Ruşat Müdərisov
Ruşat Salih oğlu Müdərisov (tatar. Рушат Салих улы Мөдәрисов, rus. Рушат Салихович Мударисов; 24 fevral 1974) — dram aktyoru, 1993-cü ildən "Nur" Ufa Dövlət Tatar Teatrının aktyoru, Başqırdıstan Respublikasının Xalq artisti (2019).[1]
| Ruşat Müdərisov | |
|---|---|
| tatar. Рушат Салих улы Мөдәрисов rus. Рушат Салихович Мударисов | |
| Doğum tarixi | 24 fevral 1974 (50 yaş) |
| Vətəndaşlığı |
 SSRİ →  Rusiya |
| Təhsili | Ufa Dövlət İncəsənət İnstitutu |
| Fəaliyyəti | teatr aktyoru |
| Mükafatları |
Başqırdıstan Respublikasının əməkdar artisti (2008) Başqırdıstan Respublikasının xalq artisti (2019) |
Həyatı
redaktə24 fevral 1974-cü ildə BMSSR-in Buzdək rayonunun Sabay kəndində anadan olmuşdur.[2] Ruşatın atası Saleh mahnı oxumağı sevirdi, anası isə qarmon çalırdı. Uşaqlıqdan Ruşat, atası kimi, müğənnilik ilə məşğul idi, həvəskar məktəb teatr qrupunun fəal iştirakçılarından idi. Rayonda və kənddə keçirilən mədəni tədbirlər, konsertlər, müxtəlif şou və müsabiqələrdə iştirak etmişdir. Məzun ilində təzədən açılan Nur Teatrı üçün xüsusi kursa yazıldı. Ufa Dövlət İncəsənət İnstitutu teatr fakultəsinin aktyorluq şöbəsinin ilk xüsusi qrupunu bitirmişdir, o qrup ilk tatardilli kurs idi. İkinci kursdan (1993-cü il) kollektiv tamaşalarda iştirak etməyə başladı. Elə həmin il teatrın ştatına qəbul edildi və o vaxtdan bəri orada işləməyə başladı. Fatih Sayfi-Kazanlının "Hirssiz dünya" dramında kollektiv obrazda ilk dəfə səhnəyə çıxdı.
Yaradıcılığı
redaktəTeatrda işlədiyi müddətdə Ruşat nisbətən geniş səhnə obrazları qalereyasını yaratdı. Hazırda teatrın aparıcı sənətçilərindən biridir. Gənc aktyorların inkişafı və formalaşmasına böyük töhfə vermişdir. Əxtəm Abuşahmanov kimi rejissorlar ilə işləmişdir.[3]
Mükafatları
redaktə- Başqırdıstan Respublikasının əməkdar artisti (2008)
- Başqırdıstan Respublikasının xalq artisti (2019)
İstinadlar
redaktə- ↑ "Рушат Салихович Мударисов". Театр Нур. 2019. 2019-11-19 tarixində arxivləşdirilib. İstifadə tarixi: 2020-06-06.
- ↑ "Знаменитые выпускники школы". Школа села Сабаево. 2019-11-07 tarixində arxivləşdirilib. İstifadə tarixi: 2020-06-06.
- ↑ "Мударисов Рушат Салихович". База данных «Актеры России». 2019-12-08 tarixində arxivləşdirilib. İstifadə tarixi: 2020-06-06.
Xarici keçidlər
redaktə- Ruşat Müdərisov "Nur" teatrı saytında.