Səməndər Rzayev

Səməndər Mənsim oğlu Rzayev (2 yanvar 1945(1945-01-02), Ağsu – 27 mart 1986(1986-03-27), Bakı) — Azərbaycan teatr və kino aktyoru, qiraət ustası, Azərbaycan SSR əməkdar artisti (1974), Azərbaycan SSR dövlət mükafatı laureatı (1980).

Səməndər Rzayev
Səməndər Mənsim oğlu Rzayev
Doğum tarixi	2 yanvar 1945
Doğum yeri	Ağsu, Azərbaycan SSR, SSRİ
Vəfat tarixi	27 mart 1986 (41 yaşında)
Vəfat yeri	Bakı, Azərbaycan SSR, SSRİ
Vəfat səbəbi	Qaraciyər sirrozu
Dəfn yeri	Yasamal qəbiristanlığı
Milliyyəti	azərbaycanlı
Vətəndaşlığı	SSRİ
Uşaqları	Rübabə Rzayeva Rəşid Səməndər
Fəaliyyəti	aktyor, qiraət ustası
Fəaliyyət illəri	1967–1986
Təhsili	Azərbaycan Dövlət Teatr İnstitutu
Teatr	Azərbaycan Dövlət Akademik Milli Dram Teatrı
Mükafatları
IMDb	ID 0753529

Həyatı

Səməndər Rzayev 2 yanvar 1945-ci ildə Ağsuda anadan olub. O, Ağsu rayonundakı dram dərnəyində fəaliyyət göstərib. 1964–1968-ci illərdə Mirzağa Əliyev adına Azərbaycan Dövlət Teatr İnstitutunun dram və kino aktyorluğu fakültəsində təhsil alıb. Onun sənət müəllimləri Rza Təhmasib, Mehdi Məmmədov, Adil İsgəndərov olublar. 1968-ci ildə, institutun son kursunda oxuyarkən Azərbaycan Dövlət Akademik Milli Dram Teatrının truppasına baş rejissor Tofiq Kazımovun dəvəti ilə qəbul edilib. Onun ilk rolu Uilyam Şekspirin "Hamlet" faciəsinin tamaşasında Horatsio olub.

Aktyor Rəşid Səməndər in və teatrşünas Rübabə Rzayeva nın atasıdır

Aktyor 27 mart 1986-cı ildə Bakı şəhərində vəfat edib. Yasamal qəbiristanlığında dəfn olunub.

Mükafatları

• "Azərbaycan SSR əməkdar artisti" fəxri adı – 1 iyun 1974
• Azərbaycan SSR dövlət mükafatı – 1980

