佐藤江梨子主演の実写映画に続いて誕生したアニメーション作品「Re:キューティーハニー」を放送スタート! ...(C)LATERNA・東映ビデオ・ガイナックス・トワーニ 原作：(C)永井豪/ダイナミック企画?)
  2. ↑ Gainax Co., Ltd. "Re:キューティーハニー News&Topics". Gainax Net (Japanese). February 25, 2008 tarixində orijinalından arxivləşdirilib. İstifadə tarixi: 14 fevral 2016. Episode 1, "Heaven"'s volume; Video & DVD rental start date: Friday, September 10, 2004; Release date: Saturday, September 21, 2004 (第１話「天」の巻 ビデオ＆ＤＶＤレンタル開始日 ： 2004年9月10日(金) 発売日 ： 2004年9月21日(土)?)
  3. ↑ Morgan, Joshua J. "Film Diary: Re: Cutie Honey (OVA) [Hideaki Anno]". Josh's Film Diary. 2005-06-30. 2012-02-17 tarixində orijinalından arxivləşdirilib. İstifadə tarixi: 14 fevral 2016.
  4. ↑ 1 2 "Re: Cutie Honey". Gainax Pages. 2008-03-02 tarixində orijinalından arxivləşdirilib. İstifadə tarixi: 14 fevral 2016.
  5. ↑ Chow, Bobby. "Cutey Honey Omake". The World of Before the Apocalypse. 2021-04-19 tarixində arxivləşdirilib. İstifadə tarixi: 14 fevral 2016.
  6. ↑ User "Knites". "A Change for the Better". Retro Junk. 2012-03-02 tarixində arxivləşdirilib. İstifadə tarixi: 14 fevral 2016.
  7. ↑ Chow, Bobby. "Cutey Honey F". www.cjas.org. 2022-03-31 tarixində arxivləşdirilib. İstifadə tarixi: 14 fevral 2016.
  8. ↑ "キューティーハニー: 秋田書店チャンピオンコミックス(全2巻)". ビバ！ダイナミック (Japanese). 2016-03-03 tarixində arxivləşdirilib. İstifadə tarixi: 14 fevral 2016.
  9. ↑ 1 2 Toei Animation. "Re:キューティーハニー コンプリートDVD PR" (Japanese). 2017-09-10 tarixində arxivləşdirilib. İstifadə tarixi: 14 fevral 2016.
  10. ↑ Phan, Tony M. "Re: Cutie Honey Vol. #1". Anime on DVD. 2005-02-24. 2006-11-01 tarixində orijinalından arxivləşdirilib. İstifadə tarixi: 15 fevral 2016.
  11. ↑ 1 2 "Jmaruyama". "Re: Cutie Honey [Re: = Return/Renewal/Regarding]". Japan Hero. 2006. 2008-02-22 tarixində orijinalından arxivləşdirilib. İstifadə tarixi: 15 fevral 2016.

Xarici oxu redaktə

Xarici keçidlər redaktə

Mənbə — "https://az.wikipedia.org/w/index.php?title=Re:_Cutie_Honey&oldid=7068171"