Sərxan Ocaqverdiyev

Sərxan Ocaqverdiyev (16 iyul 1967, Səfikürd, Qasım İsmayılov rayonu – 5 may 1992, Talış, Ağdərə rayonu) — Azərbaycanın Milli Qəhrəmanı, Birinci Qarabağ müharibəsi şəhidi.

Sərxan Ocaqverdiyev
Sərxan Surxay oğlu Ocaqverdiyev
Şəxsi məlumatlar
Doğum tarixi	16 iyul 1967(1967-07-16)
Doğum yeri	Səfikürd, Qasım İsmayılov rayonu, Azərbaycan SSR, SSRİ
Vəfat tarixi	5 may 1992(1992-05-05) (24 yaşında)
Vəfat yeri	Talış, Ağdərə rayonu, Azərbaycan
Hərbi fəaliyyəti
Mənsubiyyəti	Azərbaycan Respublikası
Rütbəsi	əsgər
Döyüşlər	Birinci Qarabağ müharibəsi
Təltifləri

Həyatı

Sərxan Ocaqverdiyev 16 iyul 1967-ci ildə Goranboy rayonu Səfikürd kəndində anadan olmuşdur. 1975-ci ildə Tatarlı kənd orta məktəbinin I sinfinə getmiş, 1985-ci ildə həmin məktəbi əla qiymətlərlə bitirmişdir. 1985-ci ildə Sovet ordusu sıralarında xidmət etmiş, 1987-ci ildə ordudan tərxis olunmuşdur. Həmin il Gəncə Maşınqayırma Texnikumuna daxil olmuş 1989-cu ildə oranı bitirərk Gəncə Maşınqayırma Zavodunda işə daxil olmuşdur.

Döyüşlərdə iştirakı

1991-ci ildə Xocalı soyqırımından sonra, bu vəhşiliyə dözə bilməyən Sərxan yerli könüllü batalyonuna yazılmışdır. Bir çox doyüşlərdə igidlik göstərən qəhrəmanın son döyüşü Talış kəndində 5 may 1992-ci ildə olmuşdur.

Goranboy rayonun Səfikürd kəndində dəfn edilmişdir.

Nişanlı idi.

Hal-hazırda oxuduğu Tatarlı kənd orta məktəbi onun adını daşıyır.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 234.