Süleyman Elmurzayev
Süleyman Elmurzayev və ya Əmir Xeyrullah [1][2][3][4][5](8 aprel 1974, Novolak rayonu, Dağıstan MSSR – 4 aprel 2007, Vedeno rayonu, Çeçenistan) — çeçen separatçılarının liderlərindən biri, səhra komandiri, Çeçen İçkeriya Respublikası Silahlı Qüvvələrinin briqada generalı (24.09.2006)[6]. İçkeriya Baş nazirinin müavini (07.03.2007 -ci ildən)[7], ÇİR Silahlı Qüvvələrinin Şərq Cəbhəsi komandanı (24.09.2006-cı ildən)[8], 2006-cı ilin iyulunda vəfat edən Şamil Basayevin yaxın çevrəsinin üzvü. 1999-cu ildə yaraqlıların Dağıstana hücumunda iştirak etdiyinə görə federal axtarışa verilmişdir. Ölüm ana qədər İnterpol vasitəsilə beynəlxalq axtarışa olmuşdur.
| Süleyman Elmurzayev | |
|---|---|
| Doğum tarixi | 8 aprel 1974 |
| Doğum yeri | |
| Vəfat tarixi | 4 aprel 2007 (32 yaşında) |
| Vəfat yeri | |
Bioqrafiyası redaktə
1999-cu ildə yaraqlılara qoşulmuşdur[9]. Şamil Basayevin şəxsi mühafizə xidmətinin üzvü olur. Vedeno rayonu camaatının əmiri olaraq təyin edilir və eyni zamanda Əbu əl-Vəlid onu öz nümayəndəsi təyin edir.
2000-ci illərdə separatçıların Şərq Cəbhəsinin Vedeno sektorunun komendantı olur. 9 may 2004-cü ildə Çeçenistan Respublikasının Prezidenti Əhməd Kadırovun öldürülməsinin əsas təşkilatçılarından biri hesab olunur. Atasının ölümündən sonra Ramzan Kadırov Xayrullanı Basayevlə bərabər şəxsi düşməni adlandırir.
2004-cü ilin noyabrında Süleyman Elmurzayevin xüsusi əməliyyat nəticəsində məhv edildiyi rəsmən elan edilir, lakin sonradan onun ölümü təsdiqlənmir.
24 sentyabr 2006-cı ildə ÇİR Prezidenti Dokka Umarov fərmanları ilə Elmurzayevə briqada generalı rütbəsi verilir və onu həmin gün ÇİR Silahlı Qüvvələrinin Cənub-Şərq Cəbhəsinin komandanı təyin edir[10]. 2007-ci ilin fevral ayında Çeçenistan Respublikası Daxili İşlər Nazirliyinin məlumatında Dokku Umarovla birlikdə Çeçenistan Respublikası ərazisində fəaliyyət göstərən ən təhlükəli silahlılar olaraq göstərilir.
2007-ci ilin mart ayında İçkeriya Prezidenti Dokka Umarov Süleyman Elmurzayevi Baş nazirin müavini təyin edir.
4 aprel 2007-ci ildə Çeçenistanın Vedeno rayonunda Daxili İşlər Nazirliyi tərəfindən təşkil edilən xüsusi əməliyyat zamanı atışma nəticəsində öldürülür[11]. Ölümünə qədər ən məşhur səhra komandirlərindən biri olur[12].
Rusiya Federasiyası Daxili İşlər Nazirliyinə görə, Xeyrullah Dokka Umarovun varisi hesab olunurdu və Çeçenistan Respublikası ərazisində fəaliyyət göstərən ən təhlükəli silahlılardan biri idi.
Çeçenistan Baş nazirinin müavini Adam Delimxanovun və respublikanın daxili işlər naziri Ruslan Alxanovun sözlərinə görə, Elmurzayev respublika ərazisində bir çox ağır cinayətlərdə və terror aktlarında iştirak etmişdir. Delimxanov onu da qeyd etdi ki, Xeyrullah Əhməd Kadırovun ölümündə əli olduğunu açıq elan edənlərdən biri olmuşdur.
Ramzan Kadırov Xeyrullahın "atamın öldürülməsinə görə məsuliyyəti öz üzərinə götürdüyünü" söylədiyi üçün onu "qan düşməni" hesab edirdi[13].
Çeçen İçkeriya Respublikasının Prezidenti Umarovun fərmanı ilə o, ölümündən sonra 3 oktyabr 2007-ci ildə Çeçen İçkeriya Respublikasının ən yüksək ordeni "Koman siy" ("Millətin Şərəfi") ilə təltif edilir.
Çeçen separatçıları onu çeçen hesab etsələrdə[14], «"Qafqazski uzel» saytı onu lak olaraq göstərmişdir[15].
İstinadlar redaktə
- ↑ Рамзан Ахматович Кадыров[ölü keçid]
- ↑ "Крупная удача Рамзана Кадырова". 2015-12-22 tarixində arxivləşdirilib. İstifadə tarixi: 2021-10-13.
- ↑ "Убит Сулейман Имурзаев, устроитель взрыва Ахмата Кадырова". 2015-12-22 tarixində arxivləşdirilib. İstifadə tarixi: 2021-10-13.
- ↑ "Для верности — убить дважды". 2015-12-22 tarixində arxivləşdirilib. İstifadə tarixi: 2021-10-13.
- ↑ "Новости NEWSru.com :: МВД назвало самых опасных боевиков в Чечне: имя одного из арабов было в списке убитых при штурме "Норд-Оста"". 2015-12-22 tarixində arxivləşdirilib. İstifadə tarixi: 2021-10-13.
- ↑ Ресурс заблокирован - Resource is blocked
- ↑ Ресурс заблокирован - Resource is blocked
- ↑ Ресурс заблокирован - Resource is blocked
- ↑ "Убийца президента уходит от погони". ytro.ru. 2021-01-22 tarixində arxivləşdirilib. İstifadə tarixi: 2021-01-30.
- ↑ Президент ЧРИ внес изменения в структуры ВС ЧРИ и произвел кадровые назначения
- ↑ "Кавказский Узел | Имурзаев (Эльмурзаев) Сулейман Эльмурзаевич (амир Хайрулла)". 2011-10-31 tarixində arxivləşdirilib. İstifadə tarixi: 2021-10-13.
- ↑ "Уничтожен убийца Ахмада Кадырова". 2015-12-22 tarixində arxivləşdirilib. İstifadə tarixi: 2021-10-13.
- ↑ "Уничтоженный на рассвете Хайрулла обещал убить Рамзана Кадырова — Газета Труд". 2016-03-07 tarixində arxivləşdirilib. İstifadə tarixi: 2021-10-13.
- ↑ Kavkaz-Center. "Амир Акраман – Шахид, иншаАллах!". Kavkazcenter.com (rus). İstifadə tarixi: 2021-08-15.
- ↑ Кавказский узел. "Имурзаев (Эльмурзаев) Сулейман Эльмурзаевич (амир Хайрулла)". Кавказский узел. 2021-10-29 tarixində arxivləşdirilib. İstifadə tarixi: 2021-08-16.