Reyhan Müslümova

Reyhan Müslümova - Azərbaycanlı müğənni

Reyhan Müslümova
Ümumi məlumatlar
Doğum tarixi	19 sentyabr 1949
Doğum yeri	Quba, Azərbaycan SSR, SSRİ
Vəfat tarixi	2 aprel 2002 (52 yaşında)
Vəfat yeri	Bakı, Azərbaycan
Vəfat səbəbi	Şəkərli diabet Bəzi mənbələrdə Qanaxma
Vətəndaşlığı	SSRİ, Azərbaycan
Milliyyəti	Azərbaycanlı
Musiqiçi məlumatları
Fəaliyyəti	Müğənni
Fəaliyyət illəri	1962-2002

Həyatı

Reyhan Müslümova 1949-cu ildə Qubada anadan olub. Valideynləri həkim olduğundan qızlarını da həmin sahəyə yönləndirmək istəsələr də, o müğənni olmağa qərar verib. Müğənnilik karyerasında ilk addımlarını "Lalə" qızlar ansamblında atıb. Kəmalə Rəhimli, Nəzakət Məmmədova, Nisə Qasımova, Ruhəngiz Allahverdiyeva, Yaqut Babayeva ilə birgə səhnəyə qədəm qoyub. 18 yaşındaykən Hüseyn Seyidzadənin ekranlaşdırdığı "Dəli Kür" filmində Cahandar ağanın qızı Salatın rolunu canlandırıb.

Vəfatı

Reyhan Müslümova artıq çəkidən əziyyət çəkib. Şəkər xəstəsi olduğundan həkimlər əməliyyat aparmaqdan imtina ediblər. 2002-ci ildə Bakıdakı 5 saylı xəstəxanada liposaksiya əməliyyatı keçirən sənətçinin şəkəri yüksələrək komaya düşür və 52 yaşında həyatını itirir.

Digər bir versiyaya görə həkim müğənninin mədəaltı vəzini deşdiyi üçün qanaxma olub və ölüm də bu səbəbdən baş verib. Xəstəxanadan verilən ölüm kağızında isə Reyhan Müslamovanın guya yanıq xəsarətlərindən öldüyü qeyd olunub.

2004-cü ildə oğlu tərəfindən "Mən həyatda olmayanda" adlı musiqili diski və konsertlərdə, tele-kanallarda etdiyi çıxışların hamısını DVD-formasında arxivləşdirilib.

Filmoqrafiya

• Dəli Kür (film, 1969) — Salatın