Sətəm əs-Suqami
Sətəm Məhəmməd Abdel Rəhman əs-Suqami (ərəb. سطام السقامي; 28 iyun 1976, Ər-Riyad – 11 sentyabr 2001) — Səudiyyə terrorçusu, təyyarə qaçıran, 11 sentyabr 2001-ci il terror aktını həyata keçirən 19 intiharçı-terrorçudan biri. Dünya Ticarət Mərkəzinin şimal qülləsinə koordinasiyalı hücum nəticəsində çırpılan American Airlines reys 11 təyyarəsini qaçıran beş nəfərdən biri.
Suqami Əl-Qaidə tərəfindən cəlb olunanda hüquq tələbəsi idi. O, başqa təyyarə qaçıran Məjed Moqed ilə birgə Əl-Qaidəyə qoşuldu və onunla Əfqanıstana getdi. Orada 11 sentyabr terror hücumlarına qatılmaq üçün seçildi. 2001-ci ilin aprelində ABŞ-yə gəldi.
Öncəki həyatı və təhsili
redaktəSəudiyyə Ərəbistanının paytaxtı Ər-Riyad anadan olan Suqami, Kral Səud Universitetinin hüquq fakültəsində oxuyurdu. Orada Əl-Qaidə tərəfindən ehtimal olunan keçmiş tələbə yataq otağı yoldaşı Məjed Moqed ilə birlikdə cəlb olundu. Onlar İbn əl-Şeyx əl-Libi tərəfindən təşkil edilən Kabil yaxınlığındakı böyük bir təhsil müəssisəsi olan Haldenə gəldilər. 2000-ci ilin noyabr ayında ikisi də Bəhreyndən İrana keçdilər.
Hücumlar
redaktə10 sentyabr 2001-ci ildə Suqami Bostondakı Milner otelində Mərvan əl-Şəhhi, Fayez Bənihəmməd və Mohand əl-Şəhri ilə birgə ortaq otaq icarəyə götürdü.
Hücum günü Suqami 11-ci təyyarədə Səudiyyə Ərəbistanı pasportundan istifadə edərək uçuş üçün qeydiyyatdan keçdi. Loqan Beynəlxalq Hava Limanında, baqajının əlavə yoxlanmasını tələb edən və sərnişin təhlükəsizliyi məntəqəsində əlavə yoxlamadan azad edən[1] CAPPS kompüter sistemi tərəfindən seçildi.[2]
İstinadlar
redaktə- ↑ "The Aviation Security System and the 9/11 Attacks - Staff Statement No. 3" (PDF). 9/11 Commission. 2008-05-28 tarixində arxivləşdirilib (PDF). İstifadə tarixi: 2021-01-23.
- ↑ "9/11 Commission Report (Chapter 1)". July 2004. 2008-05-11 tarixində arxivləşdirilib. İstifadə tarixi: 2021-01-23.