Sünnilik
Sünnilik (ərəbcə أهل السنة والجماعة — Əhl əs-Sünnə və əl-Cəmaat və ya qısa olaraq أهل السنة — Əhl əs-Sünnət) — İslamda ən böyük məzhəb və ya əqidə.
Dünyada İslam dininə etiqad edənlərin 85-90%-ni Sünnə məzhəbinin nümayəndələri təşkil edir.[1][2] Sünnə sözü ərəbcədən tərcümədə "yol" mənasına gəlir. Sünnilər bu adla Məhəmməd peyğəmbərin yoluna sadiq olduqlarını bildirirlər. Sünnəliyin 2 etiqadı, 4 fiqh məzhəbi var: Əşərilik və Maturidilik etiqadı, Hənəfi, Maliki, Şafii və Hənbəli isə fiqhi məzhəblərdir.
Qaynaqları
redaktə
Sünnilərin ilkin hədis kitabları hələ Məhəmməd peyğəmbər sağ ikən beytlər şəklində [3] yazılmağa başlanmışdır ki, bu janr da "Məğazi" adlanır. Erkən zamanda "əl-Məğazi" janrında yazılmış kitab müəllifləri arasında ən tanınmış müəlliflər üç nəfərdir:
- Məhəmməd bin Ömər əl-Vaqidi (hicri 130-207),
- Məhəmməd bin İshaq əl-Muttaləbi (hicri 80-151),
- Musa bin Uqbə əl-Mədəni (vəfatı h. 141).
Sünnilərin digər məşhur hədis qaynaqları bunlardır:
- Həmmam ibn Münəbbih - "Sahifətus-səhihə" (Bu mənbədə Məhəmməd peyğəmbərdən 70 il sonra, səhabə Əbu Hureyrədən, 120-dən çox hədis yazmışıldır),
- Əbdur-Razzaqın "Müsənnəfi",
- Əhməd ibn Hənbəl "Müsnəd"i,
- Hakimin "Müstədrak"ı
- İmam Malikin "Muvatta"sı (Bu mənbə Məhəmməd peyğəmbərdən 150 il sonra yazmışıldır),
- Səhih İbn Hibban,
- Sünən əl-Darimi,
- Kitabuz-Zuhd,
- Səhihi Buxari (İmam Buxari özündən əvvəl yazılmış hədisləri toplayaraq, onları tədqiq və təsnif edərək özünün bu kitabında cəm etmişdir),
- Səhihi Müslim,
- Sünəni Nəsai,
- Sünəni Tirmizi,
- Sünəni Əbu Davud,
- Sünəni İbn Macə.
İstinadlar
redaktə- ↑ Britannika Ensiklopediyası, Sunnite Arxivləşdirilib 2010-08-09 at the Wayback Machine
- ↑ "Oxford Islamic Studies Online". 2017-12-14 tarixində arxivləşdirilib. İstifadə tarixi: 2010-06-09.
- ↑ ibn Uqbə, Musa. əl-Məğazi (ərəbcə). Mədinə şəhəri. VII-VIII əsrlər.
Həmçinin bax
redaktəXarici keçidlər
redaktə İslam haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin. |