Reda Bentifur
Reda Bentifur (ing. Redha Bentifour; 22 oktyabr 1954[1]) — fransız-əlcəzair mənşəli rejissor və xoreoqraf.
| Reda Bentifur | |
|---|---|
 | |
| Doğum tarixi | 22 oktyabr 1954[1] (70 yaş) |
| Fəaliyyəti | xoreoqraf, teatr rejissoru |
| IMDb | ID1004893 |
| redha.webs.com | |
 Vikianbarda əlaqəli mediafayllar | |
Reda Kamel Bentifur (doğum tarixi 22 oktyabr 1954-cü il) dünya şöhrətli rəqqas və xoreoqraf, Fransanın Trua (Troyes) şəhərində anadan olub. O, müasir dünyada ən məşhur xoreoqraflardan biri hesab olunur və özünə xas üslubü ilə tanınır.
Erkən həyatı və təhsili
redaktəReda Bentifour Əlcəzairli beynəlxalq futbolçu Abdelaziz Ben Tifourun ailəsində dünyaya gəlib. Uşaqlıq illəri Əlcəzairdə keçən Redha aktyor olmaq üçün Fransaya qayıdır. Rol əldə etmək üçün, rəqqas olmağı seçən Reda bununla uzun bir yola qədəm qoyur. O, Rosella Hightower Kannes Rəqs Məktəbində təlim kursuna qatılır. Mükəmməl tələbə kimi digərlərindən fərqlənən, Reda özünü daha da inkişaf etdirmək üçün ABŞ-a yollanır. Nyu York və Los Ancelesdə Stanley Holden də daxil olmaqla Joan Wulfson, Michael Peters, Jerry Grimes, Claude Thompson və s. kimi ən tanınmış müəllimlərdən dərslər alır. O, Graham, Horton, Limon kimi fərqli rəqs texnikaları üzrə təhsil alır.
Karyerası
redaktəAmerikada təhsilini başa vurub Parisə qayıdan, Reda özünün Balet Reda şirkətini yaradır. Bir çox TV şouda: Champs-Élysées, Les Enfants du rock, Les Années tubes müntəzəm olaraq öz rəqqasları ilə birgə çıxış etməyə başlayır. Artıq Fransa tamaşaçısı Redanı tanıyır.
İlk böyük uğur
redaktə1991-ci ildə o, Tokioda 1-ci Beynəlxalq Rəqs Mükafatına layiq görülür və beləliklə, böyük rəqs şirkətlərinin beynəlxalq səhnələrinin qapıları onun üzünə açılır.
Futbol üzrə DÇ-1998
redaktəReda 1998-ci ildə Fransada keçirilən Futbol üzrə Dünya Çempionatının açılış mərasimini səhnələşdirir və mükəmməl şou nümayiş etdirib. 2010-cu ildə Fransada keçirilən Qılıncoynatma üzrə Dünya Çempionatının açılışı da ona həvalə olunur.
Böyük büdcəli layihələr və ulduzlarla işbirliyi
redaktəReda indiyə kimi Roberto Alagna, Richard Gere, Sopho Nijaradze, Robert Palmer, Vanessa Paradis, Elie Kakou, Zazie, Florent Pagny, Muriel Robin, Elton John, Cher, Nicole Croisille, Michael Jackson, Diana Ross, Yves Montande, Maurane, Ophélie Winter, Catherine Lara, Patrik Bruel, Emmanuelle Seigner, Serge Lama, Claude Nougaro, Pierre Palmade və digər məşhurlarla bir sıra konsert, şou, klip və myüzikllərdə iştirak edib.
O, həm də Roman Polanski, Gilles Béhat, Fabien Onteniente, Costa-Gavras, Claude Miller, Rick Rosenthal and Michel Blanc kimi rejissorların filmlərinin xoreoqrafı olub.
Reda eyni zamanda Alvin Ailey New York, San Francisco Ballet, National Ballet of Cuba, Het Nationale Ballet of Amsterdam, Ballet Philippines Manila, Big Ballets of Cotes d'Ivoires Abidjan, Tshwane Dance Theater South Africa, AZOE Danza Cali Colombia və bir sıra digər tanınmış şirkətlərlə əməkdaşlıq edib. Məşhur xoreoqraf 2014-cü ildə Makao şəhərində Franco Dragone üçün TABOO”ya quruluş verib.
O, həmçinin Eric Charden’in Mayflower’il olmaqla, Romeo və Cülyetta, Sevgidən nifrətə, Roşforlu qızlar, Belles belles belles kimi bir neçə myuziklin rejissoru və xoreoqrafı olub.
Tələbələri
redaktəHazırda öz solo karyerasına başlayan və ya başqa nüfuzlu rəqs qruplarında fəaliyyət göstərən Natty Tardivel, Sophie Tellier, Guillaume Jauffret, Pierre Boisserie, Kamel Ouali, Christine Hassid, Mylène Riou və Emilie Capel kimi bir çox rəqqas və rəqqasələr fəaliyyətlərinə Redanın balet məktəbində başlayıblar.
İctimai fəaliyyəti
redaktəÖz dövrünün, həmçinin və dünyanın ən məşhur xoreoqraflarından biri olaraq tanınan Reda eyni zamanda LaRed Latin AMERICA kimi bir neçə humanitar təşkilatın üzvüdür, o, Cənubi və Mərkəzi Amerika, Afrika və Avropanın kasıb məhəllərində yaşayan uşaqlar və yeniyetmələrlə işləyir.
Reda Bentifur Azərbaycanda
redaktə2017-ci ilin ilk yarısında Azərbaycanın xalq artisti, Azərbaycan pop musiqisinin əsas ulduzu Aygün Kazımova karyerasının 30 illiyinə həsr olunacaq konsertin rejissorluğu üçün Fransadan Reda Bentifuru dəvət edəcəyini müsahibələrində bildirdi. Reda Bentifur Bakı Kristal Holl səhnəsində keçiriləcək konsert üçün Azərbaycana dünya uldulzarının konsertlərində çıxış edən 70 nəfərlik böyük komanda ilə gəldi, rəqqaslar əsasən Argentina, Meksika, Fransa, İtaliya və Kolumbiyadandır. Müsahibələrində Azərbaycana ilk dəfə və məhz Aygün Kazımovanın dəvəti ilə gəldiyini bildirən Reda, daha əvvəl Azərbaycanın pop kraliçasının kliplərini social şəbəkələr vasitəsi ilə seyr etdiyini və onun yaradıcı və çox çalışqan ulduz olduğunu qeyd edib. “Aygün Kazımova-30 il” adlanan konsertin əsas xoreoqrafiya məşqləri İyul ayından Heydər Əliyev adına İdman Sarayında başlayııb, iki ay Reda Bentifurun rəhbərliyi ilə Sarayda məşq edən Aygün və beynəlxalq rəqqas komandası hazırda Baki Kristal Holl səhnəsində məşqlərini davam etdirirlər.[2]
İstinadlar
redaktə- ↑ 1 2 https://lesarchivesduspectacle.net/p/69026-Redha.
- ↑ "Айгюн Кязимова готовится к «концерту всей своей жизни» с международной командой". 2017-07-10. 2017-09-22 tarixində arxivləşdirilib. İstifadə tarixi: 2017-09-16.