Səxavət Məmmədov (xanəndə)

Azərbaycan xanəndəsi

Səxavət Əmirxan oğlu Məmmədov (23 oktyabr 1953(1953-10-23), Abdal Gülablı[d], Ağdam rayonu30 sentyabr 1991(1991-09-30), Azərbaycan) — Azərbaycan xanəndəsi.

Səxavət Məmmədov
Səxavət Məmmədov.png
Ümumi məlumatlar
Doğum adı Səxavət Əmirxan oğlu Məmmədov
Doğum tarixi
Doğum yeri Abdal-Gülablı, Ağdam rayonu
Vəfat tarixi (37 yaşında)
Vəfat yeri
Vəfat səbəbi yol-nəqliyyat hadisəsi
Vətəndaşlığı
Uşağı
Musiqiçi məlumatları
Fəaliyyəti xanəndə
Fəaliyyət illəri 1970-1991
Musiqi aləti dəf

HəyatıRedaktə

Səxavət Məmmədov 1953-cü il oktyabr ayının 23-də Ağdam rayonunun Abdal-Gülablı kəndində anadan olmuşdur. Səxavətin də səsi "Segah"a yatımlı idi, ruhu "Segah"a bağlı idi. Oxuduğu mahnıların əksəriyyəti məhz "Segah" ladındadır. "Ay Bəri Bax", "Uca Dağlar", "Yar Bizə Qonaq Gələcək", "Ay Çiçək", "Sarı Bülbül" "Sona Bülbüllər" və s.

1971-ci ildə Asəf Zeynallı adına Musiqi Texnikumununa daxil olan Səxavət ustad xanəndə, xalq artisti Hacıbaba Hüseynovdan muğamın sirlərini öyrənir. 1976-cı ildə “Hümayun” xalq ansmblının solisti olur. 1983-88-ci illərdə Dövlət İncəsənət İnstitutunda təhsil alan Səxavət Məmmədov Azərbaycan muğamını bir çox ölkələrdə təmsil edir. Yaratdığı “Qarabağ” instrumental ansamblı isə xanəndənin şah əsərlərindən biri kimi bu gün də yaşayır.

“Qarabağ” instrumental ansamblı Qarabağ hadisələrinin ilk illərində yarandı. Səxavət “Qarabağ”la təkcə Qarabağı deyil, SSRİ-ni, Avropa ölkələrini gəzib dolanır, muğamımızla yanaşı, Azərbaycan həqiqətlərini də dünyaya çatdırırdı.

Səxavət Məmmədov bənzərsiz səsə malik idi. Xanəndə 1991-ci il sentyabrın 30-da indiki Şirvan rayonundan qayıdarkən avtomobil qəzasına uğrayaraq dünyasını dəyişdi. Müharibə vəziyyətinə görə Səxavət Məmmədovun qəbri üzərinə qoyulmaq üçün Bakıda sifariş edilən məzar daşı kənddə gedən gərgin döyüşlər səbəbindən ünvanına çatdırıla bilmədi. Daha sonra isə kənd işğal olundu. Səxavət Məmmədovun üzərində şəkli, doğum və ölüm tarixi həkk olunmuş başdaşı Bakıdakı evinin həyətində qaldı[1][2].

AiləsiRedaktə

Oğlu Bəxtiyar Məmmədovdur.

Xanəndə Firuz Səxavətin böyük qardaşıdır.

FilmoqrafiyaRedaktə

  1. Bəxt üzüyü (film, 1991) - Mahnı ifa edən

İstinadlarRedaktə

  1. "Məşhurların ailə faciələri". 2016-01-26 tarixində orijinalından arxivləşdirilib. İstifadə tarixi: 2010-03-01.
  2. ARB TV (26.11.2020). "Səxavət Məmmədovun məzarı tapıldı" (azərb.). Youtube.com. İstifadə tarixi: 2020-11-27.

Xarici keçidlərRedaktə