Filmoqrafiya

1. 777 №-li iş (film, 1992)(tammetrajlı bədii film)
2. Ad günü (film, 1977)(tammetrajlı bədii film)-rol: Faiq
3. Alma almaya bənzər (film, 1975)(tammetrajlı bədii film)-səsləndirən: Nadir (Hüseynağa Sadıqov)
4. Arxadan vurulan zərbə (film, 1977) - səsləndirən: Dadaşlı(Adil İsgəndərov)
5. Arşınmalçı (film, 1985) - rol: Rəis
6. Aşıq Ələsgər (film, 1972) - film səsləndirən: şeirləri oxuyan
7. Babamızın babasının babası (film, 1981) - rol: Əliquliyev
8. Babək (film, 1979) - rol: İbn Bəis
9. Bağ mövsümü (film, 1985) - rol: Ağamirzə
10. Bakıda küləklər əsir (film, 1974) - film səsləndirən: Şahmar bəy (Rza Təhmasib)
11. Baldızoğlu (film, 1977)
12. Bayquş gələndə... (film, 1978) - film səsləndirən: Şahlar bəyin oğlu
13. Belə lazımdır (film, 1982)
14. Bəyin oğurlanması (film, 1985) - rol: sovxoz müdiri Hidayət müəllim
15. Birisigün, gecəyarısı... (film, 1981) - film səsləndirən: Nəriman Nərimanov (Məlik Dadaşov)
16. Bizim küçənin oğlanları (film, 1973) - film səsləndirən: Əbdül (Məlik Dadaşov)
17. Çarvadarların izi ilə (film, 1974) - rol: Səməndər
18. De ki, məni sevirsən! (film, 1977) - film səsləndirən: Milis podpolkovniki (Məlik Dadaşov)
19. Dədə Qorqud (film, 1975) - film səsləndirən: Qazan Xan (Həşim Qadoyev)
20. Dəli Kür (film, 1969) - film səsləndirən: Polis rəisi (Vadim Qraçov)
21. Evlənmək istəyirəm (film, 1983) - rol: Həsənağa
22. Evləri köndələn yar (film, 1982) - rol: Şakir Şirinov
23. Ən vacib müsahibə (film, 1971) - film səsləndirən: Abdulla Kərimoviç (Konstantin Adamov)
24. Əzablı yollar (film, 1982) - film səsləndirən: Hökmdar (Həsən Məmmədov)
25. Gənclik macərası (film)(tammetrajlı televiziya tamaşası)(AzTv)
26. Gözəllik ondur... (film, 1984)
27. Xatirələr sahili (film, 1972) - film səsləndirən: Vəzifəli şəxs (Fateh Fətullayev)
28. Xüsusi vəziyyət (film, 1986) - rol: Redaksiyanın məsul katibi
29. İmtahan (film, 1982)
30. İntizam (film, 1983) - rol: Rasim Xudiyeviç
31. İstintaq (film, 1979) - film səsləndirən: Seyfi (Aleksandr Kalyagin)
32. Köhnə bərə (film, 1984) - film səsləndirən: İlyas (Süleyman Ələsgərov)
33. Qanlı zəmi (film, 1985) - film səsləndirən: Arabasürən (Əhməd Əhmədov)
34. Qara gölün cəngavərləri (film, 1984) - rol: Dükançı Ağakərim
35. Qatır Məmməd (film, 1974) - rol: Əhəd/film səsləndirən: Müller (Olev Eskola)
36. Qərib cinlər diyarında (film, 1977) - film səsləndirən: Akşad (Muxtar Maniyev)
37. Qız qalası əfsanəsi (film, 1978) - Mətni oxuyan
38. Qızıl qaz (film, 1972) - film səsləndirən: Muxtarov (Tofiq Tağızadə)
39. Layiqli namizəd (film, 1984)
40. "Mədəniyyət" № 1 (film, 1975)
41. Musiqili xaş (film, 1984)
42. Mübadilə (film, 1983)
43. Müqəddəs and (film, 1983)
44. Nəsimi (film, 1973) - Şirvanşah İbrahim
45. Nizami (film, 1982) - film səsləndirən: Qızıl Arslan (Hacımurad Yegizarov)
46. O qızı tapın (film, 1970) - film səsləndirən: Məlikov (Valeri Kovtun)
47. Od içində (film, 1978) - rol: Tomar bəy
48. Ömrün İlk Saatı (1973) - film səsləndirən: Agent
49. Ömrün səhifələri (film, 1974) - film səsləndirən: telefon gözləyən adam (Şəmsi Bədəlbəyli)
50. Ömür payı. Səməndər Rzayev (film, 2015)
51. Örtülü bazar (film, 1984)
52. Park (film, 1983) - film səsləndirən: Gena (Aleksandr Kalyagin)
53. Sarıköynəklə Valehin nağılı (film, 1980) - rol: Baləmi
54. Skripkanın sərgüzəşti (film, 1972) - film səsləndirən: Makovski (Pavel Kadoçnikov)
55. Sökmək asandır... (film, 1985)
56. Şəhərli biçinçilər (film, 1986) - rol: Hümmət
57. Tikdim ki, izim qala. III film (film, 1998)
58. Tütək səsi (film, 1975) - film səsləndirən: Muxtar (Gümrah Rəhimov)
59. Uşaqlığın son gecəsi (film, 1968) - rol: Milis işçisi/film səsləndirən: Zaur (Qorxmaz Atakişiyev)
60. Vulkana doğru (film, 1977)
61. Yollar görüşəndə... (film, 1979)

Mənbə

• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 53.
• Hüseynov, F. “Bu kino ki var...”: Unudulmaz aktyor Səməndər Rzayevin xatirəsi yad edildi: [Dövlət Film Fondunda] //Mədəniyyət. - 2015.- 6 mart.- S.5.
• Kazımzadə, A. Kral Aktyor: [Əməkdar artist Səməndər Rzayev haqqında] //Kaspi.- 2015.- 14-16 mart.- S.14.

Xarici keçidlər

• "Bu başlıq atamın ruhuna ən böyük həqarətdir"-Səməndər Rzayevin qızı DANIŞDI