Rvo
Rvo — Azərbaycan Respublikasının Lənkəran rayonunun inzibati ərazi vahidində kənd.[1]
Rvo | |
---|---|
38°43′05″ şm. e. 48°45′11″ ş. u. | |
Ölkə | Azərbaycan |
Rayon | Lənkəran rayonu |
Tarixi və coğrafiyası | |
Mərkəzin hündürlüyü | 66 m |
Saat qurşağı | |
Əhalisi | |
Əhalisi |
|
Tarixi redaktə
Tarixi XVI–XVII əsrlərə qədər uzanır. Bunu kəndin tərkibində olan XVII əsrdə inşa edilən kənd məscidindən və məzarlıqda olan tarixlərdən də görmək mümkündür.
Tərkibi redaktə
Əvvəllər kənd Lənkəran tərəfdən Qurumba və Lerik tərəfdən təngivan olmaqla 8 kəndi əhatə edirdi. Rvo kəndinin tərkibində — Narbağı, Qurumba, Əşlə, Siyablı, Mollakənd, Şovu və Təngivan kəndləri mövcud idi.
Lakin 25 oktyabr 2011-ci ildə Azərbaycan Respublikasının Milli Məclisinin qərarı ilə Şovu, Təngivan və Siyablı kəndləri Rvo kənd inzibati ərazi dairəsi tərkibindən ayrılaraq, mərkəzi Şovu kəndi olmaqla Şovu kənd inzibati ərazi dairəsi yaradılmış və Azərbaycan Respublikasının ərazi vahidlərinin Dövlət reyestrinə daxil edilmişdir.[2]
Qurumba və Narbağı kəndləri isə, mərkəzi Qurumba kəndi olmaqla Qurumba kənd inzibati ərazi dairəsi yaradılmış və Azərbaycan Respublikasının ərazi vahidlərinin Dövlət reyestrinə daxil edilmişdir.[3] Halhazırda Rvo kəndinin tərkibinə Əşlə və Mollakənd kəndləri daxildir.
Toponimiyası redaktə
Mütəxəssislərin fikrincə, bu toponim talış, dilində (Rüvə) Rü-çay, Və-ön (Çay önü, çay qabağı) sözündən götürülüb. Bunu yaşayış məntəqəsinin Lənkəran çayının sahilində yerləşməsi ilə əlaqələndirirlər.[4]
Dini redaktə
İslam dinindən sonra yarandığı üçün, bu yaşayış məntəqəsinin dini İslam dinidir. Və əhalinin çoxu Şiə məzhəbindədirlər. Kənddə hər il Aşura mərasimi qeyd edilir.
Mədəniyyət redaktə
Tərkibində kitabxana, XIX əsrə aid məscid, məktəb, uşaq bağçası, poçt, kənd bələdiyyəsi, tibb məntəqəsi, stadion, otel və istirahət yerləri mövcuddur.
Məşğulluq redaktə
Kənd əhalisi əsasən kənd təsərrüfatı olan maldarlıq,əkinçilik və meyvəçiliklə məşğuldur.
İstinadlar redaktə
- ↑ Azərbaycan Respublikasının inzibati — erazi bölgüsü. Məlumat toplusu. Bakı — 2013. 488 səh.
- ↑ "Lənkəran rayonunun inzibati ərazi bölgüsündə qismən dəyişikliklər edilməsi haqqında Azərbaycan Respublikasının 25 oktyabr 2011-ci il tarixli Qanunu" (az.). az.president.az. 23 dekabr 2011, 20:40. 2016-03-04 tarixində arxivləşdirilib. İstifadə tarixi: 2014-05-05.
- ↑ "Lənkəran rayonunun inzibati ərazi bölgüsündə qismən dəyişikliklər edilməsi haqqında Azərbaycan Respublikasının 25 oktyabr 2011-ci il tarixli Qanunu" (az.). az.president.az. 23 dekabr 2011, 20:40. 2016-03-04 tarixində arxivləşdirilib. İstifadə tarixi: 2014-05-05.
- ↑ Azərbaycan toponimlərinin ensiklopedik lüğəti. İki cilddə. I cild. Bakı, "Şərq-Qərb", 2007,304 səh.