Riçard Kuklinski

Riçard Kuklinski (11 aprel 1935, Cersi-Siti – 5 mart 2006, Trenton) – amerikalı-polyak[1] mənşəli seriyalı qatil. Cinayətləri işlədikdən sonra cinayət vaxtının bəlli olmaması üçün cəsədləri dondurduğundan "Buz adam" ləqəbini almışdır. 250-dən çox insanın ölümündən məsuldur.

Riçard Kuklinski
Riçard Kuklinski.jpg
1982-ci ildə çəkilmiş şəkli.
Orijinal adıing. Richard Kuklinski
DoğumRiçard Leonard Kuklinski
11.4.1935
Cersi-Siti, Nyu-Cersi, ABŞ
Ölüm5.3.2006
Trenton, Nyu-Cersi, ABŞ
Milliyyətpolyak-amerikalı
Digər adlarBuz adam
Peşəsifarişli qatil
Cinayətiqətl
Cinayət cəzası2 dəfə həbs
Cinayət statusuölüm
Həyat yoldaşıBarbara Kuklinski (boşanıb)
Uşaqlar2 qız, 1 oğul
ValideynlərStenli Kuklinski (ata) və Anna Kuklinski (ana)

Həyatı və karyerasıRedaktə

1935-ci ildə Cersi-Sitidə anadan olub. Ailəsi və yaşadığı mühit ona pis təsir edib: iki qardaşından biri Florian atası tərəfindən öldürülüb.[2] İkinci qardaşı isə 12 yaşlı qıza təcavüz edib qızı öldürüb.[3]

Riçard ilk cinayətini 13 yaşında işləyib.[4] Daha sonra cinayət ailələrinin diqqətini çəkmiş və peşəkar qatilə çevrilmişdir. Əvvəlcə Dekavalkante cinayət ailəsi və Nyu-Yorkda başqa 5 mafiya ailəsi üçün sifarişli qatil kimi xidmət göstərib. Daha sonra Qambino ailəsi ilə işləməyə başlayıb.

TutulmasıRedaktə

17 dekabr 1986-cı ildə Riçardın yaxın dostlarından biri olan Fil Solimen ilə əməkdaşlıq edən FBI tərəfindən yaxalanıb.[5] Yaxalanması belə olur: Riçard növbəti "sifariş"ini alır və onu yerinə yetirməyə yollanır. Əldə etdiyi sianidi bir küçə itində yoxlamağa qərar verir, lakin itin ölmədiyini görüb bunun qurma olduğunu anlasa da, artıq gec olur.[6] Yaxalandıqdan sonra 250-dən çox cinayətdən məsul olduğunu etiraf edib və bu cinayətlərin işıqlandırılmasında özü kömək edib. Həbsdə qaldığı müddətdə bir çox jurnalist, psixiatra onunla görüşməsinə icazə verib.

5 mart 2006-cı ildə Sent-Frensis Sağlamlıq Mərkəzində həyata gözlərini yumub.[7]

StiliRedaktə

Qurbanlarını müxtəlif üsullarla öldürüb: tapança, bıçaq, partlayıcı maddə, boğma, zəhərləmə, hətta bəzən yalın əllə. Amma əsasən sianiddən istifadə etməyə üstünlük verib. Belə ki, sianid tez öldürür və meyityarma zamanı müəyyən edilməsi çətin olur.

FilmRedaktə

Riçard Kuklinsi haqqında HBO tərəfindən iki sənədli film çəkilib. Bundan əlavə, 2012-ci ildə onun həyatını ələ alan "Buz adam" adlı film də istehsal olunmuşdur. Filmdə Kuklinski rolunu Maykl Şennon oynamışdır. Film Antoni Brumanın "Buz adam: Soyuqqanlı qatilin əsl hekayəsi" kitabının motivləri əsasında çəkilib.[8]

İstinadlarRedaktə

  1. "Richard Kuklinski – zabijanie miał we krwi?". More Maiorum 1/2016, pp. 28-37 (Polish only); retrieved 21 February 2016.
  2. "The Iceman Tapes: Conversations with a Killer". America Undercover. Home Box Office, Rock Solid Productions. İstifadə tarixi: 10 avqust 2017.
  3. "Jersey City Man Arrested In Death of 12-Year-Old Girl". The New York Times. September 16, 1970. İstifadə tarixi: 10 avqust 2017. ... of a 12-year-old girl who apparently was thrown from the roof of a building. Joseph Kuklinski was taken into custody at his home at 434 Central Avenue
  4. Bruno, Anthony. The Iceman: The True Story of a Cold-Blooded Killer. New York, New York: Delacorte. 1993.
  5. Carlo, 2006. səh. 299
  6. Carlo, 2006. səh. 363-365
  7. Higginbotham, Adam. "Married to the Iceman". The Telegraph. Telegraph Media Group Limited. İstifadə tarixi: 10 avqust 2017.
  8. Zakarin, Jordan. "'Iceman' Poster Stars Michael Shannon as a Menacing Killer". The Hollywood Reporter. 26 March 2012. İstifadə tarixi: 10 avqust 2017.

ƏdəbiyyatRedaktə

Xarici keçidlərRedaktə