Sakit uşaq (film, 2017)
"Sakit uşaq" (ing. The Silent Child) — işarət dilində[1] çəkilmiş Böyük Britaniya qısametrajlı bədii filmi. 2017-ci ildə Slick Films şirkətində istehsal olunmuş filmin rejissoru Kris Overtondur.[2] Baş rolu filmin ssenari müəllifi Reyçel Şenton ifa edir. Film Oskar mükafatının 90-cı təqdimat mərasimində "Ən yaxşı qısametrajlı bədii filmə görə" nominasiyasının qalibi olub.[3]
| Sakit uşaq | |
|---|---|
| ing. The Silent Child | |
.jpg) | |
| Janr | dram |
| Rejissor | Kris Overton |
| Prodüserlər |
Rebekka Harris Culi Foy Denni Omerod |
| Ssenari müəllifi | Reyçel Şenton |
| Baş rollarda |
Reyçel Şenton Meyzi Slay |
| Operator | Əli Fərahani |
| Bəstəkar | Əmir Koncani |
| İstehsalçı | Slick Films |
| İlk baxış tarixi | 8 avqust 2017, ABŞ |
| Filmin növü | qısametrajlı bədii film |
| Müddət | 20 dəqiqə |
| Ölkələr |
 Böyük Britaniya |
| Dillər |
ingilis dili Britaniya işarət dili |
| İl | 2017 |
| Rəng | rəngli |
| IMDb | ID6186970 |
Məzmun
redaktəFilm anadangəlmə eşitmə problemi olan 4 yaşlı balaca Libbidən bəhs edir. Qızcığaz səssizlik aləmində yaşayır. Lakin gözlənilmədən onun həyatında sosial işçi peyda olur və Libbiyə əhatəsində olan insanlarla ünsiyyət qurmağı öyrədir.
Rollarda
redaktə- Reyçel Şenton — Coan
- Meyzi Slay — Libbi
- Reyçel Fildinq — Syu
- Filip York — Pol
- Anna Berri — Nensi
- Sem Ris — Sib
- Enni Kassell — Pip
Zəmin
redaktəFilm həyatda atası kar olan Şentonun şəxsi təcrübəsinə əsaslanır. Filmdə dərin eşitməzlik yaşayan uşağın obrazını kinoda ilk dəfə çəkilən 6 yaşlı Meyzi Slay ifa etmişdir.[4][5] Filmdə Britaniya işarət dilindən (BSL) istifadə olunmuşdur.
Mükafatlar və nominasiyalar
redaktə"Sakit uşaq" filmi 2017-ci ilin avqustunda Rod Aylend Beynəlxalq Film Festivalında "Ən yaxşı qısametrajlı film" nominasiyasının qalibi olmuşdur. Bu məqam filmin "Oskar"a yolunun açılmasında əsas rol oynadı. 2017-ci ilin dekabrında film "Oskar"ın "Ən yaxşı qısametrajlı bədii filmə görə" nominasiyasında yekun olaraq seçilmiş 10 filmin arasında yer aldı.[1][2] 23 yanvar 2018-ci ildə filmin Ən yaxşı qısametrajlı bədii filmə görə "Oskar" mükafatına namizəd göstərildiyi elan edildi və sonradan mükafatın sahibi oldu.[3] Mükafat Şentona təqdim edilərkən o öz çıxışını həm söz, həm də işarət dili üzərində qurdu.[6]
| Mükafat | Təqdimetmə tarixi | Nominasiya | Namizəd | Nəticə | İst. |
|---|---|---|---|---|---|
| Oskar mükafatı | 4 mart 2018 | Ən yaxşı qısametrajlı bədii film | Kris Overton Reyçel Şenton |
Qazandı | |
| Aestetika Qısametrajlı Film Festivalı | 12 noyabr 2017 | Tamaşaçı səsverməsi | Kris Overton | Qazandı | |
| "York Yous" mükafatı | Kris Overton | Qazandı | |||
| Hollivud Beynəlxalq Hərəkətli Şəkillər Film Festivalı | avqust, 2017 | Tanıtım mükafatı: qısametrajlı dram | Kris Overton | Qazandı | [7] |
| Tanıtım mükafatı: 18 yaşdan aşağı aktrisa | Meyzi Slay | Qazandı | |||
| London Müstəqil Film Mükafatı | avqust, 2017 | Ən yaxşı aktrisa | Reyçel Şenton | Qazandı | [8] |
| Rod Aylend Beynəlxalq Film Festivalı | 13 avqust 2017 | Ən yaxşı aktrisa | Meyzi Slay | Qazandı | [9][10] |
| Münsiflər heyətinin Qran-Pri mükafatı | Kris Overton | Qazandı |
İstinadlar
redaktə- ↑ 1 2 Colin Paterson. "The Silent Child: From Hollyoaks to Hollywood?". BBC News. 2018-01-20. 2022-09-24 tarixində arxivləşdirilib. İstifadə tarixi: 2019-08-05.
- ↑ 1 2 "10 Live action shorts advance in 2017 Oscar race". Academy of Motion Picture Arts and Sciences. 2017-12-11. 2017-12-13 tarixində arxivləşdirilib. İstifadə tarixi: 2019-08-05.
- ↑ 1 2 "Oscars 2018: The list of nominees in full". BBC News. 2018-01-23. 2019-03-28 tarixində arxivləşdirilib. İstifadə tarixi: 2019-08-05.
- ↑ "Profoundly deaf Maisie Sly is the star of a short film which might be nominated for an Oscar". BBC News. 2018-01-20. 2018-01-23 tarixində arxivləşdirilib. İstifadə tarixi: 2019-08-05.
- ↑ Daniel Angelini. "Oscar nomination for short film starring Swindon six-year-old Maisie". Swindon Advertiser. 2018-01-23. 2018-09-24 tarixində arxivləşdirilib. İstifadə tarixi: 2019-08-05.
- ↑ Oscars. ""The Silent Child" wins Best Live Action Short Film" (ingilis). Youtube.com. 17.04.2018. 2022-01-24 tarixində arxivləşdirilib. İstifadə tarixi: 2019-08-05.
- ↑ "August 2017 Winners". A home for your amazing films. (ingilis). avqust 2017. 22 September 2022 tarixində arxivləşdirilib. İstifadə tarixi: 6 March 2018.
- ↑ "August 2017 Winners". LIF Awards. 2017-11-09. 2022-01-31 tarixində arxivləşdirilib. İstifadə tarixi: 6 March 2018.
- ↑ "Little Maisie wins best actress award at international film festival". Swindon Advertiser (ingilis). 2017-08-16. 2018-08-25 tarixində arxivləşdirilib. İstifadə tarixi: 6 March 2018.
- ↑ "2017 RIIFF Awards". www.film-festival.org. 2017-08-13. 2021-12-01 tarixində arxivləşdirilib. İstifadə tarixi: 6 March 2018.