Ronqsanlem adası
Ronqsanlem (khm. កោះរុងសន្លឹម), həmcinin Kox Ronq Sanloem — Kamboca ərazisində yerləşən sahəsinə görə üçüncü ən böyük adadır. Ada Siam körfəzində Sianukvil[1] şəhərində 26 km aralıda yerləşir. Samloem sözü (khm. រុងសន្លឹម) tərcümədə çətin görünən[2] mənasını verir.
| Ronqsanlem | |
|---|---|
| khm. កោះរុងសន្លឹម | |
 | |
| Ümumi məlumatlar | |
| Sahəsi | 24,5 km² |
| Uzunluğu |
|
| Sahil uzunluğu | 37 km |
| Hündür nöqtəsi | 202 m |
| Əhalisi | 300 nəfər (2015-ci il) |
| Yerləşməsi | |
| 10°35′10″ şm. e. 103°17′45″ ş. u. | |
| Ölkə |
 Kamboca |
| Akvatoriya | |
|
|
|
 Vikianbarda əlaqəli mediafayllar | |
Ronqsanlemdən bir qədər aralıda Kon adası yerləşir. 4 kilometrlik boğazın şimalında Ronq və Kox Tut adaları yerləşir. Şimal-şərqində isə iki əkiz adalar Kox Bonq Pun yerləşir. Bu beş ada Kamponqsaom vilayətinin Mittakfip dairəsində kammuna təşkil edir[3].
Qonşu Ronq adası ilə birlikdə yüksək gəlir gətirən turistik bölgəyə çevrilmişdir[4][5]
Coğrafiyası redaktə
Ronqsanlem adası özünün şimal qardaşında demək olar ki, heçnə nə ilə fərqlənmir. Adanın sahəsi 24,5 km² təşkil edir. Ada əsasən təpəliklərdən ibarətdir. Ada bütünlüklə sıx cəngəlliklərlə örtülüdür. Sahil xətti əsasən bir-birində daşlıqlarla aralanan çimərliklərlə örtülüdür. Qərb sahilində üç iri çimərlik vardır. Şərq hisdəsi mussunların təsirinə az məruz qalır. Burada çoxlu sayda körfəz və burunlar vardır. Adanın ən görməli yeri Sarasin buxtasıdır (ing. Saracen Bay). Buxta aypara quruluşuna malikdir. Diametri 3 km təşkil edir. Buxta Sarasin gəmisinin şərəfinə adlandırılmışdır[6].
Yaşayış məntəqələri və infrastruktur redaktə
Adada 3 balıqçı kəndi vardır: (khm. ម្ភៃបីនាក់) Мa-Phey-Bay — Otuz iki, (khm. ភូមិកងដូនកែវ) Pum Kanq Knanq — Daxili kənd və (khm. ភូមិកងក្រៅ) Pum Kanq Krau — İç kənd[7][8]. Adada hazırda 202 nəfər yaşayır. Fransız Hindçini dönəmində adada avtomobil şəbəkəsi qurulmuşdur. Ancaq hazırda bu yollar cəngəlliklə örtülmüşdür. Adanın cənubunda o dövrdən qalan mayak mövcuddur. Ronq adasında olduğu kimi buraya gediş-gəliş ancaq dəniz yolu ilə təmin olunur. Qonşu adadan fərqli olaraq burada Asiya camışına qoşulmuş arabalar istifadə edilir. Ada mərkəzi elektrik şəbəkəsinə qoşulmuşdur. Adada telefon fəaliyyət göstərir. Adada turistik otellərdən və kəndlərdən başqa Kamboca Kral donanmasına məxsus hərbi baza yerləşir.
Turizm redaktə
Adada turizm 2014-cü ildən inkişaf etdirilir. Adada onlarla yeni müxtəlif kateqoriyalı otellər inşa edilmişdir[9]. Adaya gələnlər əsasən Sarasin buxtasına görə buranı ziyarət edirlər. Sianukvilemdən adaya bərələr hərəkət edir[10].
Təbiəti redaktə
Əsrarəngiz və keçilməz cəngəllikləri olan ada özünün zəngin endemik onurğasızları ilə seçilir. Adada suda-quruda yaşayanlar və sürünənlər baxımdan belə seçilir. Burada şirinsulu mənbələrin daxilində çoxlu sayda balıqlar yaşayır. Burada əntərlər və gəmiricilərin müxtəlif növlərinə rast gəlinir[11].
Mənbə redaktə
İstinadlar redaktə
- ↑ Google Maps
- ↑ "Assessing Legislation And Management Koh Rong" (PDF). 2015-09-24 tarixində orijinalından (PDF) arxivləşdirilib. İstifadə tarixi: 2016-11-16.
- ↑ "Sihanoukville Administration Map" (PDF). 2015-09-24 tarixində orijinalından (PDF) arxivləşdirilib. İstifadə tarixi: 2016-11-16.
- ↑ "The Partyboat Asia". 2014-12-22 tarixində orijinalından arxivləşdirilib. İstifadə tarixi: 2016-11-16.
- ↑ "Cambodia Islands". 2014-11-20 tarixində orijinalından arxivləşdirilib. İstifadə tarixi: 2016-11-16.
- ↑ National Archive Directory For Navy
- ↑ "Travel Fish Koh Rong Samloem". 2022-07-23 tarixində arxivləşdirilib. İstifadə tarixi: 2016-11-16.
- ↑ "Geonames". 2015-09-24 tarixində arxivləşdirilib. İstifadə tarixi: 2016-11-16.
- ↑ Koh Rong Samloen Beach Bungalows[ölü keçid]
- ↑ "Island Boat Schedule". 2018-06-10 tarixində arxivləşdirilib. İstifadə tarixi: 2016-11-16.
- ↑ "Koh Rong Samloem Species". 2017-12-22 tarixində orijinalından arxivləşdirilib. İstifadə tarixi: 2016-11-16.